॥ Sri Govindashtakam Bengali Lyrics ॥
॥ শ্রীগোবিন্দাষ্টকং ॥
সত্যং জ্ঞানমনন্তং নিত্যমনাকাশং পরমাকাশং
গোষ্ঠপ্রাঙ্গণরিঙ্খণলোলমনায়াসং পরমায়াসম্ ।
মায়াকল্পিতনানাকারমনাকারং ভুবনাকারং
ক্ষ্মায়া নাথমনাথং প্রণমত গোবিন্দং পরমানন্দম্ ॥ ১ ॥
মৃত্স্নামত্সীহেতি য়শোদাতাডনশৈশব সন্ত্রাসং
ব্যদিতবক্ত্রালোকিতলোকালোকচতুর্দশলোকালিম্ ।
লোকত্রয়পুরমূলস্তম্ভং লোকালোকমনালোকং
লোকেশং পরমেশং প্রণমত গোবিন্দং পরমানন্দম্ ॥ ২ ॥
ত্রৈবিষ্টপরিপুবীরঘ্নং ক্ষিতিভারঘ্নং ভবরোগঘ্নং
কৈবল্যং নবনীতাহারমনাহারং ভুবনাহারম্ ।
বৈমল্যস্ফুটচেতোবৃত্তিবিশেষাভাসমনাভাসং
শৈবং কেবলশান্তং প্রণমত গোবিন্দং পরমানন্দম্ ॥ ৩ ॥
গোপালং প্রভুলীলাবিগ্রহগোপালং কুলগোপালং
গোপীখেলনগোবর্ধনধৃতিলীলালালিতগোপালম্ ।
গোভির্নিগদিত গোবিন্দস্ফুতনামানং বহুনামানং
গোপীগোচরপথিকং প্রণমত গোবিন্দং পরমানন্দম্ ॥ ৪ ॥
গোপীমণ্ডলগোষ্ঠিভেদং ভেদাবস্থমভেদাভং
শশ্বদ্গোখুরনির্ঘূতোদ্ধতধূলীধূসরসৌভাগ্যম্ ।
শ্রদ্ধাভক্তিগৃহীতানন্দমচিন্ত্যং চিন্তিতসদ্ভাবং
চিন্তামণিমহিমানং প্রণমত গোবিন্দং পরমানন্দম্ ॥ ৫ ॥
স্নানব্যাকুলয়োশিদ্বস্ত্রমুপাদায়াগমুপারূঢং
ব্যদিত্সন্তিরথ দিগ্বস্ত্রা হ্যুপুদাতুমুপাকর্ষন্তম্ ।
নির্ধূতদ্বয়শোকবিমোহং বুদ্ধং বুদ্ধেরন্তস্থং
সত্তামাত্রশরীরং প্রণমত গোবিন্দং পরমানন্দম্ ॥ ৬ ॥
কান্তং কারণকারণমাদিমনাদিং কালমনাভাসং
কালিন্দীগতকালিয়শিরসি মুহুর্নৃত্যন্তং নৃত্যন্তম্ ।
কালং কালকলাতীতং কলিতাশেষং কলিদোষঘ্নং
কালত্রয়গতিহেতুং প্রণমত গোবিন্দং পরমানন্দম্ ॥ ৭ ॥
বৃন্দাবনভুবি বৃন্দারকগণবৃন্দারাধ্যং বন্দেঽহং
কুন্দাভামলমন্দস্মেরসুধানন্দং সুহৃদানন্দম্ ।
বন্দ্যাশেষমহামুনিমানসবন্দ্যানন্দপদদ্বন্দ্বং
বন্দ্যাশেষগুণাব্ধিং প্রণমত গোবিন্দং পরমানন্দম্ ॥ ৮ ॥
গোবিন্দাষ্টকমেতদধীতে গোবিন্দার্পিতচেতা য়ো
গোবিন্দাচ্যুত মাধব বিষ্ণো গোকুলনায়ক কৃষ্ণেতি ।
গোবিন্দাঙ্ঘ্রিসরোজধ্যানসুধাজলধৌতসমস্তাঘো
গোবিন্দং পরমানন্দামৃতমন্তঃস্থং স তমভ্যেতি ॥
॥ ইতি শ্রীমচ্ছঙ্করাচার্যবিরচিতং শ্রীগোবিন্দাষ্টকং সম্পূর্ণম্ ॥
– Chant Stotra in Other Languages –
Sri Venkateswara Swamy Slokam » Sri Govindashtakam Lyrics in Sanskrit » English » Gujarati » Kannada » Malayalam » Odia » Telugu » Tamil