॥ Sri Hanumada Ashtottara Shatanama Stotram 7 Bengali Lyrics ॥
॥ শ্রীহনুমদষ্টোত্তরশতনামস্তোত্রম্ ৭ ॥
॥ শ্রীগণেশায় নমঃ ॥
॥ শ্রীসীতরামচন্দ্রাভ্যাং নমঃ ॥
শ্রীপরাশর উবাচ –
স্তোত্রান্তরং প্রবক্ষ্যামি হনুমত্প্রতিপাদকম্ ।
শৃণু মৈত্রেয় বিপ্রেন্দ্র অষ্টোত্তরশতাধিকম্ ॥
অগস্ত্যেন পুরা প্রোক্তং সুতীক্ষ্ণায় মহাত্মনে ।
সর্বপাপক্ষয়করং সদা বিজয়বর্ধনম্ ॥
সুতীক্ষ্ণ উবাচঃ –
ভগবন্ কেন মন্ত্রেণ স্তুত্বা তং ভুবি মানবঃ ।
অয়ত্নেনৈব লভতে সহসা সর্বসম্পদঃ ॥
ভূতপ্রেতপিশাচাদি পূতনাব্রহ্মরাক্ষসাঃ ।
কূষ্মাণ্ডকিন্নরাধীশরক্ষো য়ক্ষখগাদিনা ॥
নিধনং চৈব দৈত্যানাং দানবানাং বিশেষতঃ ।
অপস্মারগ্রহাণাং চ স্ত্রীগ্রহাণাং তথৈব চ ॥
মহামৃত্যুগ্রহাণাং চ নীচচোরগ্রহাত্মনাম্ ।
অন্যেষাং চাতিঘোরাণাং সর্পাণাং ক্রূরকর্মণাম্ ॥
বাতপিত্তকফাদিনাং জ্বরাণামতিরোগিণাম্ ।
শিরো নেত্রমুখাস্যান্ধ্রিগুদঘ্রাণোদরীভবাম্ ॥
তথৈব রাজয়ক্ষ্মাণাং শান্তিঃ কেন প্রদৃশ্যতে ।
চোরাদি রাজশস্ত্রাদি বিষদুস্স্বপ্নভীতীষু ॥
সিংহব্যাঘ্রবরাহাদিষ্বন্যাস্বাপত্সু ভীতিষু ।
কিং জপ্ত্ব্যং মহাভাগ ব্রূহি শিষ্যস্য মে মুনে ॥
শ্রীঅগস্ত্য উবাচ –
সুহৃদো মম ভক্তস্য তব রক্ষাকরং বরম্ ।
প্রবক্ষ্যামি শৃণুষ্বৈকং সুতীক্ষ্ণ সুসমাহিতঃ ॥
উপেন্দ্রেণ পুরেন্দ্রায় প্রোক্তং নারায়ণাত্মনা ।
ত্রৈলোক্যৈশ্বর্যসিদ্ধ্যর্থমভাবায় চ চিদ্বিষাম্ ॥
সভায়াং নারদাদীনাং ঋষিণাং পুণ্যকর্মণাম্ ।
উপবিশ্য ময়া তত্র শৃতং তস্য প্রসাদতঃ ॥
অষ্টোত্তরশতং নাম্না মতিগুহ্যং হনুমতঃ ।
নোক্তপূর্বমিদং ব্রহ্মন্ রহস্যং য়স্যকস্যচিত্ ॥
ওঁ অস্য শ্রীহনুমদষ্টোত্তরশতদিব্যনামস্তোত্রমন্ত্রস্য
অগস্ত্যো ভগবান্ ঋষিঃ । অনুষ্টুপ্ছন্দঃ । শ্রীহনুমান্ দেবতা ।
মারুতাত্মজ ইতি বীজম্ । অঞ্জনাসূনুরিতি শক্তিঃ ।
বায়ুপুত্রেতি কীলকম্ ।
মম শ্রীহনুমত্প্রসাদসিদ্ধ্যর্থে জপে বিনিয়োগঃ ॥
ওঁ নমো ভগবতে আঞ্জনেয়ায় অঙ্গুষ্ঠাভ্যাং নমঃ ।
ওঁ নমো ভগবতে বায়ুপুত্রায় তর্জনীভ্যাং নমঃ ।
ওঁ নমো ভগবতে কেসরিপ্রিয়নন্দনায় মধ্যমাভ্যাং নমঃ ।
ওঁ নমো ভগবতে রামদূতায় অনামিকাভ্যাং নমঃ ।
ওঁ নমো ভগবতে লক্ষ্মণপ্রাণদাত্রে কনিষ্ঠিকাভ্যাং নমঃ ।
ওঁ নমো ভগবতে শ্রীহনুমতে করতলকরপৃষ্ঠাভ্যাং নমঃ ।
ইতি করন্যাসঃ ॥
ওঁ নমো ভগবতে আঞ্জনেয়ায় হৃদয়ায় নমঃ ।
