॥ Sri Gopijana Vallabha Ashtakam 2 Gujarati Lyrics ॥
॥ શ્રીગોપીજનવલ્લભાષ્ટકમ્ ૨ ॥
નવામ્બુદાનીકમનોહરાય પ્રફુલ્લરાજીવવિલોચનાય
વેણુસ્વનૈર્મોદિતગોકુલાય નમોઽસ્તુ ગોપીજનવલ્લભાય ॥ ૧ ॥
કિરીટકેયૂરવિભૂષિતાય ગ્રૈવેયમાલામણિરઞ્જિતાય ।
સ્ફુરચ્ચલત્કાઞ્ચનકુણ્ડલાય નમોઽસ્તુ ગોપીજનવલ્લભાય ॥ ૨ ॥
દિવ્યાઙ્ગનાવૃન્દનિષેવિતાય સ્મિતપ્રભાચારુમુખામ્બુજાય ।
ત્રૈલોક્યસમ્મોહનસુન્દરાય નમોઽસ્તુ ગોપીજનવલ્લભાય ॥ ૩ ॥
રત્નાદિમૂલાલયમાશ્રિતાય કલ્પદ્રુમચ્છાયસમાશ્રિતાય ।
હેમસ્ફુરન્મણ્ડલમધ્યગાય નમોઽસ્તુ ગોપીજનવલ્લભાય ॥ ૪ ॥
શ્રીવત્સરોમાવલિરઞ્જિતાય વક્ષઃસ્થલે કૌસ્તુભભૂષિતાય ।
સરોજકિઞ્જલ્કનિભાંશુકાય નમોઽસ્તુ ગોપીજનવલ્લભાય ॥ ૫ ॥
દિવ્યાઙ્ગુલીયાઙ્ગુલિરઞ્જિતાય મયૂરપિચ્છચ્છવિશોભિતાય ।
વન્યસ્રજાલઙ્કૃતવિગ્રહાય નમોઽસ્તુ ગોપીજનવલ્લભાય ॥ ૬ ॥
મુનીન્દ્રવૃન્દૈરભિસંસ્તુતાય ક્ષરત્પયોગોકુલગોકુલાય ।
ધર્માર્થકામામૃતસાધકાય નમોઽસ્તુ ગોપીજનવલ્લભાય ॥ ૭ ॥
એનસ્તમઃસ્તોમદિવાકરાય ભક્તસ્ય ચિન્તામણિસાધકાય ।
અશેષદુઃખામયભેષજાય નમોઽસ્તુ ગોપીજનવલ્લભાય ॥ ૮ ॥
ઇતિ શ્રીવહ્નિસૂનુવિરચિતં શ્રીગોપીજનવલ્લભાષ્ટકં સમાપ્તમ્ ।
– Chant Stotra in Other Languages –
Sri Gopijana Vallabha Ashtakam 2 Lyrics in Sanskrit » English » Bengali » Kannada » Malayalam » Odia » Telugu » Tamil