॥ Sri Hari Nama Ashtakam Gujarati Lyrics ॥
॥ શ્રીહરિનામાષ્ટકમ્ ॥
શ્રી ગણેશાય નમઃ ॥
શ્રી કેશવાચ્યુત મુકુન્દ રથાઙ્ગપાણે
ગોવિન્દ માધવ જનાર્દન દાનવારે ।
નારાયણામરપતે ત્રિજગન્નિવાસ
જિહ્વે જપેતિ સતતં મધુરાક્ષરાણિ ॥ ૧ ॥
શ્રીદેવદેવ મધુસૂદન શાર્ઙ્ગપાણે
દામોદરાર્ણવનિકેતન કૈટભારે ।
વિશ્વમ્ભરાભરણભૂષિત ભૂમિપાલ
જિહ્વે જપેતિ સતતં મધુરાક્ષરાણિ ॥ ૨ ॥
શ્રીપદ્મલોચન ગદાધર પદ્મનાભ
પદ્મેશ પદ્મપદ પાવન પદ્મપાણે ।
પીતામ્બરામ્બરરુચે રુચિરાવતાર
જિહ્વે જપેતિ સતતં મધુરાક્ષરાણિ ॥ ૩ ॥
શ્રીકાન્ત કૌસ્તુભધરાર્તિહરાબ્જપાણે
વિષ્ણો ત્રિવિક્રમ મહીધર ધર્મસેતો ।
વૈકુણ્ઠવાસ વસુધાધિપ વાસુદેવ
જિહ્વે જપેતિ સતતં મધુરાક્ષરાણિ ॥ ૪ ॥
શ્રીનારસિંહ નરકાન્તક કાન્તમૂર્તે
લક્ષ્મીપતે ગરુડવાહન શેષશાયિન્ ।
કેશિપ્રણાશન સુકેશ કિરીટમૌલે
જિહ્વે જપેતિ સતતં મધુરાક્ષરાણિ ॥ ૫ ॥
શ્રીવત્સલાઞ્છન સુરર્ષભ શઙ્ખપાણે
કલ્પાન્તવારિધિવિહાર હરે મુરારે ।
યજ્ઞેશ યજ્ઞમય યજ્ઞભુગાદિદેવ
જિહ્વે જપેતિ સતતં મધુરાક્ષરાણિ ॥ ૬ ॥
શ્રીરામ રાવણરિપો રઘુવંશકેતો
સીતાપતે દશરથાત્મજ રાજસિંહ ।
સુગ્રીવમિત્ર મૃગવેધન ચાપપાણે
જિહ્વે જપેતિ સતતં મધુરાક્ષરાણિ ॥ ૭ ॥
શ્રીકૃષ્ણ વૃષ્ણિવર યાદવ રાધિકેશ
ગોવર્ધનોદ્ધરણ કંસવિનાશ શૌરે ।
ગોપાલ વેણુધર પાણ્ડુસુતૈકબન્ધો
જિહ્વે જપેતિ સતતં મધુરાક્ષરાણિ ॥ ૮ ॥
ઇત્યષ્ટકં ભગવતઃ સતતં નરો યો
નામાઙ્કિતં પઠતિ નિત્યમનન્યચેતાઃ ।
વિષ્ણોઃ પરં પદમુપૈતિ પુનર્ન જાતુ
માતુઃ પયોધરરસં પિબતીહ સત્યમ્ ॥ ૯ ॥
ઇતિ શ્રીપરમહંસસ્વામિબ્રહ્માનન્દવિરચિતં
શ્રીહરિનામાષ્ટકં સમ્પૂર્ણમ્ ॥
– Chant Stotra in Other Languages –
Sri Vishnu Slokam » Sri Hari Nama Ashtakam Lyrics in Sanskrit » English » Bengali » Kannada » Malayalam » Odia » Telugu » Tamil