॥ Sri Goda Devi Ashtottara Shatanamavali Bengali Lyrics ॥
॥ শ্রীগোদাষ্টোত্তরশতনামস্তোত্রম্ ॥
ধ্যানম্ ।
শতমখমণি নীলা চারুকল্হারহস্তা
স্তনভরনমিতাঙ্গী সান্দ্রবাত্সল্যসিন্ধুঃ ।
অলকবিনিহিতাভিঃ স্রগ্ভিরাকৃষ্টনাথা
বিলসতু হৃদি গোদা বিষ্ণুচিত্তাত্মজা নঃ ॥
অথ স্তোত্রম্ ।
শ্রীরঙ্গনায়কী গোদা বিষ্ণুচিত্তাত্মজা সতী ।
গোপীবেষধরা দেবী ভূসুতা ভোগশালিনী ॥ ১ ॥
তুলসীকাননোদ্ভূতা শ্রীধন্বিপুরবাসিনী ।
ভট্টনাথপ্রিয়করী শ্রীকৃষ্ণহিতভোগিনী ॥ ২ ॥
আমুক্তমাল্যদা বালা রঙ্গনাথপ্রিয়া পরা ।
বিশ্বম্ভরা কলালাপা য়তিরাজসহোদরী ॥ ৩ ॥
কৃষ্ণানুরক্তা সুভগা সুলভশ্রীঃ সলক্ষণা ।
লক্ষ্মীপ্রিয়সখী শ্যামা দয়াঞ্চিতদৃগঞ্চলা ॥ ৪ ॥
ফল্গুন্যাবির্ভবা রম্যা ধনুর্মাসকৃতব্রতা ।
চম্পকাশোক-পুন্নাগ-মালতী-বিলসত্-কচা ॥ ৫ ॥
আকারত্রয়সম্পন্না নারায়ণপদাশ্রিতা ।
শ্রীমদষ্টাক্ষরীমন্ত্র-রাজস্থিত-মনোরথা ॥ ৬ ॥
মোক্ষপ্রদাননিপুণা মনুরত্নাধিদেবতা ।
ব্রহ্মণ্যা লোকজননী লীলামানুষরূপিণী ॥ ৭ ॥
ব্রহ্মজ্ঞানপ্রদা মায়া সচ্চিদানন্দবিগ্রহা ।
মহাপতিব্রতা বিষ্ণুগুণকীর্তনলোলুপা ॥ ৮ ॥
প্রপন্নার্তিহরা নিত্যা বেদসৌধবিহারিণী ।
শ্রীরঙ্গনাথমাণিক্যমঞ্জরী মঞ্জুভাষিণী ॥ ৯ ॥
পদ্মপ্রিয়া পদ্মহস্তা বেদান্তদ্বয়বোধিনী ।
সুপ্রসন্না ভগবতী শ্রীজনার্দনদীপিকা ॥ ১০ ॥
সুগন্ধবয়বা চারুরঙ্গমঙ্গলদীপিকা ।
ধ্বজবজ্রাঙ্কুশাব্জাঙ্ক-মৃদুপাদ-লতাঞ্চিতা ॥ ১১ ॥
তারকাকারনখরা প্রবালমৃদুলাঙ্গুলী ।
কূর্মোপমেয়-পাদোর্ধ্বভাগা শোভনপার্ষ্ণিকা ॥ ১২ ॥
বেদার্থভাবতত্ত্বজ্ঞা লোকারাধ্যাঙ্ঘ্রিপঙ্কজা ।
আনন্দবুদ্বুদাকার-সুগুল্ফা পরমাঽণুকা ॥ ১৩ ॥
তেজঃশ্রিয়োজ্জ্বলধৃতপাদাঙ্গুলি-সুভূষিতা ।
মীনকেতন-তূণীর-চারুজঙ্ঘা-বিরাজিতা ॥ ১৪ ॥
ককুদ্বজ্জানুয়ুগ্মাঢ্যা স্বর্ণরম্ভাভসক্থিকা ।
বিশালজঘনা পীনসুশ্রোণী মণিমেখলা ॥ ১৫ ॥
আনন্দসাগরাবর্ত-গম্ভীরাম্ভোজ-নাভিকা ।
ভাস্বদ্বলিত্রিকা চারুজগত্পূর্ণ-মহোদরী ॥ ১৬ ॥
নববল্লীরোমরাজী সুধাকুম্ভায়িতস্তনী ।
কল্পমালানিভভুজা চন্দ্রখণ্ড-নখাঞ্চিতা ॥ ১৭ ॥
সুপ্রবাশাঙ্গুলীন্যস্তমহারত্নাঙ্গুলীয়কা ।
নবারুণপ্রবালাভ-পাণিদেশ-সমঞ্চিতা ॥ ১৮ ॥
কম্বুকণ্ঠী সুচুবুকা বিম্বোষ্ঠী কুন্দদন্তয়ুক্ ।
কারুণ্যরস-নিষ্যন্দ-নেত্রদ্বয়-সুশোভিতা ॥ ১৯ ॥
মুক্তাশুচিস্মিতা চারুচাম্পেয়নিভনাসিকা ।
দর্পণাকার-বিপুল-কপোল-দ্বিতয়াঞ্চিতা ॥ ২০ ॥
অনন্তার্ক-প্রকাশোদ্যন্মণি-তাটঙ্ক-শোভিতা ।
কোটিসূর্যাগ্নিসঙ্কাশ-নানাভূষণ-ভূষিতা ॥ ২১ ॥
সুগন্ধবদনা সুভ্রূ অর্ধচন্দ্রললাটিকা ।
পূর্ণচন্দ্রাননা নীলকুটিলালকশোভিতা ॥ ২২ ॥
সৌন্দর্যসীমা বিলসত্-কস্তূরী-তিলকোজ্জ্বলা ।
ধগদ্ধ-গায়মানোদ্যন্মণি-সীমন্ত-ভূষণা ॥ ২৩ ॥
জাজ্বল্যমাল-সদ্রত্ন-দিব্যচূডাবতংসকা ।
সূর্যার্ধচন্দ্র-বিলসত্-ভূষণাঞ্চিত-বেণিকা ॥ ২৪ ॥
অত্যর্কানল-তেজোধিমণি-কঞ্চুকধারিণী ।
সদ্রত্নাঞ্চিতবিদ্যোত-বিদ্যুত্কুঞ্জাভ-শাটিকা ॥ ২৫ ॥
নানামণিগণাকীর্ণ-হেমাঙ্গদসুভূষিতা ।
কুঙ্কুমাগরু-কস্তূরী-দিব্যচন্দন-চর্চিতা ॥ ২৬ ॥
স্বোচিতৌজ্জ্বল্য-বিবিধ-বিচিত্র-মণি-হারিণী ।
অসঙ্খ্যেয়-সুখস্পর্শ-সর্বাতিশয়-ভূষণা ॥ ২৭ ॥
মল্লিকা-পারিজাতাদি দিব্যপুষ্প-স্রগঞ্চিতা ।
শ্রীরঙ্গনিলয়া পূজ্যা দিব্যদেশসুশোভিতা ॥ ২৮ ॥
॥ ইতি শ্রীগোদাষ্টোত্তরশতনামস্তোত্রং সম্পূর্ণম্ ॥
– Chant Stotra in Other Languages –
Sri Lakshmi Slokam » Sri Godadevi Ashtottara Shatanamavali Lyrics in Sanskrit » English » Gujarati » Kannada » Malayalam » Odia » Telugu » Tamil