॥ Sri Gopalashtakam Gujarati Lyrics ॥
॥ શ્રીગોપાલાષ્ટકમ્ ॥
શ્રી ગણેશાય નમઃ ॥
યસ્માદ્વિશ્વં જાતમિદં ચિત્રમતર્ક્યં યસ્મિન્નાનન્દાત્મનિ નિત્યં રમતે વૈ ।
યત્રાન્તે સંયાતિ લયં ચૈતદશેષં તં ગોપાલં સન્તતકાલં પ્રતિ વન્દે ॥ ૧ ॥
યસ્યાજ્ઞાનાજ્જન્મજરારોગકદમ્બં જ્ઞાતે યસ્મિન્નશ્યતિ તત્સર્વમિહાશુ ।
ગત્વા યત્રાયાતિ પુનર્નો ભવભૂમિં તં ગોપાલં સન્તતકાલં પ્રતિ વન્દે ॥ ૨ ॥
તિષ્ઠન્નન્તર્યો યમયત્યેતદજસ્રં યં કશ્ચિન્નો વેદ જનોઽપ્યાત્મનિ સન્તમ્ ।
સર્વં યસ્યેદં ચ વશે તિષ્ઠતિ વિશ્વં તં ગોપાલં સન્તતકાલં પ્રતિ વન્દે ॥ ૩ ॥
ધર્મોઽધર્મેણેહ તિરસ્કારમુપૈતિ કાલે યસ્મિન્મત્સ્યમુખૈશ્ચારુચરિત્રૈઃ ।
નાનારૂપૈઃ પાતિ તદા યોઽવનિબિમ્બં તં ગોપાલં સન્તતકાલં પ્રતિ વન્દે ॥ ૪ ॥
પ્રાણાયામૈર્ધ્વસ્તસમસ્તેન્દ્રિયદોષા રુધ્વા ચિત્તં યં હૃદિ પશ્યન્તિ સમાધૌ ।
જ્યોતીરૂપં યોગિજનામોદનિમગ્નાસ્તં ગોપાલં સન્તતકાલં પ્રતિ વન્દે ॥ ૫ ॥
ભાનુશ્ચન્દ્રશ્ચોડુગણૈશ્ચૈવ હુતાશો યસ્મિન્નૈવાભાતિ તડિચ્ચાપિ કદાપિ ।
યદ્ભાસા ચાભાતિ સમસ્તં જગદેતત્ તં ગોપાલં સન્તતકાલં પ્રતિ વન્દે ॥ ૬ ॥
સત્યજ્ઞાનં મોદમવોચુર્નિગમા યં યો બ્રહ્મેન્દ્રાદિત્યગિરીશાર્ચિતપાદઃ ।
શેતેઽનન્તોઽનન્તતનાવમ્બુનિધૌ યસ્તં ગોપાલં સન્તતકાલં પ્રતિ વન્દે ॥ ૭ ॥
શૈવાઃ પ્રાહુર્યં શિવમન્યે ગણનાથં શક્તિં ચૈકેઽર્કં ચ તથાન્યે મતિભેદાત્ ।
નાનાકારૈર્ભાતિ ય એકોઽખિલશક્તિસ્તં ગોપાલં સન્તતકાલં પ્રતિ વન્દે ॥ ૮ ॥
શ્રીમદ્ગોપાલાષ્ટકમેતત્ સમધીતે ભક્ત્યા નિત્યં યો મનુજો વૈ સ્થિરચેતાઃ ।
હિત્વા તૂર્ણં પાપકલાપં સ સમેતિ પુણ્યં વિષ્ણોર્ધામ યતો નૈવ નિપાતઃ ॥ ૯ ॥
ઇતિ શ્રીપરમહંસસ્વામિબ્રહ્માનન્દવિરચિતં શ્રી ગોપાલાષ્ટકં સમ્પૂર્ણમ્ ॥
– Chant Stotra in Other Languages –
Sri Krishna Slokam » Sri Gopalashtakam Lyrics in Sanskrit » English » Bengali » Kannada » Malayalam » Odia » Telugu » Tamil