॥ Sri Gokula Natha Ashtakam Odia Lyrics ॥
॥ ଶ୍ରୀଗୋକୁଲନାଥାଷ୍ଟକମ୍ ॥
ଭଵଭୀତଜନାଖିଲଭୀତିହରଂ
ହରଵନ୍ଦିତନନ୍ଦତନୂଜରତମ୍ ।
ରତଵୃଦ୍ଧଗୁରୁଦ୍ଵିଜଭୃତ୍ୟଜନଂ
ଜନଦୁର୍ଲଭମାର୍ଗସୁବୋଧକରମ୍ ॥ ୧ ॥
କରପଦ୍ମସୁସେଵିତଶୈଲଧରଂ
ଧରଣୀତଲଵିଶ୍ରୁତସାଧୁଗୁଣମ୍ ।
ଗୁଣସିନ୍ଧୁଵିମର୍ଦିତଦୁଷ୍ଟମୁଖଂ
ମୁଖକଲ୍ପିତମାର୍ଗନିଵୃତ୍ତିପରମ୍ ॥ ୨ ॥
ପରମପ୍ରିୟମଙ୍ଗଲଵେଷଧରଂ
ଵରବନ୍ଧୁସୁହୃତ୍ସୁତଲବ୍ଧସୁଖମ୍ ।
ସୁଖସାଗରମମ୍ବୁଜଚାରୁମୁଖଂ
ମୁଖପଙ୍କଜକୀର୍ତିତକୃଷ୍ଣକଥମ୍ ॥ ୩ ॥
କଥନୀୟଗୁଣାମୃତଵାରିନିଧିଂ
ନିଧିସେଵିତମର୍ଚିତପଦ୍ମପଦମ୍ ।
ପଦପଙ୍କଜସଂଶ୍ରିତଵିଜ୍ଞବୁଧଂ
ବୁଧଵିଠ୍ଠଲନାଥଚତୁର୍ଥସୁତମ୍ ॥ ୪ ॥
ସୁତରାଂ କରୁଣାବ୍ଧିମନନ୍ତଗୁଣଂ
ଗୁଣରତ୍ନଵିରାଜିତଶୁଦ୍ଧତନୁମ୍ ।
ତନୁରତ୍ନଵଶୀକୃତନନ୍ଦସୁତଂ
ସୁତମିତ୍ରକଲତ୍ରସୁସେଵ୍ୟପଦମ୍ ॥ ୫ ॥
ପଦପଙ୍କଜପାଵିତସାଧୁଜନଂ
ଜନହେତୁଗୃହୀତମନୁଷ୍ୟତନୁମ୍ ।
ତନୁକାନ୍ତିତିରସ୍କୃତପଞ୍ଚଶରଂ
ଶରଣାଗତରକ୍ଷିତଭକ୍ତଜନମ୍ ॥ ୬ ॥
ଜନତୋଷଣପୋଷଣଦତ୍ତହୃଦଂ
ହୃଦୟାର୍ପିତଗୋପଵଧୂରମଣମ୍ ।
ରମଣୀୟତରାମଲଭକ୍ତିକୃତଂ
କୃତକୃଷ୍ଣକଥାମୃତତୃପ୍ତଜନମ୍ ॥ ୭ ॥
ଜନଵାଞ୍ଛିତକାମଦରତ୍ନଗୁଣଂ
ଗୁଣଭୂଷଣଭୂଷିତଲୋକଗୁରୁମ୍ ।
ଗୁରୁଗୋକୁଲନାଥମୁପାସ୍ୟମହଂ
ମହତାଂ ପରିସେଵିତମାକଲୟେ ॥ ୮ ॥
ଶ୍ରୀମଦ୍ଗୋକୁଲନାଥାନାମଷ୍ଟକଂ ୟଃ ପଠେନ୍ନରଃ ।
ଗୋକୁଲେଶପଦାମ୍ଭୋଜଭକ୍ତିଂ ସ ଲଭତେ ପରାମ୍ ॥ ୯ ॥
ଇତି ସିଂହାଵଲୋକୟମକଗର୍ଭ ଶ୍ରୀଗୋକୁଲନାଥାଷ୍ଟକଂ ସମ୍ପୂର୍ଣମ୍ ।
– Chant Stotra in Other Languages –
Sri Vishnu Slokam » Sri Gokula Natha Ashtakam Lyrics in Sanskrit » English » Bengali » Gujarati » Kannada » Malayalam » Telugu » Tamil