॥ Hanumadashtakam Kannada Lyrics ॥
॥ ಶ್ರೀಹನುಮದಷ್ಟಕಂ ॥
ಹನುಮದಷ್ಟಕಂ ಅಚ್ಯುತಯತಿಕೃತಂ
ಶ್ರೀರಘುರಾಜಪದಾಬ್ಜನಿಕೇತನ ಪಂಕಜಲೋಚನ ಮಂಗಲರಾಶೇ
ಚಂಡಮಹಾಭುಜದಂಡಸುರಾರಿವಿಖಂಡನಪಂಡಿತ ಪಾಹಿ ದಯಾಲೋ ।
ಪಾತಕಿನಂ ಚ ಸಮುದ್ಧರ ಮಾಂ ಮಹತಾಂ ಹಿ ಸತಾಮಪಿ ಮಾನಮುದಾರಂ
ತ್ವಾಂ ಭಜತೋ ಮಮ ದೇಹಿ ದಯಾಘನ ಹೇ ಹನುಮನ್ ಸ್ವಪದಾಮ್ಬುಜದಾಸ್ಯಮ್ ॥ 1 ॥
ಸಂಸೃತಿತಾಪಮಹಾನಲದಗ್ಧತನೂರುಹಮರ್ಮತನೋರತಿವೇಲಂ
ಪುತ್ರಧನಸ್ವಜನಾತ್ಮಗೃಹಾದಿಷು ಸಕ್ತಮತೇರತಿಕಿಲ್ಬಿಷಮೂರ್ತೇಃ ।
ಕೇನಚಿದಪ್ಯಮಲೇನ ಪುರಾಕೃತಪುಣ್ಯಸುಪುಂಜಲವೇನ ವಿಭೋ ವೈ
ತ್ವಾಂ ಭಜತೋ ಮಮ ದೇಹಿ ದಯಾಘನ ಹೇ ಹನುಮನ್ ಸ್ವಪದಾಮ್ಬುಜದಾಸ್ಯಮ್ ॥ 2 ॥
ಸಂಸೃತಿಕೂಪಮನಲ್ಪಮಘೋರನಿದಾಘನಿದಾನಮಜಸ್ರಮಶೇಷಂ
ಪ್ರಾಪ್ಯ ಸುದುಃಖಸಹಸ್ರಭುಜಂಗವಿಷೈಕಸಮಾಕುಲಸರ್ವತನೋರ್ಮೇ ।
ಘೋರಮಹಾಕೃಪಣಾಪದಮೇವ ಗತಸ್ಯ ಹರೇ ಪತಿತಸ್ಯ ಭವಾಬ್ಧೌ
ತ್ವಾಂ ಭಜತೋ ಮಮ ದೇಹಿ ದಯಾಘನ ಹೇ ಹನುಮನ್ ಸ್ವಪದಾಮ್ಬುಜದಾಸ್ಯಮ್ ॥ 3 ॥
ಸಂಸೃತಿಸಿನ್ಧುವಿಶಾಲಕರಾಲಮಹಾಬಲಕಾಲಝಷಗ್ರಸನಾರ್ತಂ
ವ್ಯಗ್ರಸಮಗ್ರಧಿಯಂ ಕೃಪಣಂ ಚ ಮಹಾಮದನಕ್ರಸುಚಕ್ರಹೃತಾಸುಮ್ ।
ಕಾಲಮಹಾರಸನೋರ್ಮಿನಿಪೀಡಿತಮುದ್ಧರ ದೀನಮನನ್ಯಗತಿಂ ಮಾಂ
ತ್ವಾಂ ಭಜತೋ ಮಮ ದೇಹಿ ದಯಾಘನ ಹೇ ಹನುಮನ್ಸ್ವಪದಾಮ್ಬುಜದಾಸ್ಯಮ್ ॥ 4 ॥
ಸಂಸೃತಿಘೋರಮಹಾಗಹನೇ ಚರತೋ ಮಣಿರಂಜಿತಪುಣ್ಯಸುಮೂರ್ತೇಃ
ಮನ್ಮಥಭೀಕರಘೋರಮಹೋಗ್ರಮೃಗಪ್ರವರಾರ್ದಿತಗಾತ್ರಸುಸನ್ಧೇಃ ।
ಮತ್ಸರತಾಪವಿಶೇಷನಿಪೀಡಿತಬಾಹ್ಯಮತೇಶ್ಚ ಕಥಂಚಿದಮೇಯಂ
ತ್ವಾಂ ಭಜತೋ ಮಮ ದೇಹಿ ದಯಾಘನ ಹೇ ಹನುಮನ್ಸ್ವಪದಾಮ್ಬುಜದಾಸ್ಯಮ್ ॥ 5 ॥
