॥ Sri Hanumada Ashtottara Shatanama Stotram 5 Bengali Lyrics ॥
॥ হনুমদষ্টোত্তরশতনামস্তুতিঃ ৫ ॥
(কার্যকারস্বামিনাথার্যবিরচিতা রামনামাঙ্কিতা)
রামদূতো রামভৃত্যো রামচিত্তাপহারকঃ ।
রামনামজপাসক্তো রামকীর্তিপ্রচারকঃ ॥ ১ ॥
রামালিঙ্গনসৌখ্যজ্ঞো রামবিক্রমহর্ষিতঃ ।
রামবাণপ্রভাবজ্ঞো রামসেবাধুরন্ধরঃ ॥ ২ ॥
রামহৃত্পদ্মমার্তণ্ডো রামসঙ্কল্পপূরকঃ ।
রামামোদিতবাগ্বৃত্তিঃ রামসন্দেশবাহকঃ ॥ ৩ ॥
রামতারকগুহ্যজ্ঞো রামাহ্লাদনপণ্ডিতঃ ।
রামভূপালসচিবো রামধর্মপ্রবর্তকঃ ॥ ৪ ॥
রামানুজপ্রাণদাতা রামভক্তিলতাসুমম্ ।
রামচন্দ্রজয়াশংসী রামধৈর্যপ্রবর্ধকঃ ॥ ৫ ॥
রামপ্রভাবতত্ত্বজ্ঞো রামপূজনতত্পরঃ ।
রামমান্যো রামহৃদ্যো রামকৃত্যপরায়ণঃ ॥ ৬ ॥
রামসৌলভ্যসংবেত্তা রামানুগ্রহসাধকঃ ।
রামার্পিতবচশ্চিত্তদেহবৃত্তিপ্রবর্ত্তিতঃ ॥ ৭ ॥
রামসামুদ্রিকাভিজ্ঞো রামপাদাব্জষট্পদঃ ।
রামায়ণমহামালামধ্যাঞ্চিতমহামণিঃ ॥ ৮ ॥
রামায়ণরসাস্বাদস্রবদশ্রুপরিপ্লুতঃ ।
রামকোদণ্ডটঙ্কারসহকারিমহাস্বনঃ ॥ ৯ ॥
রামসায়ূজ্যসাম্রাজ্যদ্বারোদ্ঘাটনকর্মকৃত্ ।
রামপাদাব্জনিষ্যন্দিমধুমাধুর্যলোলুপঃ ॥ ১০ ॥
রামকৈঙ্কর্যমাত্রৈকপুরুষার্থকৃতাদরঃ ।
রামায়ণমহাম্ভোধিমথনোত্থসুধাঘটঃ ॥ ১১ ॥
রামাখ্যকামধুগ্দোগ্ধা রামবক্ত্রেন্দুসাগরঃ ।
রামচন্দ্রকরস্পর্শদ্রবচ্ছীতকরোপলঃ ॥
রামায়ণমহাকাব্যশুক্তিনিক্ষিপ্তমৌক্তিকঃ ।
রামায়ণমহারণ্যবিহাররতকেসরী ॥ ১৩ ॥
রামপত্ন্যেকপত্নীত্বসপত্নায়িতভক্তিমান্ ।
রামেঙ্গিতরহস্যজ্ঞো রামমন্ত্রপ্রয়োগবিত্ ॥ ১৪ ॥
রামবিক্রমবর্ষর্তুপূর্বভূনীলনীরদঃ ।
রামকারুণ্যমার্ত্তণ্ডপ্রাগুদ্যদরুণায়িতঃ ॥ ১৫ ॥
রামরাজ্যাভিষেকাম্বুপবিত্রীকৃতমস্তকঃ ।
রামবিশ্লেষদাবাগ্নিশমনোদ্যতনীরদঃ ॥ ১৬ ॥
রামায়ণবিয়দ্গঙ্গাকল্লোলায়িতকীর্তিমান্ ।
রামপ্রপন্নবাত্সল্যব্রততাত্পর্যকোবিদঃ ॥ ১৭ ॥
রামাখ্যানসমাশ্বস্তসীতামানসসংশয়ঃ ।
রামসুগ্রীবমৈত্র্যাখ্যহব্যবাহেন্ধনায়িতঃ ॥ ১৮ ॥
রামাঙ্গুলীয়মাহাত্ম্যসমেধিতপরাক্রমঃ ।
রামার্ত্তিধ্বংসনচণচূডামণিলসত্করঃ ॥ ১৯ ॥
রামনামমধুস্যন্দদ্বদনাম্বুজশোভিতঃ ।
রামনামপ্রভাবেণ গোষ্পদীকৃতবারিধিঃ ॥ ২০ ॥
রামৌদার্যপ্রদীপার্চির্বর্ধকস্নেহবিগ্রহঃ ।
রামশ্রীমুখজীমূতবর্ষণোন্মুখচাতকঃ ॥ ২১ ॥
রামভক্ত্যেকসুলভব্রহ্মচর্যব্রতে স্থিতঃ ।
