॥ Sri Gopijana Vallabha Ashtakam 2 Kannada Lyrics ॥
॥ ಶ್ರೀಗೋಪೀಜನವಲ್ಲಭಾಷ್ಟಕಮ್ 2 ॥
ನವಾಮ್ಬುದಾನೀಕಮನೋಹರಾಯ ಪ್ರಫುಲ್ಲರಾಜೀವವಿಲೋಚನಾಯ
ವೇಣುಸ್ವನೈರ್ಮೋದಿತಗೋಕುಲಾಯ ನಮೋಽಸ್ತು ಗೋಪೀಜನವಲ್ಲಭಾಯ ॥ 1 ॥
ಕಿರೀಟಕೇಯೂರವಿಭೂಷಿತಾಯ ಗ್ರೈವೇಯಮಾಲಾಮಣಿರಂಜಿತಾಯ ।
ಸ್ಫುರಚ್ಚಲತ್ಕಾಂಚನಕುಂಡಲಾಯ ನಮೋಽಸ್ತು ಗೋಪೀಜನವಲ್ಲಭಾಯ ॥ 2 ॥
ದಿವ್ಯಾಂಗನಾವೃನ್ದನಿಷೇವಿತಾಯ ಸ್ಮಿತಪ್ರಭಾಚಾರುಮುಖಾಮ್ಬುಜಾಯ ।
ತ್ರೈಲೋಕ್ಯಸಮ್ಮೋಹನಸುನ್ದರಾಯ ನಮೋಽಸ್ತು ಗೋಪೀಜನವಲ್ಲಭಾಯ ॥ 3 ॥
ರತ್ನಾದಿಮೂಲಾಲಯಮಾಶ್ರಿತಾಯ ಕಲ್ಪದ್ರುಮಚ್ಛಾಯಸಮಾಶ್ರಿತಾಯ ।
ಹೇಮಸ್ಫುರನ್ಮಂಡಲಮಧ್ಯಗಾಯ ನಮೋಽಸ್ತು ಗೋಪೀಜನವಲ್ಲಭಾಯ ॥ 4 ॥
ಶ್ರೀವತ್ಸರೋಮಾವಲಿರಂಜಿತಾಯ ವಕ್ಷಃಸ್ಥಲೇ ಕೌಸ್ತುಭಭೂಷಿತಾಯ ।
ಸರೋಜಕಿಂಜಲ್ಕನಿಭಾಂಶುಕಾಯ ನಮೋಽಸ್ತು ಗೋಪೀಜನವಲ್ಲಭಾಯ ॥ 5 ॥
ದಿವ್ಯಾಂಗುಲೀಯಾಂಗುಲಿರಂಜಿತಾಯ ಮಯೂರಪಿಚ್ಛಚ್ಛವಿಶೋಭಿತಾಯ ।
ವನ್ಯಸ್ರಜಾಲಂಕೃತವಿಗ್ರಹಾಯ ನಮೋಽಸ್ತು ಗೋಪೀಜನವಲ್ಲಭಾಯ ॥ 6 ॥
ಮುನೀನ್ದ್ರವೃನ್ದೈರಭಿಸಂಸ್ತುತಾಯ ಕ್ಷರತ್ಪಯೋಗೋಕುಲಗೋಕುಲಾಯ ।
ಧರ್ಮಾರ್ಥಕಾಮಾಮೃತಸಾಧಕಾಯ ನಮೋಽಸ್ತು ಗೋಪೀಜನವಲ್ಲಭಾಯ ॥ 7 ॥
ಏನಸ್ತಮಃಸ್ತೋಮದಿವಾಕರಾಯ ಭಕ್ತಸ್ಯ ಚಿನ್ತಾಮಣಿಸಾಧಕಾಯ ।
ಅಶೇಷದುಃಖಾಮಯಭೇಷಜಾಯ ನಮೋಽಸ್ತು ಗೋಪೀಜನವಲ್ಲಭಾಯ ॥ 8 ॥
ಇತಿ ಶ್ರೀವಹ್ನಿಸೂನುವಿರಚಿತಂ ಶ್ರೀಗೋಪೀಜನವಲ್ಲಭಾಷ್ಟಕಂ ಸಮಾಪ್ತಮ್ ।
– Chant Stotra in Other Languages –
Sri Gopijana Vallabha Ashtakam 2 Lyrics in Sanskrit » English » Bengali » Gujarati » Malayalam » Odia » Telugu » Tamil