॥ Sri Guruvayupureshvara Ashtottarashatanama Stotraratnam Bengali Lyrics ॥
॥ শ্রীগুরুবায়ুপুরেশ্বরাষ্টোত্তরশতনামস্তোত্ররত্নম্ ॥
শ্রীবিদ্যারাজগোপালাভিধশ্রীমহাবৈকুণ্ঠেশ্বরস্বরূপ
শ্রীগুরুবায়ুপুরেশ্বরাষ্টোত্তরশতনামস্তোত্ররত্নম্ ॥
পার্বত্যুবাচ –
দেবদেব মহাদেব মহাবৈষ্ণবতল্লজ ।
জীববাতপুরেশস্য মাহাত্ম্যমখিলং ত্বয়া ॥ ১ ॥
মন্ত্রতন্ত্ররহস্যাঢ্যৈঃ সহস্রাধিকনামভিঃ ।
অদ্য মে প্রেমভারেণোপন্যস্তমিদমদ্ভুতম্ ॥ ২ ॥
মহাবৈকুণ্ঠনাথস্য প্রভাবমখিলং প্রভো ।
সঙ্গ্রহেণ শ্রোতুমদ্য ত্বরায়ুক্তাস্ম্যহং প্রভো ॥ ৩ ॥
য়স্য শ্রবণমাত্রেণ জীববৃন্দেষু সর্বতঃ ।
নাতিকৃচ্ছ্রেণ য়ত্নেন লসেয়ুঃ সর্বসিদ্ধয়ঃ ॥ ৪ ॥
তাদৃশং সুলভং স্তোত্রং শ্রোতুমিচ্ছামি ত্বন্মুখাত্ ।
ঈশ্বর উবাচ –
মহাদেবি শিবে ভদ্রে জীববাতপুরেশিতুঃ ॥ ৫ ॥
মাহাত্ম্যবারিধৌ মগ্নঃ পূরয়ামি ত্বদীপ্সিতম্ ।
পূর্বং য়ন্নামসাহস্রং তস্য দেবস্য ভাষিতম্ ॥ ৬ ॥
তস্যাদৌ বিজৃম্ভমাণৈরষ্টাধিকশতেন তু ।
নামভির্নির্মিতং স্তোত্রং সর্বসিদ্ধিবিধায়কম্ ॥ ৭ ॥
পঠিতুং নামসাহস্রং অশক্তাঃ সন্তি য়ে শিবে ।
তেষামর্থে স্তোত্রমেতত্সঙ্গৃহীতং ফলপ্রদম্ ॥ ৮ ॥
অনুকূলৌ দেশকালৌ য়স্য স্তো জগতীহ তু ।
পঠিতব্যং তেন নামসাহস্রং য়ত্নতঃ শিবে ॥ ৯ ॥
আলস্যদূষিতে চিত্তে বিশ্বাসরহিতে তথা ।
গুরুবাতপুরেশস্য ন হি মূর্তিঃ প্রসীদতি ॥ ১০ ॥
গুরোরন্যত্র বিশ্বাসী তথা বাতপুরেশিতুঃ ।
কথমেতত্ফলং প্রোক্তং য়থাবদধিগচ্ছতি ॥ ১১ ॥
এক এব গুরুর্যস্য বৈকুণ্ঠো য়স্য দৈবতম্ ।
তস্য ভক্তস্য নূনং হি স্তোত্রমেতত্ফলিষ্যতি ॥ ১২ ॥
অদ্য তে দেবি বক্ষ্যামি নাম্নামষ্টোত্তরং শতম্ ।
স্তোত্ররাজমিমং পুণ্যং সাবধানমনাঃ শৃণু ॥ ১৩ ॥
স্তোত্রস্যাস্য ঋষিঃ প্রোক্তো দক্ষিণামূর্তিরীশ্বরঃ ।
ছন্দোঽনুষ্টুপ্ তথা দেবো গুরুবায়ুপুরেশ্বরঃ ॥ ১৪ ॥
