॥ Sri Guru Charan Sharan Ashtakam Malayalam Lyrics ॥
॥ ശ്രീഗുരുചരണസ്മരണാഷ്ടകം ॥
പ്രാതഃ ശ്രീതുലസീനതിഃ സ്വകരതസ്തത്പിണ്ഡികാലേപനം
തത്സാമ്മുഖ്യമഥ സ്ഥിതിം സ്മൃതിരഥ സ്വസ്വാമിനോഃ പാദയോഃ ।
തത്സേവാര്‍ഥബഹുപ്രസൂനചയനം നിത്യം സ്വയം യസ്യ തം
ശ്രീരാധാരമണം മുദാ ഗുരുവരം വന്ദേ നിപത്യാവനൌ ॥ 1 ॥
മധ്യാഹ്നേ തു നിജേശപാദകമലധ്യാനാര്‍ചനാന്നാര്‍പണ
പ്രാദക്ഷിണാനതിസ്തുതിപ്രണയിതാ നൃത്യം സതാം സങ്ഗതിഃ ।
ശ്രീമദ്ഭാഗവതാര്‍ഥസീധുമധുരാസ്വാദഃ സദാ യസ്യ തം
ശ്രീരാധാരമണം മുദാ ഗുരുവരം വന്ദേ നിപത്യാവനൌ ॥ 2 ॥
പ്രക്ഷാല്യാങ്ഘ്രിയുഗം നതിസ്തുതിജയം കര്‍തും മനോഽത്യുത്സുകം
സായം ഗോഷ്ഠമുപാഗതം വനഭുവോ ദ്രഷ്ടും നിജസ്വാമിനം ।
പ്രേമാനന്ദഭരേണ നേത്രപുടയോര്‍ധാരാ ചിരാദ്യസ്യ തം
ശ്രീരാധാരമണം മുദാ ഗുരുവരം വന്ദേ നിപത്യാവനൌ ॥ 3 ॥
രാത്രൌ ശ്രീജയദേവപദ്യപഠനം തദ്ഗീതഗാനം രസാ
സ്വാദോ ഭക്തജനൈഃ കദാചിദഭിതഃ സങ്കീര്‍തനേ നര്‍തനം ।
രാധാകൃഷ്ണവിലാസകേല്യനുഭവാദുന്നിദ്രതാ യസ്യ തം
ശ്രീരാധാരമണം മുദാ ഗുരുവരം വന്ദേ നിപത്യാവനൌ ॥ 4 ॥
നിന്ദേത്യക്ഷരയോര്‍ദ്വയം പരിചയം പ്രാപ്തം ന യത്കര്‍ണയോഃ
സാധൂനാം സ്തുതിമേവ യഃ സ്വരസനാമാസ്വാദയത്യന്വഹം ।
വിശ്വാസ്യം ജഗദേവ യസ്യ ന പുനഃ കുത്രാപി ദോഷഗ്രഹഃ
ശ്രീരാധാരമണം മുദാ ഗുരുവരം വന്ദേ നിപത്യാവനൌ ॥ 5 ॥
യഃ കോഽപ്യസ്തു പദാബ്ജയോര്‍നിപതിതോ യഃ സ്വീകരോത്യേവ തം
ശീഘ്രം സ്വീയകൃപാബലേന കുരുതേ ഭക്തൌ തു മത്വാസ്പദം ।
നിത്യം ഭക്തിരഹസ്യശിക്ഷണവിധിര്യസ്യ സ്വഭൃത്യേഷു തം
ശ്രീരാധാരമണം മുദാ ഗുരുവരം വന്ദേ നിപത്യാവനൌ ॥ 6 ॥
സര്‍വാങ്ഗൈര്‍നതഭൃത്യമൂര്‍ധ്നി കൃപയാ സ്വപാദാര്‍പണം
സ്മിത്വാ ചാരു കൃപാവലോകസുധയാ തന്‍മാനസോദാസനം ।
തത്പ്രേമോദയഹേതവേ സ്വപദയോഃ സേവോപദേശഃ സ്വയം
ശ്രീരാധാരമണം മുദാ ഗുരുവരം വന്ദേ നിപത്യാവനൌ ॥ 7 ॥
രാധേ ! കൃഷ്ണ ! ഇതി പ്ലുതസ്വരയുതം നാമാമൃതം നാഥയോ-
ര്‍ജിഹ്വാഗ്രേ നടയന്‍ നിരന്തരമഹോ നോ വേത്തി വസ്തു ക്വചിത് ।
യത്കിഞ്ചിദ്വ്യവഹാരസാധകമപി പ്രേംനൈവ മഗ്നോഽസ്തി യഃ
ശ്രീരാധാരമണം മുദാ ഗുരുവരം വന്ദേ നിപത്യാവനൌ ॥ 8 ॥
ത്വത്പാദാംബുജസീധുസൂചകതയാ പദ്യാഷ്ടകം സര്‍വഥാ
യാതം യത്പരമാണുതാം പ്രഭുവര പ്രോദ്യത്കൃപാവാരിധേ ।
മച്ചേതോഭ്രമരോഽവലംബാ തദിദം പ്രാപ്യാവിലംബം ഭവത്
സങ്ഗം മഞ്ജുനികുഞ്ജധാംനി ജുഷതാം തത്സ്വാമിനോഃ സൌരഭം ॥ 9 ॥
ഇതി ശ്രീമദ്വിശ്വനാഥചക്രവര്‍തിവിരചിതം
ശ്രീഗുരുചരണസ്മരണാഷ്ടകം സമ്പൂര്‍ണം ।
– Chant Stotra in Other Languages –
Shri Guru Charan Sharan Ashtakam Lyrics in Sanskrit » English » Bengali » Gujarati » Kannada » Odia » Telugu » Tamil