॥ Sri Hari Ashtakam Odia Lyrics ॥
॥ ଶ୍ରୀହର୍ୟଷ୍ଟକମ୍ ॥
ପ୍ରହ୍ଲାଦକୃତମ୍
ହରିର୍ହରତି ପାପାନି ଦୁଷ୍ଟଚିତ୍ତୈରପି ସ୍ମୃତଃ ।
ଅନିଚ୍ଛୟାଽପି ସଂସ୍ପୃଷ୍ଟୋ ଦହତ୍ୟେଵ ହି ପାଵକଃ ॥ ୧ ॥
ସ ଗଙ୍ଗା ସ ଗୟା ସେତୁଃ ସ କାଶୀ ସ ଚ ପୁଷ୍କରମ୍ ।
ଜିହ୍ଵାଗ୍ରେ ଵର୍ତତେ ୟସ୍ୟ ହରିରିତ୍ୟକ୍ଷରଦ୍ଵୟମ୍ ॥ ୨ ॥
ଵାରାଣସ୍ୟାଂ କୁରୁକ୍ଷେତ୍ରେ ନୈମିଶାରଣ୍ୟ ଏଵ ଚ ।
ୟତ୍କୃତଂ ତେନ ୟେନୋକ୍ତଂ ହରିରିତ୍ୟକ୍ଷରଦ୍ଵୟମ୍ ॥ ୩ ॥
ପୃଥିଵ୍ୟାଂ ୟାନି ତୀର୍ଥାନି ପୁଣ୍ୟାନ୍ୟାୟତନାନି ଚ ।
ତାନି ସର୍ଵାଣ୍ୟଶେଷାଣି ହରିରିତ୍ୟକ୍ଷରଦ୍ଵୟମ୍ ॥ ୪ ॥
ଗଵାଂ କୋଟିସହସ୍ରାଣି ହେମକନ୍ୟାସହସ୍ରକମ୍ ।
ଦତ୍ତଂ ସ୍ୟାତ୍ତେନ ୟେନୋକ୍ତଂ ହରିରିତ୍ୟକ୍ଷରଦ୍ଵୟମ୍ ॥ ୫ ॥
ଋଗ୍ଵେଦୋଽଥ ୟଜୁର୍ଵେଦଃ ସାମଵେଦୋଽପ୍ୟଥର୍ଵଣଃ ।
ଅଧୀତସ୍ତେନ ୟେନୋକ୍ତଂ ହରିରିତ୍ୟକ୍ଷରଦ୍ଵୟମ୍ ॥ ୬ ॥
ଅଶ୍ଵମେଧୈର୍ମହାୟଜ୍ଞୈର୍ନରମେଧୈସ୍ତଥୈଵ ଚ ।
ଇଷ୍ଟଂ ସ୍ୟାତ୍ତେନ ୟେନୋକ୍ତଂ ହରିରିତ୍ୟକ୍ଷରଦ୍ଵୟମ୍ ॥ ୭ ॥
ପ୍ରାଣଃ ପ୍ରୟାଣପାଥେୟଂ ସଂସାରଵ୍ୟାଧିନାଶନମ୍ ।
ଦୁଃଖାତ୍ୟନ୍ତପରିତ୍ରାଣଂ ହରିରିତ୍ୟକ୍ଷରଦ୍ଵୟମ୍ ॥ ୮ ॥
ବଦ୍ଧଃ ପରିକରସ୍ତେନ ମୋକ୍ଷାୟ ଗମନଂ ପ୍ରତି ।
ସକୃଦୁଚ୍ଚାରିତଂ ୟେନ ହରିରିତ୍ୟକ୍ଷରଦ୍ଵୟମ୍ ॥ ୯ ॥
ହର୍ୟଷ୍ଟକମିଦଂ ପୁଣ୍ୟଂ ପ୍ରାତରୁତ୍ଥାୟ ୟଃ ପଠେତ୍ ।
ଆୟୁଷ୍ୟଂ ବଲମାରୋଗ୍ୟଂ ୟଶୋ ଵୃଦ୍ଧିଶ୍ଶ୍ରିୟାଵହମ୍ ॥ ୧୦ ॥
ପ୍ରହ୍ଲାଦେନ କୃତଂ ସ୍ତୋତ୍ରଂ ଦୁଃଖସାଗରଶୋଷଣମ୍ ।
ୟଃ ପଠେତ୍ସ ନରୋ ୟାତି ତଦ୍ଵିଷ୍ଣୋଃ ପରମଂ ପଦମ୍ ॥ ୧୧ ॥
ଇତି ପ୍ରହ୍ଲାଦକୃତଂ ଶ୍ରୀହର୍ୟଷ୍ଟକଂ ସମ୍ପୂର୍ଣମ୍ ।
– Chant Stotra in Other Languages –
Sri Vishnu Slokam » Sri Hari Ashtakam Lyrics in Sanskrit » English » Bengali » Gujarati » Kannada » Malayalam » Telugu » Tamil