রমাশক্তিস্মরৈর্বীজৈঃ বীজশক্তী চ কীলকম্ ।
ধর্মার্থকামমোক্ষেষু বিনিয়োগঃ প্রকীর্তিতঃ ॥ ১৫ ॥
মূলমন্ত্রস্য ষড্ভাগৈঃ করাঙ্গন্যাসমাচরেত্ ।
মহাবৈকুণ্ঠরূপেণ ধ্যাতব্যাত্র হি দেবতা ॥ ১৬ ॥
ইন্দ্রনীলসমচ্ছায়ং পীতাম্বরধরং হরিম্ ।
শঙ্খচক্রগদাপদ্মৈর্লসদ্বাহুং বিচিন্তয়েত্ ॥ ১৭ ॥
ধ্যানম্ –
ক্ষীরাম্ভোধিস্থকল্পদ্রুমবনবিলসদ্রত্নয়ুঙ্মণ্টপান্তঃ
শঙ্খং চক্রং প্রসূনং কুসুমশরচয়ং চেক্ষুকোদণ্ডপাশৌ ।
হস্তাগ্রৈর্ধারয়ন্তং সৃণিমপি চ গদাং ভূরমাঽঽলিঙ্গিতং তং
ধ্যায়েত্সিন্দূরকান্তিং বিধিমুখবিবুধৈরীড্যমানং মুকুন্দম্ ॥
অথ অষ্টোত্তরশতনামস্তোত্রম্ ।
মহাবৈকুণ্ঠনাথাখ্যো মহানারায়ণাভিধঃ ।
তারশ্রীশক্তিকন্দর্পচতুর্বীজকশোভিতঃ ॥ ১৯ ॥
গোপালসুন্দরীরূপঃ শ্রীবিদ্যামন্ত্রবিগ্রহঃ ।
রমাবীজসমারম্ভো হৃল্লেখাসমলঙ্কৃতঃ ॥ ২০ ॥
মারবীজসমায়ুক্তো বাণীবীজসমন্বিতঃ ।
পরাবীজসমারাধ্যো মীনকেতনবীজকঃ ॥ ২১ ॥
তারশক্তিরমায়ুক্তঃ কৃষ্ণায়পদপূজিতঃ ।
কাদিবিদ্যাদ্যকূটাঢ্যো গোবিন্দায়পদপ্রিয়ঃ ॥ ২২ ॥
কামরাজাখ্যকূটেশো গোপীজনসুভাষিতঃ ।
বল্লভায়পদপ্রীতঃ শক্তিকূটবিজৃম্ভিতঃ ॥ ২৩ ॥
বহ্নিজায়াসমায়ুক্তঃ পরাবাঙ্মদনপ্রিয়ঃ ।
মায়ারমাসুসম্পূর্ণো মন্ত্ররাজকলেবরঃ ॥ ২৪ ॥
দ্বাদশাবৃতিচক্রেশো য়ন্ত্ররাজশরীরকঃ ।
পিণ্ডগোপালবীজাঢ্যঃ সর্বমোহনচক্রগঃ ॥ ২৫ ॥
ষডক্ষরীমন্ত্ররূপো মন্ত্রাত্মরসকোণগঃ ।
পঞ্চাঙ্গকমনুপ্রীতঃ সন্ধিচক্রসমর্চিতঃ ॥ ২৬ ॥
অষ্টাক্ষরীমন্ত্ররূপো মহিষ্যষ্টকসেবিতঃ ।
ষোডশাক্ষরমন্ত্রাত্মা কলানিধিকলার্চিতঃ ॥ ২৭ ॥
অষ্টাদশাক্ষরীরূপোঽষ্টাদশদলপূজিতঃ ।
চতুর্বিংশতিবর্ণাত্মগায়ত্রীমনুসেবিতঃ ॥ ২৮ ॥
চতুর্বিংশতিনামাত্মশক্তিবৃন্দনিষেবিতঃ ।
ক্লীঙ্কারবীজমধ্যস্থঃ কামবীথীপ্রপূজিতঃ ॥ ২৯ ॥
দ্বাত্রিংশদক্ষরারূঢো দ্বাত্রিংশদ্ভক্তসেবিতঃ ।
পিণ্ডগোপালমধ্যস্থঃ পিণ্ডগোপালবীথিগঃ ॥ ৩০ ॥
