॥ Sri Gomatyambashtakam Bengali Lyrics ॥
॥ শ্রীগোমত্যম্বাষ্টকম্ ॥
ওঁ শ্রীগণেশায় নমঃ ॥
ভূকৈলাসে মনোজ্ঞে ভুবনবনবৃতে নাগতীর্থোপকণ্ঠে
রত্নপ্রকারমধ্যে রবিচন্দ্রমহায়োগপীঠে নিষণ্ণম্ ।
সংসারব্যাধিবৈদ্যং সকলজননুতং শঙ্খপদ্মার্চিতাঙ্ঘ্রিং
গোমত্যম্বাসমেতং হরিহরবপুষং শঙ্করেশং নমামি ॥
লক্ষ্মীবাণীনিষেবিতাম্বুজপদাং লাবণ্যশোভাং শিবাং
লক্ষ্মীবল্লভপদ্মসম্ভবনুতাং লম্বোদরোল্লাসিনীম্ ।
নিত্যং কৌশিকবন্দ্যমানচরণাং হ্রীঙ্কারমন্ত্রোজ্জ্বলাং
শ্রীপুন্নাগবনেশ্বরস্য মহিষীং ধ্যায়েত্সদা গোমতীম্ ॥ ১ ॥
দেবীং দানবরাজদর্পহরিণীং দেবেন্দ্রসম্পত্প্রদাং
গন্ধর্বোরগয়ক্ষসেবিতপদাং শ্রীশৈলমধ্যস্থিতাম্ ।
জাতীচম্পকমল্লিকাদিকুসুমৈঃ সংশোভিতাঙ্ঘ্রিদ্বয়াং
শ্রীপুন্নাগবনেশ্বরস্য মহিষীং ধ্যায়েত্সদা গোমতীম্ ॥ ২ ॥
উদ্যত্কোটিবিকর্তনদ্যুতিনিভাং মৌর্বীং ভবাম্ভোনিধেঃ
উদ্যত্তারকনাথতুল্যবদনামুদ্যোতয়ন্তীং জগত্ ।
হস্তন্যস্তশুকপ্রণাল়সহিতাং হর্ষপ্রদামম্বিকাং
শ্রীপুন্নাগবনেশ্বরস্য মহিষীং ধ্যায়েত্সদা গোমতীম্ ॥ ৩ ॥
কল্যাণীং কমনীয়মূর্তিসহিতাং কর্পূরদীপোজ্জ্বলাং
কর্ণান্তায়তলোচনাং কল়রবাং কামেশ্বরীং শঙ্করীম্ ।
কস্তূরিতিলকোজ্জ্বলাং সকরুণাং কৈবল্যসৌখ্যপ্রদাং
শ্রীপুন্নাগবনেশ্বরস্য মহিষীং ধ্যায়েত্সদা গোমতীম্ ॥ ৪ ॥
বৈডূর্যাদিসমস্তরত্নখচিতে কল্যাণসিংহাসনে
স্থিত্বাঽশেষজনস্য পালনকরীং শ্রীরাজরাজেশ্বরীম্ ।
ভক্তাভীষ্টফলপ্রদাং ভয়হরাং ভণ্ডস্য য়ুদ্ধোত্সুকাং
শ্রীপুন্নাগবনেশ্বরস্য মহিষীং ধ্যায়েত্সদা গোমতীম্ ॥ ৫ ॥
শৈলাধীশসুতাং সরোজনয়নাং সর্বাঘবিধ্বংসিনীং
সন্মার্গস্থিতলোকরক্ষণপরাং সর্বেশ্বরীং শাম্ভবীম্ ।
নিত্যং নারদতুম্বুরুপ্রভৃতিভির্বীণাবিনোদস্থিতাং
শ্রীপুন্নাগবনেশ্বরস্য মহিষীং ধ্যায়েত্সদা গোমতীম্ ॥ ৬ ॥
পাপারণ্যদবানলাং প্রভজতাং ভাগ্যপ্রদাং ভক্তিদাং
ভক্তাপত্কুলশৈলভেদনপবিং প্রত্যক্ষমূর্তিং পরাম্ ।
মার্কণ্ডেয়পরাশরাদিমুনিভিঃ সংস্তূয়মানামুমাং
শ্রীপুন্নাগবনেশ্বরস্য মহিষীং ধ্যায়েত্সদা গোমতীম্ ॥ ৭ ॥
শ্বেতারণ্যনিবাসিনীং প্রতিদিনং স্তোত্রেণ পূর্ণাননাং
ত্বত্পাদাম্বুজসক্তপূর্ণমনসাং স্তোকেতরেষ্টপ্রদাম্ ।
নানাবাদ্যবৈভবশোভিতপদাং নারায়ণস্যানুজাং meter?
শ্রীপুন্নাগবনেশ্বরস্য মহিষীং ধ্যায়েত্সদা গোমতীম্ ॥ ৮ ॥
ইতি শ্রীগোমত্যম্বাষ্টকং সম্পূর্ণম্ ।
ইতি শিবম্ ॥
– Chant Stotra in Other Languages –
Sri Gomatyambashtakam Lyrics in Sanskrit » English » Gujarati » Kannada » Malayalam » Odia » Telugu » Tamil