॥ Sri Govardhanashtakam Gujarati Lyrics ॥
કૃષ્ણપ્રસાદેન સમસ્તશૈલ
સામ્રાજ્યમાપ્નોતિ ચ વૈરિણોઽપિ ।
શક્રસ્ય યઃ પ્રાપ બલિં સ સાક્ષા-
દ્ગોવર્ધનો મે દિશતામભીષ્ટમ્ ॥ ૧ ॥
સ્વપ્રેષ્ઠહસ્તામ્બુજસૌકુમાર્ય
સુખાનુભૂતેરતિભૂમિ વૃત્તેઃ ।
મહેન્દ્રવજ્રાહતિમપ્યજાનન્
ગોવર્ધનો મે દિષતામભીષ્ટમ્ ॥ ૨ ॥
યત્રૈવ કૃષ્ણો વૃષભાનુપુત્ર્યા
દાનં ગૃહીતું કલહં વિતેને ।
શ્રુતેઃ સ્પૃહા યત્ર મહત્યતઃ શ્રી
ગોવર્ધનો મે દિષતામભિષ્ટમ્ ॥ ૩ ॥
સ્નાત્વા સરઃ સ્વશુ સમીર હસ્તી
યત્રૈવ નીપાદિપરાગ ધૂલિઃ ।
આલોલયન્ ખેલતિ ચારુ સ શ્રી
ગોવર્ધનો મે દિષતામભીષ્ટમ્ ॥ ૪ ॥
કસ્તૂરિકાભિઃ શયિતં કિમત્રે-
ત્યૂહં પ્રભોઃ સ્વસ્ય મુહુર્વિતન્વન્ ।
નૈસર્ગિકસ્વીયશિલાસુગન્ધૈ-
ર્ગોવર્ધનો મે દિષતામભીષ્ટમ્ ॥ ૫ ॥
વંશપ્રતિધ્વન્યનુસારવર્ત્મ
દિદૃક્ષવો યત્ર હરિં હરિણ્યાઃ ।
યાન્ત્યો લભન્તે ન હિ વિસ્મિતાઃ સ
ગોવર્ધનો મે દિષતામભીષ્ટમ્ ॥ ૬ ॥
યત્રૈવ ગઙ્ગામનુ નાવિ રાધાં
આરોહ્ય મધ્યે તુ નિમગ્નનૌકઃ ।
કૃષ્ણો હિ રાધાનુગલો બભૌ સ
ગોવર્ધનો મે દિષતામભીષ્ટમ્ ॥ ૭ ॥
વિના ભવેત્કિં હરિદાસવર્ય
પદાશ્રયં ભક્તિરતઃ શ્રયામિ ।
યમેવ સપ્રેમ નિજેશયોઃ શ્રી
ગોવર્ધનો મે દિષતામભીષ્ટમ્ ॥ ૮ ॥
એતત્પઠેદ્યો હરિદાસવર્ય
મહાનુભાવાષ્ટકમાર્દ્રચેતાઃ ।
શ્રીરાધિકામાધવયોઃ પદાબ્જ
દાસ્યં સ વિન્દેદચિરેણ સાક્ષાત્ ॥ ૯ ॥
ઇતિ મહામહોપાધ્યાયશ્રીવિશ્વનાથચક્રવર્તિવિરચિતં
શ્રીગોવર્ધનાષ્ટકં સમાપ્તમ્ ।
– Chant Stotra in Other Languages –
Sri Krishna Mantram » Sri Govardhanashtakam Lyrics in Sanskrit » English » Bengali » Kannada » Malayalam » Odia » Telugu » Tamil