॥ Sri Gopal Deva Ashtakam Bengali Lyrics ॥
॥ শ্রীগোপালদেবাষ্টকম্ ॥
মধুরমৃদুলচিত্তঃ প্রেমমাত্রৈকবিত্তঃ
স্বজনরচিতবেষঃ প্রাপ্তশোভাবিশেষঃ ।
বিবিধমণিময়ালঙ্কারবান্ সর্বকালং
স্ফুরতু হৃদি স এব শ্রীলগোপালদেবঃ ॥ ১ ॥
নিরুপমগুণরূপঃ সর্বমাধুর্যভূপঃ
শ্রিততনুরুচিদাস্যঃ কোটিচন্দ্রস্তুতাস্যঃ ।
অমৃতবিজয়িহাস্যঃ প্রোচ্ছলচ্চিল্লিলাস্যঃ
স্ফুরতু হৃদি স এব শ্রীলগোপালদেবঃ ॥ ২ ॥
ধৃতনবপরভাগঃ সব্যহস্তস্থিতাগঃ
প্রকটিতনিজকক্ষঃ প্রাপ্তলাবণ্যলক্ষঃ ।
কৃতনিজজনরক্ষঃ প্রেমবিস্তারদক্ষঃ
স্ফুরতু হৃদি স এব শ্রীলগোপালদেবঃ ॥ ৩ ॥
ক্রমবলদনুরাগস্বপ্রিয়াপাঙ্গভাগ
ধ্বনিতরসবিলাসজ্ঞানবিজ্ঞাপিহাসঃ ।
স্মৃতরতিপতিয়াগঃ প্রীতিহংসীতডাগঃ
স্ফুরতু হৃদি স এব শ্রীলগোপালদেবঃ ॥ ৪ ॥
মধুরিমভরমগ্নে ভাত্যসব্যেঽবলগ্নে
ত্রিবলিরলসবত্ত্বাত্যস্য পুষ্টানতত্বাত্ ।
ইতরত ইহ তস্যা মাররেখেব রস্যা
স্ফুরতু হৃদি স এব শ্রীলগোপালদেবঃ ॥ ৫ ॥
বহতি বলিতহর্ষং বাহয়ংশ্চানুবর্ষং
ভজতি চ সগণং স্বং ভোজয়ন্ য়োঽর্পয়ন্ স্বম্ ।
গিরিমুকুটমণিং শ্রীদামবন্মিত্রতাশ্রীঃ
স্ফুরতু হৃদি স এব শ্রীলগোপালদেবঃ ॥ ৬ ॥
অধিধরমনুরাগং মাধবেন্দ্রস্য তন্বং-
স্তদমলহৃদয়োত্থাং প্রেমসেবাং বিবৃণ্বন্ ।
প্রকটিতনিজশক্ত্যা বল্লভাচার্যভক্ত্যা
স্ফুরতু হৃদি স এব শ্রীলগোপালদেবঃ ॥ ৭ ॥
প্রতিদিনমধুনাপি প্রেক্ষ্যতে সর্বদাপি
প্রণয়সুরসচর্যা য়স্য বর্যা সপর্যা ।
গণয়তু কতি ভোগান্ কঃ কৃতী তত্প্রয়োগান্
স্ফুরতু হৃদি স এব শ্রীলগোপালদেবঃ ॥ ৮ ॥
গিরিধরবরদেবস্যাষ্টকেনেমমেব
স্মরতি নিশি দিনে বা য়ো গৃহে বা বনে বা ।
অকুটিলহৃদয়স্য প্রেমদত্বেন তস্য
স্ফুরতু হৃদি স এব শ্রীলগোপালদেবঃ ॥ ৯ ॥
ইতি শ্রীবিশ্বনাথচক্রবর্তিঠক্কুরবিরচিতস্তবামৃতলহর্যাং
শ্রীগোপালদেবাষ্টকং সম্পূর্ণম্ ।
– Chant Stotra in Other Languages –
Sri Krishna Slokam » Sri Gopal Deva Ashtakam Lyrics in Sanskrit » English » Gujarati » Kannada » Malayalam » Odia » Telugu » Tamil