Sri Gokuleshashayanashyakam In Odia

॥ Sri Gokuleshashayanashyakam Odia Lyrics ॥

॥ ଶ୍ରୀଗୋକୁଲେଶଶୟନାଷ୍ଟକମ୍ ॥
ପ୍ରାତଃ ସ୍ମରାମି ଗୁରୁଗୋକୁଲନାଥସଂଜ୍ଞଂ
ସଂସାରସାଗରସମୁତ୍ତରଣୈକସେତୁମ୍ ।
ଶ୍ରୀକୃଷ୍ଣଚନ୍ଦ୍ରଚରଣାମ୍ବୁଜସର୍ଵକାଲ-
ସଂଶୁଦ୍ଧସେଵନଵିଧୌ କମଲାଵତାରମ୍ ॥ ୧ ॥

ପ୍ରସ୍ଵାପ୍ୟ ନନ୍ଦତନୟଂ ପ୍ରଣୟେନ ପଶ୍ଚା-
ଦାନନ୍ଦପୂର୍ଣନିଜମନ୍ଦିରମଭ୍ୟୁପେତମ୍ ।
ସ୍ଥୂଲୋପଧାନସହିତାସନସନ୍ନିଷଣ୍ଣଂ
ଶ୍ରୀଗୋକୁଲେଶମନିଶଂ ନିଶି ଚିନ୍ତୟାମି ॥ ୨ ॥

ଅଭ୍ୟଗ୍ରଭକ୍ତକରଦତ୍ତସିତାଭ୍ରୟୁକ୍ତଂ
ତାମ୍ବୂଲପୂର୍ଣଵଦନଂ ସଦନଂ ରସାବ୍ଧେଃ ।
ଆଵେଷ୍ଟିତଂ ପରିତ ଆତ୍ମଜନୈରଶେଷୈଃ
ଶ୍ରୀଗୋକୁଲେଶମନିଶଂ ନିଶି ଚିନ୍ତୟାମି ॥ ୩ ॥

ଜାତେ ତଥା ପ୍ରଭୁକଥାକଥନେ ତଦାନୀ-
ମୁତ୍ଥାପିତେ ପରିଚୟେଣ ପୃଥୂପଧାନେ ।
ଗନ୍ତୁଂ ଗୃହାୟ ସୁହୃଦଃ ସ୍ଵୟମୁକ୍ତଵନ୍ତଂ
ଶ୍ରୀଗୋକୁଲେଶମନିଶଂ ନିଶି ଚିନ୍ତୟାମି ॥ ୪ ॥

ନିତ୍ୟୋଲ୍ଲସନ୍ନଵରସୌଘନିଵାସରୂପଂ
ସୌନ୍ଦର୍ୟନିର୍ଜିତଜଗଜ୍ଜୟିକାମଭୂପମ୍ ।
ସ୍ଵପ୍ରେୟସୀଜନମନୋହରଚାରୁଵେଷଂ
ସଞ୍ଚିନ୍ତୟାମି ଶୟନେ ନିଶି ଗୋକୁଲେଶମ୍ ॥ ୫ ॥

କସ୍ତୂରିକାଦିତନୁଲେପଵିସାରିଗନ୍ଧଂ
ପୁଷ୍ପସ୍ରଗନ୍ତରଲସତ୍ତନୁମୌଲିବନ୍ଧମ୍ ।
ସଂଵାହିତାଙ୍ଘ୍ରିୟୁଗଲଂ ନିଜମୁଖ୍ୟଭକ୍ତୈଃ
ସଞ୍ଚିନ୍ତୟାମି ଶୟନେ ନିଶି ଗୋକୁଲେଶମ୍ ॥ ୬ ॥

ସପ୍ରେମହାସ୍ୟଵଚନୈଃ କତିଚିତ୍ସ୍ଵକୀୟାନ୍
ସ୍ଥିତ୍ଵା କ୍ଷଣଂ ନିଜଗୃହାୟ ନିଦିଷ୍ଟଵନ୍ତମ୍ ।
ଶୟ୍ୟୋପଵେଶସମୟୋଚିତ୍ତଵେଷଭାଜଂ
ସଞ୍ଚିନ୍ତୟାମି ଶୟନେ ନିଶି ଗୋକୁଲେଶମ୍ ॥ ୭ ॥

ନିଦ୍ରାଗମାତ୍ ପ୍ରଥମତୋ ନିଜସୁନ୍ଦରୀଭିଃ
ସଂସେଵିତଂ ତଦଖିଲେନ୍ଦ୍ରିୟଵୃତ୍ତିଭାଗ୍ୟମ୍ ।
ଶୃଙ୍ଗାରସାରମଧିରାଜମୁଦାରଵେଷଂ
ସଞ୍ଚିନ୍ତୟାମି ଶୟନେ ନିଶି ଗୋକୁଲେଶମ୍ ॥ ୮ ॥

ସ୍ଵଚ୍ଛୋପରିଚ୍ଛଦଲସଚ୍ଛୟନୋପଵିଷ୍ଟଂ
ସସ୍ନେହଭକ୍ତସୁଖସେଵିତପାଦପଦ୍ମମ୍ ।
ନିଦ୍ରାଵଧୂସ୍ଵସମୟେପ୍ସିତସଙ୍ଗସୌଖ୍ୟଂ
ସଞ୍ଚିନ୍ତୟାମି ଶୟନେ ନିଶି ଗୋକୁଲେଶମ୍ ॥ ୯ ॥

ଶ୍ରୀଗୋକୁଲେଶଶୟନାଷ୍ଟକମାଦରେଣ
ଶ୍ରୀକୃଷ୍ଣରାୟରଚିତଂ ସରସାର୍ଥପଦ୍ୟମ୍ ।
ସଞ୍ଚିନ୍ତିତାଖିଲଫଲପ୍ରଦମିଷ୍ଟସିଦ୍‍ଧ୍ୟୈ
ସଞ୍ଚିନ୍ତୟନ୍ତୁ ନିଶି ତଚ୍ଚରଣୈକଚିତ୍ତାଃ ॥ ୧୦ ॥

ଇତି ଶ୍ରୀକୃଷ୍ଣରାୟଵିରଚିତଂ ଶ୍ରୀଶୟନାଷ୍ଟକଂ ସମ୍ପୂର୍ଣମ୍ ।

– Chant Stotra in Other Languages –

Sri Vishnu Slokam » Sri Gokuleshashayanashyakam Lyrics in Sanskrit » English » Bengali » Gujarati » Kannada » Malayalam » Telugu » Tamil

See Also  Sri Saci Sutashtakam In Telugu