ಸಂಸೃತಿವೃಕ್ಷಮನೇಕಶತಾಘನಿದಾನಮನನ್ತವಿಕರ್ಮಸುಶಾಖಂ
ದುಃಖಫಲಂ ಕರಣಾದಿಪಲಾಶಮನಂಗಸುಪುಷ್ಪಮಚಿನ್ತ್ಯಸುಮೂಲಮ್ ।
ತಂ ಹ್ಯಧಿರುಹ್ಯ ಹರೇ ಪತಿತಂ ಶರಣಾಗತಮೇವ ವಿಮೋಚಯ ಮೂಢಂ
ತ್ವಾಂ ಭಜತೋ ಮಮ ದೇಹಿ ದಯಾಘನ ಹೇ ಹನುಮನ್ಸ್ವಪದಾಮ್ಬುಜದಾಸ್ಯಮ್ ॥ 6 ॥
ಸಂಸೃತಿಪನ್ನಗವಕ್ತ್ರಭಯಂಕರದಂಷ್ಟ್ರಮಹಾವಿಷದಗ್ಧಶರೀರಂ
ಪ್ರಾಣವಿನಿರ್ಗಮಭೀತಿಸಮಾಕುಲಮನ್ದಮನಾಥಮತೀವ ವಿಷಣ್ಣಮ್ ।
ಮೋಹಮಹಾಕುಹರೇ ಪತಿತಂ ದಯಯೋದ್ಧರ ಮಾಮಜಿತೇನ್ದ್ರಿಯಕಾಮಂ
ತ್ವಾಂ ಭಜತೋ ಮಮ ದೇಹಿ ದಯಾಘನ ಹೇ ಹನುಮನ್ ಸ್ವಪದಾಮ್ಬುಜದಾಸ್ಯಮ್ ॥ 7 ॥
ಇನ್ದ್ರಿಯನಾಮಕಚೌರಗಣೈರ್ಹೃತತತ್ತ್ವವಿವೇಕಮಹಾಧನರಾಶಿಂ
ಸಂಸೃತಿಜಾಲನಿಪಾತಿತಮೇವ ಮಹಾಬಲಿಭಿಶ್ಚ ವಿಖಂಡಿತಕಾಯಮ್ ।
ತ್ವತ್ಪದಪದ್ಮಮನುತ್ತಮಮಾಶ್ರಿತಮಾಶು ಕಪೀಶ್ವರ ಪಾಹಿ ಕೃಪಾಲೋ
ತ್ವಾಂ ಭಜತೋ ಮಮ ದೇಹಿ ದಯಾಘನ ಹೇ ಹನುಮನ್ಸ್ವಪದಾಮ್ಬುಜದಾಸ್ಯಮ್ ॥ 8 ॥
ಬ್ರಹ್ಮಮರುದ್ಗಣರುದ್ರಮಹೇನ್ದ್ರಕಿರೀಟಸುಕೋಟಿಲಸತ್ಪದಪೀಠಂ
ದಾಶರಥಿಂ ಜಪತಿ ಕ್ಷಿತಿಮಂಡಲ ಏಷ ನಿಧಾಯ ಸದೈವ ಹೃದಬ್ಜೇ ।
ತಸ್ಯ ಹನೂಮತ ಏವ ಶಿವಂಕರಮಷ್ಟಕಮೇತದನಿಷ್ಟಹರಂ ವೈ
ಯಃ ಸತತಂ ಹಿ ಪಠೇತ್ಸ ನರೋ ಲಭತೇಽಚ್ಯುತರಾಮಪದಾಬ್ಜನಿವಾಸಮ್ ॥ 9 ॥
ಇತಿ ಅಚ್ಯುತಯತಿಕೃತಂ ಹನುಮದಷ್ಟಕಂ ಸಮ್ಪೂರ್ಣಮ್ ।
– Chant Stotra in Other Languages –
Sri Anjaneya Ashtakam » Sri Hanumad Ashtakam Lyrics in Sanskrit » English » Bengali » Gujarati » Malayalam » Odia » Telugu » Tamil