বর্ণমালাস্বরূপাঢ্যো মাতৃকাবীথিমধ্যগঃ ।
পাশাঙ্কুশদ্বিবীজস্থঃ শক্তিপাশস্বরূপকঃ ॥ ৩১ ॥
পাশাঙ্কুশীয়চক্রেশো দেবেন্দ্রাদিপ্রপূজিতঃ ।
লিখিতো ভূর্জপত্রাদৌ ক্রমারাধিতবৈভবঃ ॥ ৩২ ॥
ঊর্ধ্বরেখাসমায়ুক্তো নিম্নরেখাপ্রতিষ্ঠিতঃ ।
সম্পূর্ণমেরুরূপেণ সম্পূজিতোঽখিলপ্রদঃ ॥ ৩৩
মন্ত্রাত্মবর্ণমালাভিঃ সম্যক্শোভিতচক্ররাট্ ।
শ্রীচক্রবিন্দুমধ্যস্থয়ন্ত্রসংরাট্স্বরূপকঃ ॥ ৩৪ ॥
কামধর্মার্থর্ফলদঃ শত্রুদস্যুনিবারকঃ ।
কীর্তিকান্তিধনারোগ্যরক্ষাশ্রীবিজয়প্রদঃ ॥ ৩৫ ॥
পুত্রপৌত্রপ্রদঃ সর্বভূতবেতালনাশনঃ
কাসাপস্মারকুষ্ঠাদিসর্বরোগবিনাশকঃ ॥ ৩৬ ॥
ত্বগাদিধাতুসম্বদ্ধসর্বাময়চিকিত্সকঃ ।
ডাকিন্যাদিস্বরূপেণ সপ্তধাতুষু নিষ্ঠিতঃ ॥ ৩৭ ॥
স্মৃতিমাত্রেণাষ্টলক্ষ্মীবিশ্রাণনবিশারদঃ ।
শ্রুতিমৌলিসমারাধ্যমহাপাদুকলেবরঃ ॥ ৩৮ ॥
মহাপদাবনীমধ্যরমাদিষোডশীদ্বিকঃ ।
রমাদিষোডশীয়ুক্তরাজগোপদ্বয়ান্বিতঃ ॥ ৩৯ ॥
শ্রীরাজগোপমধ্যস্থমহানারায়ণদ্বিকঃ ।
নারায়ণদ্বয়ালীঢমহানৃসিংহরূপকঃ ॥ ৪০ ॥
লঘুরূপমহাপাদুঃ মহামহাসুপাদুকঃ ।
মহাপদাবনীধ্যানসর্বসিদ্ধিবিলাসকঃ ॥ ৪১ ॥
মহাপদাবনীন্যাসশতাধিককলাষ্টকঃ ।
পরমানন্দলহরীসমারব্ধকলান্বিতঃ ॥ ৪২ ॥
শতাধিককলান্তোদ্যচ্ছ্রীমচ্চরণবৈভবঃ ।
শির-আদিব্রহ্মরন্ধ্রস্থানন্যস্তকলাবলিঃ ॥ ৪৩ ॥
ইন্দ্রনীলসমচ্ছায়ঃ সূর্যস্পর্ধিকিরীটকঃ ।
অষ্টমীচন্দ্রবিভ্রাজদলিকস্থলশোভিতঃ ॥ ৪৪ ॥
কস্তূরীতিলকোদ্ভাসী কারুণ্যাকুলনেত্রকঃ ।
মন্দহাসমনোহারী নবচম্পকনাসিকঃ ॥ ৪৫ ॥
মকরকুণ্ডলদ্বন্দ্বসংশোভিতকপোলকঃ ।
শ্রীবত্সাঙ্কিতবক্ষঃশ্রীঃ বনমালাবিরাজিতঃ ॥ ৪৬ ॥
দক্ষিণোরঃ প্রদেশস্থপরাহঙ্কৃতিরাজিতঃ ।
আকাশবত্ক্রশিষ্ঠশ্রীমধ্যবল্লীবিরাজিতঃ ॥ ৪৭ ॥
শঙ্খচক্রগদাপদ্মসংরাজিতচতুর্ভুজঃ ।
কেয়ূরাঙ্গদভূষাঢ্যঃ কঙ্কণালিমনোহরঃ ॥ ৪৮ ॥
নবরত্নপ্রভাপুঞ্জচ্ছুরিতাঙ্গুলিভূষণঃ ।
