॥ Sri Gokulesha Ashtakam 3 Bengali Lyrics ॥
॥ শ্রীগোকুলেশাষ্টকম্ ৩ ॥
য়তিবশধরণীশে ধর্মলোপপ্রবৃত্তে
হরিচরণসহায়ো য়ঃ স্বধর্মং জুগোপ ।
বিহিতভজনভারো ধর্মরক্ষাবতারঃ
স জগতি জয়তি শ্রীবল্লভো গোকুলেশঃ ॥ ১ ॥
অসদুদিতবিদারী বেদবাদানুসারী
য়দুচিতহিতকারী ভক্তিমার্গপ্রচারী ।
রুচিরতিলকধারী মালধারী তুলস্যাঃ
স জয়তি জয়তি শ্রীবল্লভো গোকুলেশঃ ॥ ২ ॥
বহুবিধিজননর্মপ্রোক্তিবাণৈরধর্মঃ
প্রকটময়তি মর্মস্ফোটমারাদ্বিধায় ।
বপুষি ভজনবর্ম প্রাপ্য কল্যাণধর্মঃ
স জয়তি নবকর্মা গোকুলে গোকুলেশঃ ॥ ৩ ॥
নিগমজনিতধর্মদ্রোহিণি ক্ষোণিনাথে
সকলসহজবেশস্তত্সমীপং সমেত্য ।
তদুচিতমদমত্যা দত্তবানুত্তরং য়ঃ
স জয়তি জনচিত্তানন্দকো গোকুলেশঃ ॥ ৪ ॥
অধিকৃতয়ুগধর্মে বর্ধমানে সমন্তা-
দনিতশরণোঽসৌ বেদধর্মো সদাভূঽত্ । check
তদিহ শরণমাগাদ্যঃ সদৈকঃ শরণ্যং
স জয়তি জনবন্দ্যো গোকুলে গোকুলেশঃ ॥ ৫ ॥
কলিবৃষলভয়াপ্তৌ তত্কলিং সন্নিগৃহ্য
ক্ষিতিপতিরবিতাঽঽসীদ্যস্য পূর্বং পরীক্ষিত্ ।
ইহ হি নৃপতিভীতৌ তস্য ধর্মস্য নিত্যং
স জয়তি ভুবি গোপ্তা গোকুলে গোকুলেশঃ ॥ ৬ ॥
প্রথমমিহ পরীক্ষিদ্রক্ষিতো বর্ণধর্মঃ
পুনরপি কলিকল্পক্ষুদ্রভিক্ষুক্ষতোঽভূত্ ।
অভয়পদমিদং য়ং শাশ্বতং চাভ্যুপেতঃ
স জয়তি নিজভক্তাহ্লাদকো গোকুলেশঃ ॥ ৭ ॥
য় ইহ সকললোকে কেবলং ন স্বকীয়ে
প্রভুজননবলেন স্থাপয়ামাস ধর্মম্ ।
সকলসুখবিধাতা গোকুলানন্দদাতা
স জয়তি নিজতাতারাধকো গোকুলেশঃ ॥ ৮ ॥
শ্রীবল্লভাষ্টকমিদং পঠতি প্রপন্নো
য়ঃ কৃষ্ণরায়কৃতমিত্যুষসি স্বচিত্তঃ ।
সোঽয়ং সুদুর্লভতমানপি নিশ্চয়েন
প্রাপ্নোতি বৈ বিনিহিতানখিলান্ পদার্থান্ ॥ ৯ ॥
ইতি শ্রীকৃষ্ণরায়বিরচিতং শ্রীগোকুলেশাষ্টকং সম্পূর্ণম্ ।
– Chant Stotra in Other Languages –
Sri Krishna Slokam » Sri Gokulesha Ashtakam 3 Lyrics in Sanskrit » English » Gujarati » Kannada » Malayalam » Odia » Telugu » Tamil