ওঁ নমো ভগবতে বায়ুপুত্রায় শিরসে স্বাহা ।
ওঁ নমো ভগবতে কেসরিপ্রিয়নন্দনায় শিখায়ৈ বষট্ ।
ওঁ নমো ভগবতে রামদূতায় কবচায় হুম্ ।
ওঁ নমো ভগবতে লক্ষ্মণপ্রাণদাত্রে নেত্রত্রয়ায় বৌষট্ ।
ওঁ নমো ভগবতে শ্রীহনুমতে অস্ত্রায় ফট্ ।
ইতি হৃদয়াদি ষডঙ্গন্যাসঃ ॥
ভূর্ভূবস্বরোমিতি দিগ্বন্ধঃ ॥
॥ অথ ধ্যানম্ ॥
পম্পাতটবনোদ্দেশে পরমর্ষিনিষেবিতে ।
পরিতস্সিদ্ধগন্ধর্বকিন্নরোরগসেবিতে ॥
নির্বৈরমৃগসিংহাদি নানাসত্বনিষেবিতে ।
মধুরে মধুরালাপে মনোজ্ঞতলকন্দরে ॥
মতঙ্গপর্বতপ্রান্তমানসাদিমনোহরে ।
মহাসিংহগুহাগেহে উপরঞ্জিতপশ্চিমে ॥
অতীন্দ্রিয়মনোভারৈঃ অতিমন্মথকাননৈঃ ।
শমাদি গুণসম্পন্নৈঃ অতীতষডরাতিভিঃ ॥
নিখিলাগমতত্বজ্ঞৈঃ মুনিভির্মুদিতাত্মভিঃ ।
উপাস্যমানবদ্ভাজন মণিপীঠ উপস্থিতম্ ॥
নলনীলমুখৈশ্চাপি বানরৈন্দ্রৈরুপাসিতম্ ।
সমুদঞ্চিতবালাগ্রং সমগ্রমণিভূষণম্ ॥
শমান্তকমহোরস্কসমাহিতভুজদ্বয়ম্ ।
পরার্থ্যং পদ্মরাগাদি স্ফুরন্মকরকুণ্ডলম্ ॥
বজ্রপাতাঙ্কিততনুং বজ্রপিঙ্গাক্ষভীষণম্ ।
স্বর্ণাব্জকেসরিপ্রখ্যশিরোরুহবিরাজিতম্ ॥
নবরত্নাঞ্চিতস্বর্ণবিচিত্রবনমালয়া ।
আসিনপাদপাথোজমাপন্নার্তিনিবারণম্ ॥
করুণাবরুণাবাসমরুণারুণমণ্ডলম্ ।
কিরণারুণিতোপান্তচরণং নবহারিণম্ ॥
কারণং সুরকার্যাণামসুরাণাং নিবারণম্ ।
ভূষণং হি নগেন্দ্রস্য মানসাচলপারগম্ ॥
পুরাণং প্রণতাশানাং চরণায়োধনপ্রিয়ম্ ।
স্মরণাপহৃতাঘৌঘং ভরণাবহিতং সতাম্ ॥
শরণাগতসন্ত্রাণকারণৈকব্রতক্ষমম্ ।
ক্ষণাদসুররাজেন্দ্রতনয়প্রাণহারিণম্ ॥
পবমানসুতং বীরং পরীতং পনসাদিভিঃ ॥
ইত্থ ধ্যায়ন্নমন্নেব চেতসা সাধকোত্তমঃ ।
সর্বান্কামানবাপ্নোতি নাত্র কার্যা বিচারণা ॥
॥ ইতি ধ্যানম্ ॥
ওঁ নমঃ প্লবগেন্দ্রায় বায়ুপুত্রায় বালিনে ।
বালাগ্নিদগ্ধলঙ্কায় বালার্কজ্যোতিষে নমঃ ॥
আঞ্জনেয়ায় মহতে প্রভঞ্জনসুতায় তে ।
প্রমতাদিহৃতে তুভ্যং প্রমাণাদ্ভুতচেতসে ॥
প্রাচেতসপ্রণয়িনে নমস্তে সুরবৈরিণে ।
বীরায় বীরবন্দ্যায় বীরোন্মত্তায় বিদ্বিষাম্ ॥
বিশাতকায় বেদ্যায় বিশ্বব্যাপিশরীরিণে ।
বিষ্ণুভক্তায় ভক্তানামুপকর্ত্রে জিতাত্মনে ॥
বনমালাগ্রবালায় পবমানাত্মনে নমঃ ।
কৃতমানায় কৃত্যেষু বীতরাগায় তে নমঃ ॥
বালধৃতমহেন্দ্রায় সূর্যপুত্রহিতৈষিণে ।
বলসূদনমিত্রায় বরদায় নমো নমঃ ॥