গুল্ফাবধিকসংশোভিপীতচেলপ্রভান্বিতঃ ॥ ৪৯ ॥
কিঙ্কিণীনাদসংরাজত্কাঞ্চীভূষণশোভিতঃ ।
বিশ্বক্ষোভকরশ্রীকমসৃণোরুদ্বয়ান্বিতঃ ॥ ৫০ ॥
ইন্দ্রনীলাশ্মনিষ্পন্নসম্পুটাকৃতিজানুকঃ ।
স্মরতূণাভলক্ষ্মীকজঙ্ঘাদ্বয়বিরাজিতঃ ॥ ৫১ ॥
মাংসলগুল্ফলক্ষ্মীকো মহাসৌভাগ্যসংয়ুতঃ ।
হ্রীংঙ্কারতত্ত্বসম্বোধিনূপুরদ্বয়রাজিতঃ ॥ ৫২ ॥
আদিকূর্মাবতারশ্রীজয়িষ্ণুপ্রপদান্বিতঃ ।
নমজ্জনতমোবৃন্দবিধ্বংসকপদদ্বয়ঃ ॥ ৫৩ ॥
নখজ্যোত্স্নালিশৈশির্যপরবিদ্যাপ্রকাশকঃ ।
রক্তশুক্লপ্রভামিশ্রপাদুকাদ্বয়বৈভবঃ ॥ ৫৪ ॥
দয়াগুণমহাবার্ধির্গুরুবায়ুপুরেশ্বরঃ ।
ফলশ্রুতিঃ –
ইত্যেবং কথিতং দেবি নাম্নামষ্টোত্তরং শতম্ ॥ ৫৫ ॥
গুরুবায়ুপুরেশস্য সর্বসিদ্ধিবিধায়কম্ ।
কৃষ্ণাষ্টমীসমারব্ধমাসেনৈকেন সিদ্ধিদম্ ॥ ৫৬ ॥
কৃষ্ণাষ্টমীং সমারভ্য য়াবদন্যাঽসিতাঽষ্টমী ।
তাবত্কালং স্তোত্রমেতত্ প্রত্যহং শতশঃ পঠেত্ ॥ ৫৭ ॥
মাতৃকাপুটিতং কৃত্বা হিত্বাঽঽলস্যং সুমঙ্গলে ।
একান্তভক্তিয়ুক্তো হি গুরুবায়ুপুরেশ্বরে ॥ ৫৮ ॥
জীবন্নেব স ভক্তাগ্র্যো মাধবাধিষ্ঠিতো ভবেত্ ।
তপ্তকাঞ্চনগৌরে হি তচ্ছরীরে সদা লসন্ ॥ ৫৯ ॥
গুরুবায়ুপুরাধীশোঽদ্ভুতানি হি করিষ্যতি ।
অত আবাং মহেশানি গচ্ছাবঃ শরণং হি তম্ ॥ ৬০ ॥
কারুণ্যমূর্তিমীশানং গুরুবায়ুপুরেশ্বরম্ ।
উড্ডামরেশতন্ত্রেঽস্মিন্ পটলে ক্ষিপ্রসাধনে ॥ ৬১ ॥
মহাবৈকুণ্ঠনাথস্য গুরুবায়ুপুরেশিতুঃ ।
অষ্টোত্তরশতং নাম্নাং সর্বসিদ্ধিবিলাসকম্ ।
অধ্যায়ং সপ্তমং পূর্ণমবদাতং করোত্যুমে ॥ ৬২ ॥
ইতি শ্রীগুরুবায়ুপুরেশ্বরাষ্টোত্তরশতনামস্তোত্ররত্নং সম্পূর্ণম্ ।
॥ শুভম্ ॥
– Chant Stotra in Other Languages –
Guru Slokam » Sri Guruvayupureshvara Ashtottarashatanama Stotraratnam Lyrics in Sanskrit » English » Gujarati » Kannada » Malayalam » Odia » Telugu » Tamil