॥ Sri Gokulananda Govind Dev Ashtakam Kannada Lyrics ॥
॥ ಶ್ರೀಗೋಕುಲನನ್ದಗೋವಿನ್ದದೇವಾಷ್ಟಕಮ್ ॥
ಕೋಟಿಕನ್ದರ್ಪಸನ್ದರ್ಪವಿಧ್ವಂಸನ
ಸ್ವೀಯರೂಪಾಮೃತಾಪ್ಲಾವಿತಕ್ಷ್ಮಾತಲ ।
ಭಕ್ತಲೋಕೇಕ್ಷಣಂ ಸಕ್ಷಣಂ ತರ್ಷಯನ್
ಗೋಕುಲಾನನ್ದ ಗೋವಿನ್ದ ತುಭ್ಯಂ ನಾಮಃ ॥ 1 ॥
ಯಸ್ಯ ಸೌರಭ್ಯಸೌಲಭ್ಯಭಾಗ್ಗೋಪಿಕಾ
ಭಾಗ್ಯಲೇಶಾಯ ಲಕ್ಷ್ಮ್ಯಾಪಿ ತಪ್ತಂ ತಪಃ ।
ನಿನ್ದಿತೇನ್ದೀವರಶ್ರೀಕ ತಸ್ಮೈ ಮುಹು-
ರ್ಗೋಕುಲಾನನ್ದ ಗೋವಿನ್ದ ತುಭ್ಯಂ ನಾಮಃ ॥ 2 ॥
ವಂಶಿಕಾಕಂಠಯೋರ್ಯಃ ಸ್ವರಸ್ತೇ ಸ ಚೇತ್
ತಾಲರಾಗಾದಿಮಾನ್ ಶ್ರುತ್ಯನುಭ್ರಾಜಿತಃ ।
ಕಾ ಸುಧಾ ಬ್ರಹ್ಮ ಕಿಂ ಕಾ ನು ವೈಕುಂಠಮು-
ದ್ಗೋಕುಲಾನನ್ದ ಗೋವಿನ್ದ ತುಭ್ಯಂ ನಾಮಃ ॥ 3 ॥
ಯತ್ಪದಸ್ಪರ್ಶಮಾಧುರ್ಯಮಜ್ಜತ್ಕುಚಾ
ಧನ್ಯತಾಂ ಯಾನ್ತಿ ಗೋಪ್ಯೋ ರಮಾತೋಽಪ್ಯಲಮ್ ।
ಯದ್ಯಶೋ ದುನ್ದುಭೇರ್ಘೋಷಣಾ ಸರ್ವಜಿ-
ದ್ಗೋಕುಲಾನನ್ದ ಗೋವಿನ್ದ ತುಭ್ಯಂ ನಾಮಃ ॥ 4 ॥
ಯಸ್ಯ ಫೇಲಾಲವಾಸ್ವಾದನೇ ಪಾತ್ರತಾಂ
ಬ್ರಹ್ಮರುದ್ರಾದಯೋ ಯಾನ್ತಿ ನೈವಾನ್ಯಕೇ ।
ಆಧರಂ ಶೀಧುಮೇತೇಽಪಿ ವಿನ್ದನ್ತಿ ನೋ
ಗೋಕುಲಾನನ್ದ ಗೋವಿನ್ದ ತುಭ್ಯಂ ನಾಮಃ ॥ 5 ॥
ಯಸ್ಯ ಲೀಲಾಮೃತಂ ಸವಥಾಕರ್ಷಕಂ
ಬ್ರಹ್ಮಸೌಖ್ಯಾದಪಿ ಸ್ವಾದು ಸರ್ವೇ ಜಗುಃ ।
ತತ್ಪ್ರಮಾಣಂ ಸ್ವಯಂ ವ್ಯಾಸಸೂನುಃ ಶುಕೋ
ಗೋಕುಲಾನನ್ದ ಗೋವಿನ್ದ ತುಭ್ಯಂ ನಾಮಃ ॥ 6 ॥
ಯತ್ ಷಡೈಶ್ವರ್ಯಮಪ್ಯಾರ್ಯಭಕ್ತಾತ್ಮನಿ
ಧ್ಯಾತಮುದ್ಯಚ್ಚಮತ್ಕಾರಮಾನನ್ದಯೇತ್ ।
ನಾಥ ತಸ್ಮೈ ರಸಾಮ್ಭೋಧಯೇ ಕೋಟಿಶೋ
ಗೋಕುಲಾನನ್ದ ಗೋವಿನ್ದ ತುಭ್ಯಂ ನಾಮಃ ॥ 7 ॥
ಗೋಕುಲಾನನ್ದಗೋವಿನ್ದದೇವಾಷ್ಟಕಂ
ಯಃ ಪಠೇನ್ ನಿತ್ಯಮುತ್ಕಂಠಿತಸ್ತ್ವತ್ಪದೋಃ ।
ಪ್ರೇಮಸೇವಾಪ್ತಯೇ ಸೋಽಚಿರಾನ್ಮಾಧುರೀ
ಸಿನ್ಧುಮಜ್ಜನ್ಮನಾ ವಾಂಛಿತಂ ವಿನ್ದತಾಮ್ ॥ 8 ॥
ಇತಿ ಶ್ರೀವಿಶ್ವನಾಥಚಕ್ರವರ್ತಿಠಕ್ಕುರವಿರಚಿತಸ್ತವಾಮೃತಲಹರ್ಯಾಂ
ಶ್ರೀಗೋಕುಲನನ್ದಗೋವಿನ್ದದೇವಾಷ್ಟಕಂ ಸಮ್ಪೂರ್ಣಮ್ ।
– Chant Stotra in Other Languages –
Sri Vishnu Slokam » Sri Gokula Nanda Govinda Deva Ashtakam Lyrics in Sanskrit » English » Bengali » Gujarati » Malayalam » Odia » Telugu » Tamil