॥ Sri Jagdamba Stuti Bengali Lyrics ॥
॥ শ্রীজগদম্বা স্তুতিঃ ॥
নমোঽস্তু তে ভগবতি পাপনাশিনি
নমোঽস্তু তে সুররিপুদর্পশাতনি ।
নমোঽস্তু তে হরিহররাজ্যদায়িনি
নমোঽস্তু তে মখভুজকার্যকারিণি ॥ ১ ॥
নমোঽস্তু তে ত্রিদশরিপুক্ষয়ঙ্করি
নমোঽস্তু তে শতমখপাদপূজিতে ।
নমোঽস্তু তে মহিষবিনাশকারিণি
নমোঽস্তু তে হরিহরভাস্করস্তুতে ॥ ২ ॥
নমোঽস্তু তেঽষ্টাদশবাহুশালিনি
নমোঽস্তু তে শুম্ভনিশুম্ভঘাতিনি ।
নমোঽস্তু লোকার্ত্তিহরে ত্রিশূলিনি
নমোঽস্তু নারায়ণি চক্রধারিণি ॥ ৩ ॥
নমোঽস্তু বারাহি সদা ধরাধরে
ত্বাং নারসিংহি প্রণতা নমোঽস্তু তে ।
নমোঽস্তু তে বজ্রধরে গজধ্বজে
নমোঽস্তু কৌমারি ময়ূরবাহিনি ॥ ৪ ॥
নমোঽস্তু পৈতামহহংসবাহনে
নমোঽস্তু মালাবিকটে সুকেশিনি ।
নমোঽস্তু তে রাসভপৃষ্ঠবাহিনি
নমোঽস্তু সর্বার্তিহরে জগন্ময়ে ॥ ৫ ॥
নমোঽস্তু বিশ্বেশ্বরি পাহি বিশ্বং
নিষূদয়ারীন্ দ্বিজদেবতানাম্ ।
নমোঽস্তু তে সর্বময়ি ত্রিনেত্রে
নমো নমস্তে বরদে প্রসীদ ॥ ৬ ॥
ব্রহ্মাণী ত্বং মৃডানী বরশিখি-
গমনা শক্তিহস্তা কুমারী
বারাহী ত্বং সুবক্ত্রা খগপতি-
গমনা বৈষ্ণবী ত্বং সশার্ঙ্গী ॥ ৭ ॥
দুর্দৃশ্যা নারসিংহী ঘুরঘুরি-
তরবা ত্বং তথৈন্দ্রী সবজ্রা
ত্বং মারী চর্মমুণ্ডা শবগমন-
রতা য়োগিনী য়োগসিদ্ধা ।
নমস্তে-
ত্রিনেত্রে ভগবতি তব চরণানুষিতা
য়ে অহরহর্বিনতশিরসোঽবনতাঃ
নহি নহি পরিভবমস্ত্যশুভং চ
স্তুতিবলিকুসুমকরাঃ সততং য়ে ॥ ৮ ॥
ইতি জগদম্বা স্তুতিঃ সমাপ্তা ।
– Chant Stotra in Other Languages –
Sri Durga Slokam » Sri Jagadamba Stutih Lyrics in Sanskrit » English » Gujarati » Kannada » Malayalam » Odia » