॥ Sri Govindashtakam Odia Lyrics ॥
॥ ଶ୍ରୀଗୋଵିନ୍ଦାଷ୍ଟକଂ ॥
ସତ୍ୟଂ ଜ୍ଞାନମନନ୍ତଂ ନିତ୍ୟମନାକାଶଂ ପରମାକାଶଂ
ଗୋଷ୍ଠପ୍ରାଙ୍ଗଣରିଙ୍ଖଣଲୋଲମନାୟାସଂ ପରମାୟାସମ୍ ।
ମାୟାକଲ୍ପିତନାନାକାରମନାକାରଂ ଭୁଵନାକାରଂ
କ୍ଷ୍ମାୟା ନାଥମନାଥଂ ପ୍ରଣମତ ଗୋଵିନ୍ଦଂ ପରମାନନ୍ଦମ୍ ॥ ୧ ॥
ମୃତ୍ସ୍ନାମତ୍ସୀହେତି ୟଶୋଦାତାଡନଶୈଶଵ ସନ୍ତ୍ରାସଂ
ଵ୍ୟଦିତଵକ୍ତ୍ରାଲୋକିତଲୋକାଲୋକଚତୁର୍ଦଶଲୋକାଲିମ୍ ।
ଲୋକତ୍ରୟପୁରମୂଲସ୍ତମ୍ଭଂ ଲୋକାଲୋକମନାଲୋକଂ
ଲୋକେଶଂ ପରମେଶଂ ପ୍ରଣମତ ଗୋଵିନ୍ଦଂ ପରମାନନ୍ଦମ୍ ॥ ୨ ॥
ତ୍ରୈଵିଷ୍ଟପରିପୁଵୀରଘ୍ନଂ କ୍ଷିତିଭାରଘ୍ନଂ ଭଵରୋଗଘ୍ନଂ
କୈଵଲ୍ୟଂ ନଵନୀତାହାରମନାହାରଂ ଭୁଵନାହାରମ୍ ।
ଵୈମଲ୍ୟସ୍ଫୁଟଚେତୋଵୃତ୍ତିଵିଶେଷାଭାସମନାଭାସଂ
ଶୈଵଂ କେଵଲଶାନ୍ତଂ ପ୍ରଣମତ ଗୋଵିନ୍ଦଂ ପରମାନନ୍ଦମ୍ ॥ ୩ ॥
ଗୋପାଲଂ ପ୍ରଭୁଲୀଲାଵିଗ୍ରହଗୋପାଲଂ କୁଲଗୋପାଲଂ
ଗୋପୀଖେଲନଗୋଵର୍ଧନଧୃତିଲୀଲାଲାଲିତଗୋପାଲମ୍ ।
ଗୋଭିର୍ନିଗଦିତ ଗୋଵିନ୍ଦସ୍ଫୁତନାମାନଂ ବହୁନାମାନଂ
ଗୋପୀଗୋଚରପଥିକଂ ପ୍ରଣମତ ଗୋଵିନ୍ଦଂ ପରମାନନ୍ଦମ୍ ॥ ୪ ॥
ଗୋପୀମଣ୍ଡଲଗୋଷ୍ଠିଭେଦଂ ଭେଦାଵସ୍ଥମଭେଦାଭଂ
ଶଶ୍ଵଦ୍ଗୋଖୁରନିର୍ଘୂତୋଦ୍ଧତଧୂଲୀଧୂସରସୌଭାଗ୍ୟମ୍ ।
ଶ୍ରଦ୍ଧାଭକ୍ତିଗୃହୀତାନନ୍ଦମଚିନ୍ତ୍ୟଂ ଚିନ୍ତିତସଦ୍ଭାଵଂ
ଚିନ୍ତାମଣିମହିମାନଂ ପ୍ରଣମତ ଗୋଵିନ୍ଦଂ ପରମାନନ୍ଦମ୍ ॥ ୫ ॥
ସ୍ନାନଵ୍ୟାକୁଲୟୋଶିଦ୍ଵସ୍ତ୍ରମୁପାଦାୟାଗମୁପାରୂଢଂ
ଵ୍ୟଦିତ୍ସନ୍ତିରଥ ଦିଗ୍ଵସ୍ତ୍ରା ହ୍ୟୁପୁଦାତୁମୁପାକର୍ଷନ୍ତମ୍ ।
ନିର୍ଧୂତଦ୍ଵୟଶୋକଵିମୋହଂ ବୁଦ୍ଧଂ ବୁଦ୍ଧେରନ୍ତସ୍ଥଂ
ସତ୍ତାମାତ୍ରଶରୀରଂ ପ୍ରଣମତ ଗୋଵିନ୍ଦଂ ପରମାନନ୍ଦମ୍ ॥ ୬ ॥
କାନ୍ତଂ କାରଣକାରଣମାଦିମନାଦିଂ କାଲମନାଭାସଂ
କାଲିନ୍ଦୀଗତକାଲିୟଶିରସି ମୁହୁର୍ନୃତ୍ୟନ୍ତଂ ନୃତ୍ୟନ୍ତମ୍ ।
କାଲଂ କାଲକଲାତୀତଂ କଲିତାଶେଷଂ କଲିଦୋଷଘ୍ନଂ
କାଲତ୍ରୟଗତିହେତୁଂ ପ୍ରଣମତ ଗୋଵିନ୍ଦଂ ପରମାନନ୍ଦମ୍ ॥ ୭ ॥
ଵୃନ୍ଦାଵନଭୁଵି ଵୃନ୍ଦାରକଗଣଵୃନ୍ଦାରାଧ୍ୟଂ ଵନ୍ଦେଽହଂ
କୁନ୍ଦାଭାମଲମନ୍ଦସ୍ମେରସୁଧାନନ୍ଦଂ ସୁହୃଦାନନ୍ଦମ୍ ।
ଵନ୍ଦ୍ୟାଶେଷମହାମୁନିମାନସଵନ୍ଦ୍ୟାନନ୍ଦପଦଦ୍ଵନ୍ଦ୍ଵଂ
ଵନ୍ଦ୍ୟାଶେଷଗୁଣାବ୍ଧିଂ ପ୍ରଣମତ ଗୋଵିନ୍ଦଂ ପରମାନନ୍ଦମ୍ ॥ ୮ ॥
ଗୋଵିନ୍ଦାଷ୍ଟକମେତଦଧୀତେ ଗୋଵିନ୍ଦାର୍ପିତଚେତା ୟୋ
ଗୋଵିନ୍ଦାଚ୍ୟୁତ ମାଧଵ ଵିଷ୍ଣୋ ଗୋକୁଲନାୟକ କୃଷ୍ଣେତି ।
ଗୋଵିନ୍ଦାଙ୍ଘ୍ରିସରୋଜଧ୍ୟାନସୁଧାଜଲଧୌତସମସ୍ତାଘୋ
ଗୋଵିନ୍ଦଂ ପରମାନନ୍ଦାମୃତମନ୍ତଃସ୍ଥଂ ସ ତମଭ୍ୟେତି ॥
॥ ଇତି ଶ୍ରୀମଚ୍ଛଙ୍କରାଚାର୍ୟଵିରଚିତଂ ଶ୍ରୀଗୋଵିନ୍ଦାଷ୍ଟକଂ ସମ୍ପୂର୍ଣମ୍ ॥
– Chant Stotra in Other Languages –
Sri Venkateswara Swamy Slokam » Sri Govindashtakam Lyrics in Sanskrit » English » Bengali » Gujarati » Kannada » Malayalam » Telugu » Tamil