রামলক্ষ্মণসংবাহকৃতার্থীকৃতদোর্যুগঃ ॥ ২২ ॥
রামলক্ষ্মণসীতাখ্যত্রয়ীরাজিতহৃদ্গুহঃ ।
রামরাবণসঙ্গ্রামবীক্ষণোত্ফুল্লবিগ্রহঃ ॥ ২৩ ॥
রামানুজেন্দ্রজিদ্যুদ্ধলব্ধব্রণকিণাঙ্কিতঃ ।
রামব্রহ্মানুসন্ধানবিধিদীক্ষাপ্রদায়কঃ ॥ ২৪ ॥
রামরাবণসঙ্গ্রামমহাধ্বরবিধানকৃত্ ।
রামনামমহারত্ননিক্ষেপমণিপেটকঃ ॥ ২৫ ॥
রামতারাধিপজ্যোত্স্নাপানোন্মত্তচকোরকঃ ।
রামায়ণাখ্যসৌবর্ণপঞ্জরস্থিতশারিকঃ ॥ ২৬ ॥
রামবৃত্তান্তবিধ্বস্তসীতাহৃদয়শল্যকঃ ।
রামসন্দেশবর্ষাম্বুবহন্নীলপয়োধরঃ ॥ ২৭ ॥
রামরাকাহিমকরজ্যোত্স্নাধবলবিগ্রহঃ ।
রামসেবামহায়জ্ঞদীক্ষিতো রামজীবনঃ ॥ ২৮ ॥
রামপ্রাণো রামবিত্তং রামায়ত্তকলেবরঃ ।
রামশোকাশোকবনভঞ্জনোদ্যত্প্রভঞ্জনঃ ॥ ২৯ ॥
রামপ্রীতিবসন্তর্তুসূচকায়িতকোকিলঃ ।
রামকার্যার্থোপরোধদূরোত্সারণলম্পটঃ ॥ ৩০ ॥
রামায়ণসরোজস্থহংসো রামহিতে রতঃ ।
রামানুজক্রোধবহ্নিদগ্ধসুগ্রীবরক্ষকঃ ॥ ৩১ ॥
রামসৌহার্দকল্পদ্রুসুমোদ্গমনদোহদঃ ।
রামেষুগতিসংবেত্তা রামজৈত্ররথধ্বজঃ ॥ ৩২ ॥
রামব্রহ্মনিদিধ্যাসনিরতো রামবল্লভঃ ।
রামসীতাখ্যয়ুগলয়োজকো রামমানিতঃ ॥ ৩৩ ॥
রামসেনাগ্রণী রামকীর্তিঘোষণডিণ্ডিমঃ ।
রামেতিদ্ব্যক্ষরাকারকবচাবৃতবিগ্রহঃ ॥
রামায়ণমহাবৃক্ষফলাসক্তকপীশ্বরঃ ।
রামপাদাশ্রয়ান্বেষিবিভীষণবিচারবিত্ ॥ ৩৫ ॥
রামমাহাত্ম্যসর্বস্বং রামসদ্গুণগায়কঃ ।
রামজায়াবিষাদাগ্নিনির্দগ্ধরিপুসৈনিকঃ ॥ ৩৬ ॥
রামকল্পদ্রুমূলস্থো রামজীমূতবৈদ্যুতঃ ।
রামন্যস্তসমস্তাশো রামবিশ্বাসভাজনম্ ॥ ৩৭ ॥
রামপ্রভাবরচিতশৈত্যবালাগ্নিশোভিতঃ ।
রামভদ্রাশ্রয়োপাত্তধীরোদাত্তগুণাকরঃ ॥ ৩৮ ॥
রামদক্ষিণহস্তাব্জমুকুটোদ্ভাসিমস্তকঃ ।
রামশ্রীবদনোদ্ভাসিস্মিতোত্পুলকমূর্তিমান্ ।
রামব্রহ্মানুভূত্যাপ্তপূর্ণানন্দনিমজ্জিতঃ ॥ ৩৯ ॥
ইতীদং রামদূতস্য বায়ুসূনোর্মহাত্মনঃ ।
রামনামাঙ্কিতং নামমষ্টোত্তরশতং শুভম্ ॥ ৪০ ॥
প্রসাদাদাঞ্জনেয়স্য দেশিকানুগ্রহেণ চ ।
রচিতং স্বামিনাথেন কার্যকারেণ ভক্তিতঃ ॥ ৪১ ॥
ভূয়াদভীষ্টফলদং শ্রদ্ধয়া পঠতাং নৃণাম্ ।
ইহলোকে পরত্রাপি রামসায়ূজ্যদায়কম্ ॥ ৪২ ॥
– Chant Stotra in Other Languages –
Sri Anjaneya Stotram » Sri Hanumada Ashtottara Shatanama Stotram 5 Lyrics in Sanskrit » English » Gujarati » Kannada » Malayalam » Odia » Telugu » Tamil