শমাদিগুণনিষ্ঠায় শান্তায় শমিতারয়ে ।
শত্রুঘ্নায় নমস্তুভ্যং শম্বরারিজিতে নমঃ ॥
জানকীক্লেশসংহর্ত্রে জনকানন্দদায়িনে ।
লঙ্ঘিতোদধয়ে তুভ্যং তেজসাং নিধয়ে নমঃ ॥
নিত্যায় নিত্যানন্দায় নৈষ্ঠিকব্রহ্মচারিণে ।
ব্রহ্মাণ্ডব্যাপ্তদেহায় ভবিষ্যদ্ব্রহ্মণে নমঃ ॥
ব্রহ্মাস্ত্রবারকায়স্তু সহসদ্ব্রহ্মবেদিনে ।
নমো বেদান্তবিদুষে বেদাধ্যয়নশালিনে ॥
নখায়ুধায় নাথায় নক্ষত্রাধিপবর্চসে ।
নমো নাগারিসেব্যায় নমস্সুগ্রীবমন্ত্রিণে ॥
দশাস্যদর্পহন্ত্রেচ ছায়াপ্রাণাপহারিণে ।
গগনত্বরগতয়ে নমো গরুডরংহসে ॥
গুহানুয়ায় গুহ্যায় গম্ভীরপতয়ে নমঃ ।
শত্রুঘ্নায় নমস্তুভ্যং শরান্তরবিহারিণে ॥
রাঘবপ্রিয়দূতায় লক্ষ্মণপ্রাণদায়িনে ।
লঙ্কিণীসত্বসংহর্ত্রে চৈত্যপ্রাসাদভঞ্জিনে ॥
ভবাম্বুরাশেঃ পারায় পরবিক্রমহারিণে ।
নমো বজ্রশরীয়ায় বজ্রাশনিনিবারিণে ॥
নমো রুদ্রাবতারায় রৌদ্রাকারায় বৈরিণাম্ ।
কিঙ্করান্তকরূপায় মন্ত্রীপুত্রনিহন্ত্রিণে ॥
মহাবলায় ভীমায় মহতাম্পতয়ে নমঃ ।
মৈনাককৃতমানায় মনোবেগায় মালিনে ॥
কদলীবনসংস্থায় নমস্সর্বার্থদায়িনে ।
ঐন্দ্রব্যাকরণজ্ঞায় তত্বজ্ঞানার্থবেদিনে ॥
কারুণ্যনিধয়ে তুভ্যং কুমারব্রহ্মচারিণে ।
নভো গম্ভীরশব্দায় সর্বগ্রহনিবারিণে ॥
সুভগায় সুশান্তায় সুমুখায় সুবর্চসে ।
সুদুর্জয়ায় সূক্ষ্মায় সুমনঃপ্রিয়বন্ধবে ॥
সুরারিবর্গসংহর্ত্রে হর্যৃক্ষাধীশ্বরায় তে ।
ভূতপ্রেতাদিসংহর্ত্রে ভূতাবেশকরায় তে ॥
নমো ভূতনিষেবায় ভূতাধিপতয়ে নমঃ ।
নমো গ্রহস্বরূপায় গ্রহাধিপতয়ে নমঃ ॥
নমো গ্রহনিবারায় উগ্রায় চোগ্রবর্চসে ।
ব্রহ্মতন্ত্রস্বতন্ত্রায় শম্ভুতন্ত্রস্বতন্ত্রিণে ॥
হরিতন্ত্রস্বতন্ত্রায় তুভ্যং হনুমতে নমঃ ।
অষ্টোত্তরশতং সঙ্খ্যা হনুমন্নামমূর্তয়ঃ ॥
পুরতঃ পরতো ব্যাপী মম পাতু মহাবলঃ ।
শান্তিরস্তু শিবং চাস্তু সত্যাস্সন্তু মনোরথাঃ ॥
রক্ষা ভবতু য়োনী বা বিবিধে বরদেহিনাম্ ।
অবিঘ্নো দুঃখহানিশ্চ বাঞ্ছাসিদ্ধিশ্শুভোদয়াঃ ।
প্রজাসিদ্ধিশ্চ সামর্থ্যং মানোন্নতিরনাময়ম্ ॥
ইতি শ্রীহনুমদষ্টোত্তরশতনামস্তোত্রং সম্পূর্ণম্ ॥
– Chant Stotra in Other Languages –
Sri Anjaneya Stotram » Sri Hanumada Ashtottara Shatanama Stotram 7 Lyrics in Sanskrit » English » Gujarati » Kannada » Malayalam » Odia » Telugu » Tamil