॥ Sri Gopalalalashtakam Odia Lyrics ॥
॥ ଶ୍ରୀଗୋପାଲଲାଲାଷ୍ଟକମ୍ ॥
ଶ୍ରୀମଦାଚାର୍ୟଚରଣୌ ସାଷ୍ଟାଙ୍ଗଂ ପ୍ରଣିପନ୍ପତୌ ।
ଵିରଚ୍ୟତେଽଷ୍ଟକମିଦଂ ଶ୍ରୀମଦ୍ଗୋପାଲପୁଷ୍ଟିଦମ୍ ॥ ୧ ॥
ୟସ୍ୟାନୁକମ୍ପାଵଶତଃ ସୁଦୁର୍ଲଭଂ
ମାନୁଷ୍ୟମାପ୍ତଂ ପରମସ୍ୟ ପୁଂସଃ ।
ସର୍ଵାର୍ଥଦଂ ଦୀନଦୟାଲୁମେକଂ
ଗୋପାଲଲାଲଂ ଶରଣଂ ପ୍ରପଦ୍ୟେ ॥ ୨ ॥
ୟୋଽଦାତ୍ସ୍ଵସେଵୋପୟିକଂ ଶରୀରଂ
ସାଙ୍ଗଂ ସମର୍ଥଂ ଶୁଭମର୍ଥଦଂ ଚ ।
ସେଵାଽନଭିଜ୍ଞଃ ପରମସ୍ୟ ତସ୍ୟ
ଗୋପାଲଲାଲଂ ଶରଣଂ ପ୍ରପଦ୍ୟେ ॥ ୩ ॥
ନିଜାଙ୍ଗସନ୍ଦର୍ଶନୟୋଗୟୋଗ୍ୟତା
ୟୋଽଦାଦ୍ଦୃଶଂ ମେ ପରମୋ ଦୟାଲୁଃ ।
ତଦଙ୍ଗସୌନ୍ଦର୍ୟ୍ୟରସାଵଭିଜ୍ଞୋ
ଗୋପାଲଲାଲଂ ଶରଣଂ ପ୍ରପଦ୍ୟେ ॥ ୪ ॥
ଶ୍ରୀମତ୍କଥାସଂଶ୍ରଵଣୋପୟୋଗି-
ଶ୍ରୋତ୍ରଂ ଦଦୌ ୟଃ କରୁଣାରସାବ୍ଧିଃ ।
କଥାମୃତାସ୍ଵାଦନମୂଢଚେତା
ଗୋପାଲଲାଲଂ ଶରଣଂ ପ୍ରପଦ୍ୟେ ॥ ୫ ॥
ଵାଚଂ ଦଦୌ ଶ୍ରୀଗୁଣଜ୍ଞାନୟୋଗ୍ୟାଂ
ଵ୍ରଜାଙ୍ଗନାଙ୍ଗାଭରଣାଙ୍ଗମୂର୍ତିମ୍ ।
ତଥାପି ନାମ୍ନାମନୁକୀର୍ତନେଽଲସୋ
ଗୋପାଲଲାଲଂ ଶରଣଂ ପ୍ରପଦ୍ୟେ ॥ ୬ ॥
ଘ୍ରାଣେନ୍ଦ୍ରିୟଂ ମେ ତୁଲସୀଵିମିଶ୍ର-
ପାଦାଞ୍ଜସନ୍ଦିଗ୍ଧପରାଗୟୋଗ୍ୟମ୍ ।
ଦଦୌ କୃପାଲୁର୍ହ୍ୟପରାଧିନେ ୟୋ
ଗୋପାଲଲାଲଂ ଶରଣଂ ପ୍ରପଦ୍ୟେ ॥ ୭ ॥
ଶିରଶ୍ଚ ପାଦାମ୍ବୁଜସନ୍ପ୍ରଣାମ-
ୟୋଗ୍ୟଂ ଦଦୌ ୟୋ ୟଦୁଵଂଶଚନ୍ଦ୍ରଃ ।
ସ୍ତୁତ୍ୟା ଚ ନତ୍ୟା ଵିନୟେନ ହୀନୋ
ଗୋପାଲଲାଲଂ ଶରଣଂ ପ୍ରପଦ୍ୟେ ॥ ୮ ॥
ଜନୋଽପରାଧାନସକୃଦ୍ଵିକୁର୍ଵନ୍
ଶ୍ରୋତୋ ଭଵେଦ୍ୟସ୍ତୁ ମନାକ୍ଷମାୟାମ୍ ।
ନଵାଲସସ୍ତଂ କରୁଣୈକବନ୍ଧୁଂ
ଗୋପାଲଲାଲଂ ଶରଣଂ ପ୍ରପଦ୍ୟେ ॥ ୯ ॥
ଇତି ଶ୍ରୀମଦ୍ଗୋସ୍ଵାମିଶ୍ରୀଗିରଧରଜୀକୃତଂ
ଶ୍ରୀଗୋପାଲଲାଲାଷ୍ଟକଂ ସମ୍ପୂର୍ଣମ୍ ।
– Chant Stotra in Other Languages –
Sri Krishna Slokam » Sri Gopalalalashtakam Lyrics in Sanskrit » English » Bengali » Gujarati » Kannada » Malayalam » Telugu » Tamil