॥ Sri Govardhanashtakam 1 Telugu Lyrics ॥
॥ శ్రీగోవర్ధనాష్టకమ్ ౧ ॥
ప్రథమం శ్రీగోవర్ధనాష్టకం
నమః శ్రీగోవర్ధనాయ ।
గోవిన్దాస్యోత్తంసిత వంశీక్వణితోద్య-
ల్లాస్యోత్కణ్ఠామత్తమయూరవ్రజవీత ।
రాధాకుణ్డోత్తుఙ్గతరఙ్గాఙ్కురితాఙ్గ
ప్రత్యాశాం మే త్వం కురు గోవర్ధన పూర్ణామ్ ॥ ౧ ॥
యస్యోత్కర్షాద్ విస్మితధీభిర్వ్రజదేవీ
వృన్దైర్వర్షం వణితమాస్తే హరిదాస్యమ్ ।
చిత్రైర్యుఞ్జన స ద్యుతిపుఞ్జైరఖిలాశాం
ప్రత్యాశాం మే త్వం కురు గోవర్ధన పూర్ణామ్ ॥ ౨ ॥
విన్దద్భిర్యో మన్దిరతాం కన్దరవృన్దైః
కన్దైశ్చేన్దోర్బన్ధుభిరానన్దయతీశమ్ ।
వైదూర్యాభైర్నిర్ఝరతోయైరపి సోఽయం
ప్రత్యాశాం మే త్వం కురు గోవర్ధన పూర్ణామ్ ॥ ౩ ॥
శశ్వద్విశ్వాలఙ్కరణాలఙ్కృతిమేధ్యైః
ప్రేమ్ణా ధౌతైర్ధాతుభిరుద్దీపితసానో ।
నిత్యాక్రన్దత్కన్దర వేణుధ్వనిహర్షాత్
ప్రత్యాశాం మే త్వం కురు గోవర్ధన పూర్ణామ్ ॥ ౪ ॥
ప్రాజ్యా రాజిర్యస్య విరాజత్యుపలానాం
కృష్ణేనాసౌ సన్తతమధ్యాసితమధ్యా ।
సోఽయం బన్ధుర్బన్ధురధర్మా సురభాణాం
ప్రత్యాశాం మే త్వం కురు గోవర్ధన పూర్ణామ్ ॥ ౫ ॥
నిర్ధున్వానః సంహృతిహేతుం ఘనవృన్దం
జిత్వా జభారాతిమసమ్భావితబాధమ్ ।
స్వానాం వైరం యః కిల నిర్యాపితవాన్ సః
ప్రత్యాశాం మే త్వం కురు గోవర్ధన పూర్ణామ్ ॥ ౬ ॥
బిభ్రాణో యః శ్రీభుజదణ్డోపరిభర్తుశ్-
ఛత్రీభావం నామ యథార్థం స్వమకార్షీత్ ।
కృష్ణోపజ్ఞం యస్య మఖస్తిష్ఠతి సోఽయం
ప్రత్యాశాం మే త్వం కురు గోవర్ధన పూర్ణామ్ ॥ ౭ ॥
గాన్ధర్వాయాః కేలికలాబాన్ధవ కుఞ్జే
క్షుణ్ణైస్తస్యాః కఙ్కణహారైః ప్రయతాఙ్గ ।
రాసక్రీడామణ్డితయోపత్యకయాఢ్య
ప్రత్యాశాం మే త్వం కురు గోవర్ధన పూర్ణామ్ ॥ ౮ ॥
అద్రోశ్రేణీశేఖర పద్యాష్టకమేతత్
కృష్ణామ్భోదప్రేష్ఠ పఠేద్ యస్తవ దేహీ ।
ప్రేమానన్దం తున్దిలయన్ క్షిప్రమమన్దం
తం హర్షేణ స్వీకురుతాం తే హృదయేశః ॥ ౯ ॥
ఇతి శ్రీరూపగోస్వామివిరచితస్తవమాలాయాం మత్తమయూరాఖ్యం
ప్రథమం శ్రీగోవర్ధనాష్టకం సమ్పూర్ణమ్ ।
– Chant Stotra in Other Languages –
Sri Krishna Slokam » Sri Govardhanashtakam 1 Lyrics in Sanskrit » English » Bengali » Gujarati » Kannada » Malayalam » Odia » Tamil