॥ Sri Gopalashtakam Malayalam Lyrics ॥
॥ ശ്രീഗോപാലാഷ്ടകം ॥
ശ്രീ ഗണേശായ നമഃ ॥
യസ്മാദ്വിശ്വം ജാതമിദം ചിത്രമതര്‍ക്യം യസ്മിന്നാനന്ദാത്മനി നിത്യം രമതേ വൈ ।
യത്രാന്തേ സംയാതി ലയം ചൈതദശേഷം തം ഗോപാലം സന്തതകാലം പ്രതി വന്ദേ ॥ 1 ॥
യസ്യാജ്ഞാനാജ്ജന്‍മജരാരോഗകദംബം ജ്ഞാതേ യസ്മിന്നശ്യതി തത്സര്‍വമിഹാശു ।
ഗത്വാ യത്രായാതി പുനര്‍നോ ഭവഭൂമിം തം ഗോപാലം സന്തതകാലം പ്രതി വന്ദേ ॥ 2 ॥
തിഷ്ഠന്നന്തര്യോ യമയത്യേതദജസ്രം യം കശ്ചിന്നോ വേദ ജനോഽപ്യാത്മനി സന്തം ।
സര്‍വം യസ്യേദം ച വശേ തിഷ്ഠതി വിശ്വം തം ഗോപാലം സന്തതകാലം പ്രതി വന്ദേ ॥ 3 ॥
ധര്‍മോഽധര്‍മേണേഹ തിരസ്കാരമുപൈതി കാലേ യസ്മിന്‍മത്സ്യമുഖൈശ്ചാരുചരിത്രൈഃ ।
നാനാരൂപൈഃ പാതി തദാ യോഽവനിബിംബം തം ഗോപാലം സന്തതകാലം പ്രതി വന്ദേ ॥ 4 ॥
പ്രാണായാമൈര്‍ധ്വസ്തസമസ്തേന്ദ്രിയദോഷാ രുധ്വാ ചിത്തം യം ഹൃദി പശ്യന്തി സമാധൌ ।
ജ്യോതീരൂപം യോഗിജനാമോദനിമഗ്നാസ്തം ഗോപാലം സന്തതകാലം പ്രതി വന്ദേ ॥ 5 ॥
ഭാനുശ്ചന്ദ്രശ്ചോഡുഗണൈശ്ചൈവ ഹുതാശോ യസ്മിന്നൈവാഭാതി തഡിച്ചാപി കദാപി ।
യദ്ഭാസാ ചാഭാതി സമസ്തം ജഗദേതത് തം ഗോപാലം സന്തതകാലം പ്രതി വന്ദേ ॥ 6 ॥
സത്യജ്ഞാനം മോദമവോചുര്‍നിഗമാ യം യോ ബ്രഹ്മേന്ദ്രാദിത്യഗിരീശാര്‍ചിതപാദഃ ।
ശേതേഽനന്തോഽനന്തതനാവംബുനിധൌ യസ്തം ഗോപാലം സന്തതകാലം പ്രതി വന്ദേ ॥ 7 ॥
ശൈവാഃ പ്രാഹുര്യം ശിവമന്യേ ഗണനാഥം ശക്തിം ചൈകേഽര്‍കം ച തഥാന്യേ മതിഭേദാത് ।
നാനാകാരൈര്‍ഭാതി യ ഏകോഽഖിലശക്തിസ്തം ഗോപാലം സന്തതകാലം പ്രതി വന്ദേ ॥ 8 ॥
ശ്രീമദ്ഗോപാലാഷ്ടകമേതത് സമധീതേ ഭക്ത്യാ നിത്യം യോ മനുജോ വൈ സ്ഥിരചേതാഃ ।
ഹിത്വാ തൂര്‍ണം പാപകലാപം സ സമേതി പുണ്യം വിഷ്ണോര്‍ധാമ യതോ നൈവ നിപാതഃ ॥ 9 ॥
ഇതി ശ്രീപരമഹംസസ്വാമിബ്രഹ്മാനന്ദവിരചിതം ശ്രീ ഗോപാലാഷ്ടകം സമ്പൂര്‍ണം ॥
– Chant Stotra in Other Languages –
Sri Krishna Slokam » Sri Gopalashtakam Lyrics in Sanskrit » English » Bengali » Gujarati » Kannada » Odia » Telugu » Tamil