॥ Sri Govindadevashtakam Odia Lyrics ॥
॥ ଶ୍ରୀଗୋଵିନ୍ଦଦେଵାଷ୍ଟକମ୍ ॥
ଜାମ୍ବୂନଦୋଷ୍ଣୀଷଵିରାଜିମୁକ୍ତା
ମାଲାମଣିଦ୍ୟୋତିଶିଖଣ୍ଡକସ୍ୟ ।
ଭଙ୍ଗ୍ୟା ନୃଣାଂ ଲୋଲୁପୟନ୍ ଦୃଶଃ ଶ୍ରୀ
ଗୋଵିନ୍ଦଦେଵଃ ଶରଣଂ ମମାସ୍ତୁ ॥ ୧ ॥
କପୋଲୟୋଃ କୁଣ୍ଡଲଲାସ୍ୟହାସ୍ୟ-
ଚ୍ଛଵିଚ୍ଛିଟାଚୁମ୍ବିତୟୋର୍ୟୁଗେନ ।
ସଂମୋହୟନ୍ ସମ୍ଭଜତାଂ ଧିୟଃ ଶ୍ରୀ
ଗୋଵିନ୍ଦଦେଵଃ ଶରଣଂ ମମାସ୍ତୁ ॥ ୨ ॥
ସ୍ଵପ୍ରେୟସୀଲୋଚନକୋଣଶୀଧୁ
ପ୍ରାପ୍ତ୍ୟୈ ପୁରୋଵର୍ତି ଜନେକ୍ଷଣେନ ।
ଭାଵଂ କମପ୍ୟୁଦ୍ଗମୟନ୍ ବୁଧାନାଂ
ଗୋଵିନ୍ଦଦେଵଃ ଶରଣଂ ମମାସ୍ତୁ ॥ ୩ ॥
ଵାମପ୍ରଗଣ୍ଡାର୍ପିତଗଣ୍ଡଭାସ୍ଵତ୍
ତାଟଙ୍କଲୋଲାଲକକାନ୍ତିସିକ୍ତୈଃ ।
ଭ୍ରୂଵଲ୍ଗନୈରୁନ୍ମଦୟନ୍ କୁଲସ୍ତ୍ରୀ-
ର୍ଗୋଵିନ୍ଦଦେଵଃ ଶରଣଂ ମମାସ୍ତୁ ॥ ୪ ॥
ଦୂରେ ସ୍ଥିତାସ୍ତା ମୁରଲୀନିନାଦୈଃ
ସ୍ଵସୌରଭୈର୍ମୁଦ୍ରିତକର୍ଣପାଲୀଃ ।
ନାସାରୁଧୋ ହୃଦ୍ଗତ ଏଵ କର୍ଷନ୍
ଗୋଵିନ୍ଦଦେଵଃ ଶରଣଂ ମମାସ୍ତୁ ॥ ୫ ॥
ନଵୀନଲାଵଣ୍ୟଭରୈଃ କ୍ଷିତୌ ଶ୍ରୀ
ରୂପାନୁରାଗାମ୍ବୁନିଧିପ୍ରକାଶୈଃ ।
ସତଶ୍ଚମତ୍କାରଵତଃ ପ୍ରକୁର୍ଵନ୍
ଗୋଵିନ୍ଦଦେଵଃ ଶରଣଂ ମମାସ୍ତୁ ॥ ୬ ॥
କଲ୍ପଦ୍ରୁମାଧୋମଣିମନ୍ଦିରାନ୍ତଃ
ଶ୍ରୀୟୋଗପୀଠାମ୍ବୁରୁହାସ୍ୟୟା ସ୍ଵମ୍ ।
ଉପାସୟଂସ୍ତତ୍ରଵିଦୋଽପି ମନ୍ତ୍ରୈ-
ର୍ଗୋଵିନ୍ଦଦେଵଃ ଶରଣଂ ମମାସ୍ତୁ ॥ ୭ ॥
ମହାଭିଷେକକ୍ଷଣସର୍ଵଵାସୋଽ
ଲଙ୍କୃତ୍ୟଙ୍ଗୀକରଣୋଚ୍ଛଲନ୍ତ୍ୟା ।
ସର୍ଵାଙ୍ଗଭାସାକୁଲୟଂସ୍ତ୍ରିଲୋକୀଂ
ଗୋଵିନ୍ଦଦେଵଃ ଶରଣଂ ମମାସ୍ତୁ ॥ ୮ ॥
ଗୋଵିନ୍ଦଦେଵାଷ୍ଟକମେତଦୁଚ୍ଚୈଃ
ପଠେତ୍ତଦୀୟାଙ୍ଘ୍ରିନିଵିଷ୍ଟଵୀର୍ୟଃ ।
ତଂ ମଜ୍ଜୟନ୍ନେଵ କୃପାପ୍ରଵାହୈ-
ର୍ଗୋଵିନ୍ଦଦେଵଃ ଶରଣଂ ମମାସ୍ତୁ ॥ ୯ ॥
ଇତି ଶ୍ରୀଵିଶ୍ଵନାଥଚକ୍ରଵର୍ତିଠକ୍କୁରଵିରଚିତସ୍ତଵାମୃତଲହର୍ୟାଂ
ଶ୍ରୀଗୋଵିନ୍ଦଦେଵାଷ୍ଟକଂ ସମ୍ପୂର୍ଣମ୍ ।
– Chant Stotra in Other Languages –
Sri Vishnu Slokam » Sri Govinda Deva Ashtakam Lyrics in Sanskrit » English » Bengali » Gujarati » Kannada » Malayalam » Telugu » Tamil