॥ Sri Gopalashtakam Telugu Lyrics ॥
॥ శ్రీగోపాలాష్టకమ్ ॥
శ్రీ గణేశాయ నమః ॥
యస్మాద్విశ్వం జాతమిదం చిత్రమతర్క్యం యస్మిన్నానన్దాత్మని నిత్యం రమతే వై ।
యత్రాన్తే సంయాతి లయం చైతదశేషం తం గోపాలం సన్తతకాలం ప్రతి వన్దే ॥ ౧ ॥
యస్యాజ్ఞానాజ్జన్మజరారోగకదమ్బం జ్ఞాతే యస్మిన్నశ్యతి తత్సర్వమిహాశు ।
గత్వా యత్రాయాతి పునర్నో భవభూమిం తం గోపాలం సన్తతకాలం ప్రతి వన్దే ॥ ౨ ॥
తిష్ఠన్నన్తర్యో యమయత్యేతదజస్రం యం కశ్చిన్నో వేద జనోఽప్యాత్మని సన్తమ్ ।
సర్వం యస్యేదం చ వశే తిష్ఠతి విశ్వం తం గోపాలం సన్తతకాలం ప్రతి వన్దే ॥ ౩ ॥
ధర్మోఽధర్మేణేహ తిరస్కారముపైతి కాలే యస్మిన్మత్స్యముఖైశ్చారుచరిత్రైః ।
నానారూపైః పాతి తదా యోఽవనిబిమ్బం తం గోపాలం సన్తతకాలం ప్రతి వన్దే ॥ ౪ ॥
ప్రాణాయామైర్ధ్వస్తసమస్తేన్ద్రియదోషా రుధ్వా చిత్తం యం హృది పశ్యన్తి సమాధౌ ।
జ్యోతీరూపం యోగిజనామోదనిమగ్నాస్తం గోపాలం సన్తతకాలం ప్రతి వన్దే ॥ ౫ ॥
భానుశ్చన్ద్రశ్చోడుగణైశ్చైవ హుతాశో యస్మిన్నైవాభాతి తడిచ్చాపి కదాపి ।
యద్భాసా చాభాతి సమస్తం జగదేతత్ తం గోపాలం సన్తతకాలం ప్రతి వన్దే ॥ ౬ ॥
సత్యజ్ఞానం మోదమవోచుర్నిగమా యం యో బ్రహ్మేన్ద్రాదిత్యగిరీశార్చితపాదః ।
శేతేఽనన్తోఽనన్తతనావమ్బునిధౌ యస్తం గోపాలం సన్తతకాలం ప్రతి వన్దే ॥ ౭ ॥
శైవాః ప్రాహుర్యం శివమన్యే గణనాథం శక్తిం చైకేఽర్కం చ తథాన్యే మతిభేదాత్ ।
నానాకారైర్భాతి య ఏకోఽఖిలశక్తిస్తం గోపాలం సన్తతకాలం ప్రతి వన్దే ॥ ౮ ॥
శ్రీమద్గోపాలాష్టకమేతత్ సమధీతే భక్త్యా నిత్యం యో మనుజో వై స్థిరచేతాః ।
హిత్వా తూర్ణం పాపకలాపం స సమేతి పుణ్యం విష్ణోర్ధామ యతో నైవ నిపాతః ॥ ౯ ॥
ఇతి శ్రీపరమహంసస్వామిబ్రహ్మానన్దవిరచితం శ్రీ గోపాలాష్టకం సమ్పూర్ణమ్ ॥
– Chant Stotra in Other Languages –
Sri Krishna Slokam » Sri Gopalashtakam Lyrics in Sanskrit » English » Bengali » Gujarati » Kannada » Malayalam » Odia » Tamil