॥ Sri Hari Ashtakam Bengali Lyrics ॥
॥ শ্রীহর্যষ্টকম্ ॥
প্রহ্লাদকৃতম্
হরির্হরতি পাপানি দুষ্টচিত্তৈরপি স্মৃতঃ ।
অনিচ্ছয়াঽপি সংস্পৃষ্টো দহত্যেব হি পাবকঃ ॥ ১ ॥
স গঙ্গা স গয়া সেতুঃ স কাশী স চ পুষ্করম্ ।
জিহ্বাগ্রে বর্ততে য়স্য হরিরিত্যক্ষরদ্বয়ম্ ॥ ২ ॥
বারাণস্যাং কুরুক্ষেত্রে নৈমিশারণ্য এব চ ।
য়ত্কৃতং তেন য়েনোক্তং হরিরিত্যক্ষরদ্বয়ম্ ॥ ৩ ॥
পৃথিব্যাং য়ানি তীর্থানি পুণ্যান্যায়তনানি চ ।
তানি সর্বাণ্যশেষাণি হরিরিত্যক্ষরদ্বয়ম্ ॥ ৪ ॥
গবাং কোটিসহস্রাণি হেমকন্যাসহস্রকম্ ।
দত্তং স্যাত্তেন য়েনোক্তং হরিরিত্যক্ষরদ্বয়ম্ ॥ ৫ ॥
ঋগ্বেদোঽথ য়জুর্বেদঃ সামবেদোঽপ্যথর্বণঃ ।
অধীতস্তেন য়েনোক্তং হরিরিত্যক্ষরদ্বয়ম্ ॥ ৬ ॥
অশ্বমেধৈর্মহায়জ্ঞৈর্নরমেধৈস্তথৈব চ ।
ইষ্টং স্যাত্তেন য়েনোক্তং হরিরিত্যক্ষরদ্বয়ম্ ॥ ৭ ॥
প্রাণঃ প্রয়াণপাথেয়ং সংসারব্যাধিনাশনম্ ।
দুঃখাত্যন্তপরিত্রাণং হরিরিত্যক্ষরদ্বয়ম্ ॥ ৮ ॥
বদ্ধঃ পরিকরস্তেন মোক্ষায় গমনং প্রতি ।
সকৃদুচ্চারিতং য়েন হরিরিত্যক্ষরদ্বয়ম্ ॥ ৯ ॥
হর্যষ্টকমিদং পুণ্যং প্রাতরুত্থায় য়ঃ পঠেত্ ।
আয়ুষ্যং বলমারোগ্যং য়শো বৃদ্ধিশ্শ্রিয়াবহম্ ॥ ১০ ॥
প্রহ্লাদেন কৃতং স্তোত্রং দুঃখসাগরশোষণম্ ।
য়ঃ পঠেত্স নরো য়াতি তদ্বিষ্ণোঃ পরমং পদম্ ॥ ১১ ॥
ইতি প্রহ্লাদকৃতং শ্রীহর্যষ্টকং সম্পূর্ণম্ ।
– Chant Stotra in Other Languages –
Sri Vishnu Slokam » Sri Hari Ashtakam Lyrics in Sanskrit » English » Gujarati » Kannada » Malayalam » Odia » Telugu » Tamil