॥ Sri Gokulananda Govind Dev Ashtakam Telugu Lyrics ॥
॥ శ్రీగోకులనన్దగోవిన్దదేవాష్టకమ్ ॥
కోటికన్దర్పసన్దర్పవిధ్వంసన
స్వీయరూపామృతాప్లావితక్ష్మాతల ।
భక్తలోకేక్షణం సక్షణం తర్షయన్
గోకులానన్ద గోవిన్ద తుభ్యం నామః ॥ ౧ ॥
యస్య సౌరభ్యసౌలభ్యభాగ్గోపికా
భాగ్యలేశాయ లక్ష్మ్యాపి తప్తం తపః ।
నిన్దితేన్దీవరశ్రీక తస్మై ముహు-
ర్గోకులానన్ద గోవిన్ద తుభ్యం నామః ॥ ౨ ॥
వంశికాకణ్ఠయోర్యః స్వరస్తే స చేత్
తాలరాగాదిమాన్ శ్రుత్యనుభ్రాజితః ।
కా సుధా బ్రహ్మ కిం కా ను వైకుణ్ఠము-
ద్గోకులానన్ద గోవిన్ద తుభ్యం నామః ॥ ౩ ॥
యత్పదస్పర్శమాధుర్యమజ్జత్కుచా
ధన్యతాం యాన్తి గోప్యో రమాతోఽప్యలమ్ ।
యద్యశో దున్దుభేర్ఘోషణా సర్వజి-
ద్గోకులానన్ద గోవిన్ద తుభ్యం నామః ॥ ౪ ॥
యస్య ఫేలాలవాస్వాదనే పాత్రతాం
బ్రహ్మరుద్రాదయో యాన్తి నైవాన్యకే ।
ఆధరం శీధుమేతేఽపి విన్దన్తి నో
గోకులానన్ద గోవిన్ద తుభ్యం నామః ॥ ౫ ॥
యస్య లీలామృతం సవథాకర్షకం
బ్రహ్మసౌఖ్యాదపి స్వాదు సర్వే జగుః ।
తత్ప్రమాణం స్వయం వ్యాససూనుః శుకో
గోకులానన్ద గోవిన్ద తుభ్యం నామః ॥ ౬ ॥
యత్ షడైశ్వర్యమప్యార్యభక్తాత్మని
ధ్యాతముద్యచ్చమత్కారమానన్దయేత్ ।
నాథ తస్మై రసామ్భోధయే కోటిశో
గోకులానన్ద గోవిన్ద తుభ్యం నామః ॥ ౭ ॥
గోకులానన్దగోవిన్దదేవాష్టకం
యః పఠేన్ నిత్యముత్కణ్ఠితస్త్వత్పదోః ।
ప్రేమసేవాప్తయే సోఽచిరాన్మాధురీ
సిన్ధుమజ్జన్మనా వాఞ్ఛితం విన్దతామ్ ॥ ౮ ॥
ఇతి శ్రీవిశ్వనాథచక్రవర్తిఠక్కురవిరచితస్తవామృతలహర్యాం
శ్రీగోకులనన్దగోవిన్దదేవాష్టకం సమ్పూర్ణమ్ ।
– Chant Stotra in Other Languages –
Sri Vishnu Slokam » Sri Gokula Nanda Govinda Deva Ashtakam Lyrics in Sanskrit » English » Bengali » Gujarati » Kannada » Malayalam » Odia » Tamil