॥ Sri Hari Nama Ashtakam Telugu Lyrics ॥
॥ శ్రీహరినామాష్టకమ్ ॥
శ్రీ గణేశాయ నమః ॥
శ్రీ కేశవాచ్యుత ముకున్ద రథాఙ్గపాణే
గోవిన్ద మాధవ జనార్దన దానవారే ।
నారాయణామరపతే త్రిజగన్నివాస
జిహ్వే జపేతి సతతం మధురాక్షరాణి ॥ ౧ ॥
శ్రీదేవదేవ మధుసూదన శార్ఙ్గపాణే
దామోదరార్ణవనికేతన కైటభారే ।
విశ్వమ్భరాభరణభూషిత భూమిపాల
జిహ్వే జపేతి సతతం మధురాక్షరాణి ॥ ౨ ॥
శ్రీపద్మలోచన గదాధర పద్మనాభ
పద్మేశ పద్మపద పావన పద్మపాణే ।
పీతామ్బరామ్బరరుచే రుచిరావతార
జిహ్వే జపేతి సతతం మధురాక్షరాణి ॥ ౩ ॥
శ్రీకాన్త కౌస్తుభధరార్తిహరాబ్జపాణే
విష్ణో త్రివిక్రమ మహీధర ధర్మసేతో ।
వైకుణ్ఠవాస వసుధాధిప వాసుదేవ
జిహ్వే జపేతి సతతం మధురాక్షరాణి ॥ ౪ ॥
శ్రీనారసింహ నరకాన్తక కాన్తమూర్తే
లక్ష్మీపతే గరుడవాహన శేషశాయిన్ ।
కేశిప్రణాశన సుకేశ కిరీటమౌలే
జిహ్వే జపేతి సతతం మధురాక్షరాణి ॥ ౫ ॥
శ్రీవత్సలాఞ్ఛన సురర్షభ శఙ్ఖపాణే
కల్పాన్తవారిధివిహార హరే మురారే ।
యజ్ఞేశ యజ్ఞమయ యజ్ఞభుగాదిదేవ
జిహ్వే జపేతి సతతం మధురాక్షరాణి ॥ ౬ ॥
శ్రీరామ రావణరిపో రఘువంశకేతో
సీతాపతే దశరథాత్మజ రాజసింహ ।
సుగ్రీవమిత్ర మృగవేధన చాపపాణే
జిహ్వే జపేతి సతతం మధురాక్షరాణి ॥ ౭ ॥
శ్రీకృష్ణ వృష్ణివర యాదవ రాధికేశ
గోవర్ధనోద్ధరణ కంసవినాశ శౌరే ।
గోపాల వేణుధర పాణ్డుసుతైకబన్ధో
జిహ్వే జపేతి సతతం మధురాక్షరాణి ॥ ౮ ॥
ఇత్యష్టకం భగవతః సతతం నరో యో
నామాఙ్కితం పఠతి నిత్యమనన్యచేతాః ।
విష్ణోః పరం పదముపైతి పునర్న జాతు
మాతుః పయోధరరసం పిబతీహ సత్యమ్ ॥ ౯ ॥
ఇతి శ్రీపరమహంసస్వామిబ్రహ్మానన్దవిరచితం
శ్రీహరినామాష్టకం సమ్పూర్ణమ్ ॥
– Chant Stotra in Other Languages –
Sri Vishnu Slokam » Sri Hari Nama Ashtakam Lyrics in Sanskrit » English » Bengali » Gujarati » Kannada » Malayalam » Odia » Tamil