॥ Sri Gopinatha Deva Ashtakam Malayalam Lyrics ॥
॥ ശ്രീഗോപിനാഥദേവാഷ്ടകം ॥
ആസ്യേ ഹാസ്യം തത്ര മാധ്വീകമസ്മിന്‍
വംശീ തസ്യാം നാദപീയൂഷസിന്ധുഃ ।
തദ്വീചീഭിര്‍മജ്ജയന്‍ ഭാതി ഗോപീ-
ര്‍ഗോപീനാഥഃ പീനവക്ഷാ ഗതിര്‍നഃ ॥ 1 ॥
ശോണോഷ്ണീഷഭ്രാജിമുക്താസ്രജോദ്യത്
പിഞ്ഛോത്തംസസ്പന്ദനേനാപി നൂനം ।
ഹൃന്നേത്രാലീവൃത്തിരത്നാനി മുഞ്ചന്‍
ഗോപീനാഥഃ പീനവക്ഷാ ഗതിര്‍നഃ ॥ 2 ॥
ബിഭ്രദ്വാസഃ പീതമൂരൂരുകാന്ത്യാ
ശ്ലീഷ്ടം ഭാസ്വത്കിങ്കിണീകം നിതംബേ ।
സവ്യാഭീരീചുംബിതപ്രാന്തബാഹു-
ര്‍ഗോപീനാഥഃ പീനവക്ഷാ ഗതിര്‍നഃ ॥ 3 ॥
ഗുഞ്ജാമുക്താരത്നഗാങ്ഗേയഹാരൈ-
ര്‍മാല്യൈഃ കണ്ഠേ ലംബമാനൈഃ ക്രമേണ ।
പീതോദഞ്ചത്കഞ്ചുകേനാഞ്ചിതശ്രീ-
ര്‍ഗോപീനാഥഃ പീനവക്ഷാ ഗതിര്‍നഃ ॥ 4 ॥
ശ്വതോഷ്ണീഷഃ ശ്വേതസുശ്ലോകധൌതഃ
സുശ്വേതസ്രക്ദ്വിത്രശഃ ശ്വേതഭൂഷഃ ।
ചുംബന്‍ ശര്യാമങ്ഗലാരാത്രികേ ഹൃ-
ദ്ഗോപീനാഥഃ പീനവക്ഷാ ഗതിര്‍നഃ ॥ 5 ॥
ശ്രീവത്സശ്രീകൌസ്തുഭോദ്ഭിന്നരോംണാം
വര്‍ണൈഃ ശ്രീമാന്‍ യശ്ചതുര്‍ഭിഃ സദേഷ്ടഃ ।
ദൃഷ്ടഃ പ്രേംണൈവാതിധന്യൈരനന്യൈ-
ര്‍ഗോപീനാഥഃ പീനവക്ഷാ ഗതിര്‍നഃ ॥ 6 ॥
താപിഞ്ഛഃ കിം ഹേമവല്ലീയുഗാന്തഃ
പാര്‍ശ്വദ്വന്ദ്വോദ്ദ്യോതിവിദ്യുദ്ഘനഃ കിം ।
കിം വാ മധ്യേ രാധയോഃ ശ്യാമലേന്ദു-
ര്‍ഗോപീനാഥഃ പീനവക്ഷാ ഗതിര്‍നഃ ॥ 7 ॥
ശ്രീജാഹ്നവ്യാ മൂര്‍തിമാന്‍ പ്രേമപുഞ്ജോ
ദീനാനാഥാന്‍ ദര്‍ശയന്‍ സ്വം പ്രസീദന്‍ ।
പുഷ്ണന്‍ ദേവാലഭ്യഫേലാസുധാഭി-
ര്‍ഗോപീനാഥഃ പീനവക്ഷാ ഗതിര്‍നഃ ॥ 8 ॥
ഗോപീനാഥാഷ്ടകം തുഷ്ടചേതാ-
സ്തത്പദാബ്ജപ്രേമപുഷ്ണീഭവിഷ്ണുഃ ।
യോഽധീതേ തന്‍മന്തുകോടീരപശ്യന്‍
ഗോപീനാഥഃ പീനവക്ഷാ ഗതിര്‍നഃ ॥ 9 ॥
ഇതി ശ്രീവിശ്വനാഥചക്രവര്‍തിഠക്കുരവിരചിതസ്തവാമൃതലഹര്യാം
ശ്രീഗോപിനാഥാഷ്ടകം സമ്പൂര്‍ണം ।
– Chant Stotra in Other Languages –
Sri Krishna Slokam » Sri Gopinatha Deva Ashtakam Lyrics in Sanskrit » English » Bengali » Gujarati » Kannada » Odia » Telugu » Tamil