॥ Sri Gokulesha Ashtakam 4 Telugu Lyrics ॥
॥ శ్రీగోకులేశాష్టకమ్ ౪ ॥
ఉద్ధర్తుం ధరణీతలే నిజబలేనైవ స్వకీయామ్ జనాన్
ఆవిర్భూయ తథా కృపాపరవశః శ్రీవిఠ్ఠలేశాలయే ।
యః శ్రీభాగవతస్య తత్త్వవివృతేశ్చక్రే ప్రవాహం వచః
పీయూషైరతిపోషణాయ సతతం శ్రీగోకులేశోఽవతు ॥ ౧ ॥
యః పుష్టిమార్గగతభావవిభావనైకం
దక్షః సమక్షమపి సన్నిధిసేవకానామ్ ।
యో జ్ఞానగూఢహృదయః సదయః సదైవ
సేవాసుఖం మమ తనోతు స గోకులేశః ॥ ౨ ॥
యః సేవ్యః సతతం సతాం నిజఫలప్రేప్సావదావిర్తనా-
మాచార్యోదితశుద్ధపుష్టిసుపథే నిత్యానుకమ్పాధరః ।
యద్దృష్ట్యైవ హృదన్ధకారనిచయో యాయాత్క్షణాత్క్షీణతా-
మానన్దం ముహురాతనోతు మధురాకారః ప్రభుర్వల్లనభః ॥ ౩ ॥
యో మాయామతవర్తిదుష్టవదనధ్వంసం వచోభిర్నిజైః
కుర్వన్ సేవకసర్వలోకహృదయానన్దం సదా పోషయన్ ।
తద్భావం సుదృఢం కరోతి కృపయా దాసైకహృద్యాతయా
యాతానాం శరణం హృదా సమనసా మోదం సదా యచ్ఛతు ॥ ౪ ॥
హసద్వదనపఙ్కజస్ఫురదమన్దభావార్ద్రదృక్
కపోలవిలసద్రజోద్వయవిమిశ్రతామ్బూలదః ।
సమున్నతసునాసికః సరసచారుబిమ్బాధరో
హరత్వఖిలసేవినాం చిరవియోగతాపం క్షణాత్ ॥ ౫ ॥
మనోజమధురాకృతిర్నిజమనోవిదోదోద్గతి
కృతే జనమనోహృతౌ విరతికారకః సంసృతౌ ।
స్వభావపరిపోషకో భవసముద్రసంశోషకః
కరోతు వరణం సదా సఫలమత్ర వై వల్లభః ॥ ౬ ॥
గోధూమమేచకమనోహరవర్ణదేహో
యః కేశకృష్ణనిచయోల్లసదుత్తమాఙ్గః ।
సూక్ష్మోత్తరీయకటివస్త్రవిరాజితాఙ్గః
సఙ్గం తనోతు ముదమద్భుతగోకులేశః ॥ ౭ ॥
తాతాజ్ఞైకపరాయణాశయవిదాం వర్యః పరానన్దదో
మాలా యేన సురక్షితా నిజమహాయత్నేన కణ్ఠే సతామ్ ।
ధర్మో యేన వివర్ధితః పితృపదాచారైః సదా సర్వతః
స శ్రీగోకులనాయకః కరుణయా భూయాద్వశే సేవినామ్ ॥ ౮ ॥
సర్వం సాధనజాతమత్ర విఫలం నూనం విదిత్వా జనా
నిత్యం తం భజత ప్రియం ప్రభుమయం త్యక్త్వేతరస్యాశ్రయమ్ ।
తన్నామాని జపన్తు రూపమఖిలం సఞ్జిన్తయన్తు స్వయం
సౌఖ్యం తత్పదభావతోఽభిలషితం సర్వం స్వతః ప్రాప్స్యతే ॥ ౯ ॥
ఇతి శ్రీహరిరాయవిరచితం శ్రీగోకులేశాష్టకం సమ్పూర్ణమ్ ।
– Chant Stotra in Other Languages –
Sri Krishna Slokam » Sri Gokulesha Ashtakam 4 Lyrics in Sanskrit » English » Bengali » Gujarati » Kannada » Malayalam » Odia » Tamil