॥ Sri Gopalashtakam Odia Lyrics ॥
॥ ଶ୍ରୀଗୋପାଲାଷ୍ଟକମ୍ ॥
ଶ୍ରୀ ଗଣେଶାୟ ନମଃ ॥
ୟସ୍ମାଦ୍ଵିଶ୍ଵଂ ଜାତମିଦଂ ଚିତ୍ରମତର୍କ୍ୟଂ ୟସ୍ମିନ୍ନାନନ୍ଦାତ୍ମନି ନିତ୍ୟଂ ରମତେ ଵୈ ।
ୟତ୍ରାନ୍ତେ ସଂୟାତି ଲୟଂ ଚୈତଦଶେଷଂ ତଂ ଗୋପାଲଂ ସନ୍ତତକାଲଂ ପ୍ରତି ଵନ୍ଦେ ॥ ୧ ॥
ୟସ୍ୟାଜ୍ଞାନାଜ୍ଜନ୍ମଜରାରୋଗକଦମ୍ବଂ ଜ୍ଞାତେ ୟସ୍ମିନ୍ନଶ୍ୟତି ତତ୍ସର୍ଵମିହାଶୁ ।
ଗତ୍ଵା ୟତ୍ରାୟାତି ପୁନର୍ନୋ ଭଵଭୂମିଂ ତଂ ଗୋପାଲଂ ସନ୍ତତକାଲଂ ପ୍ରତି ଵନ୍ଦେ ॥ ୨ ॥
ତିଷ୍ଠନ୍ନନ୍ତର୍ୟୋ ୟମୟତ୍ୟେତଦଜସ୍ରଂ ୟଂ କଶ୍ଚିନ୍ନୋ ଵେଦ ଜନୋଽପ୍ୟାତ୍ମନି ସନ୍ତମ୍ ।
ସର୍ଵଂ ୟସ୍ୟେଦଂ ଚ ଵଶେ ତିଷ୍ଠତି ଵିଶ୍ଵଂ ତଂ ଗୋପାଲଂ ସନ୍ତତକାଲଂ ପ୍ରତି ଵନ୍ଦେ ॥ ୩ ॥
ଧର୍ମୋଽଧର୍ମେଣେହ ତିରସ୍କାରମୁପୈତି କାଲେ ୟସ୍ମିନ୍ମତ୍ସ୍ୟମୁଖୈଶ୍ଚାରୁଚରିତ୍ରୈଃ ।
ନାନାରୂପୈଃ ପାତି ତଦା ୟୋଽଵନିବିମ୍ବଂ ତଂ ଗୋପାଲଂ ସନ୍ତତକାଲଂ ପ୍ରତି ଵନ୍ଦେ ॥ ୪ ॥
ପ୍ରାଣାୟାମୈର୍ଧ୍ଵସ୍ତସମସ୍ତେନ୍ଦ୍ରିୟଦୋଷା ରୁଧ୍ଵା ଚିତ୍ତଂ ୟଂ ହୃଦି ପଶ୍ୟନ୍ତି ସମାଧୌ ।
ଜ୍ୟୋତୀରୂପଂ ୟୋଗିଜନାମୋଦନିମଗ୍ନାସ୍ତଂ ଗୋପାଲଂ ସନ୍ତତକାଲଂ ପ୍ରତି ଵନ୍ଦେ ॥ ୫ ॥
ଭାନୁଶ୍ଚନ୍ଦ୍ରଶ୍ଚୋଡୁଗଣୈଶ୍ଚୈଵ ହୁତାଶୋ ୟସ୍ମିନ୍ନୈଵାଭାତି ତଡିଚ୍ଚାପି କଦାପି ।
ୟଦ୍ଭାସା ଚାଭାତି ସମସ୍ତଂ ଜଗଦେତତ୍ ତଂ ଗୋପାଲଂ ସନ୍ତତକାଲଂ ପ୍ରତି ଵନ୍ଦେ ॥ ୬ ॥
ସତ୍ୟଜ୍ଞାନଂ ମୋଦମଵୋଚୁର୍ନିଗମା ୟଂ ୟୋ ବ୍ରହ୍ମେନ୍ଦ୍ରାଦିତ୍ୟଗିରୀଶାର୍ଚିତପାଦଃ ।
ଶେତେଽନନ୍ତୋଽନନ୍ତତନାଵମ୍ବୁନିଧୌ ୟସ୍ତଂ ଗୋପାଲଂ ସନ୍ତତକାଲଂ ପ୍ରତି ଵନ୍ଦେ ॥ ୭ ॥
ଶୈଵାଃ ପ୍ରାହୁର୍ୟଂ ଶିଵମନ୍ୟେ ଗଣନାଥଂ ଶକ୍ତିଂ ଚୈକେଽର୍କଂ ଚ ତଥାନ୍ୟେ ମତିଭେଦାତ୍ ।
ନାନାକାରୈର୍ଭାତି ୟ ଏକୋଽଖିଲଶକ୍ତିସ୍ତଂ ଗୋପାଲଂ ସନ୍ତତକାଲଂ ପ୍ରତି ଵନ୍ଦେ ॥ ୮ ॥
ଶ୍ରୀମଦ୍ଗୋପାଲାଷ୍ଟକମେତତ୍ ସମଧୀତେ ଭକ୍ତ୍ୟା ନିତ୍ୟଂ ୟୋ ମନୁଜୋ ଵୈ ସ୍ଥିରଚେତାଃ ।
ହିତ୍ଵା ତୂର୍ଣଂ ପାପକଲାପଂ ସ ସମେତି ପୁଣ୍ୟଂ ଵିଷ୍ଣୋର୍ଧାମ ୟତୋ ନୈଵ ନିପାତଃ ॥ ୯ ॥
ଇତି ଶ୍ରୀପରମହଂସସ୍ଵାମିବ୍ରହ୍ମାନନ୍ଦଵିରଚିତଂ ଶ୍ରୀ ଗୋପାଲାଷ୍ଟକଂ ସମ୍ପୂର୍ଣମ୍ ॥
– Chant Stotra in Other Languages –
Sri Krishna Slokam » Sri Gopalashtakam Lyrics in Sanskrit » English » Bengali » Gujarati » Kannada » Malayalam » Telugu » Tamil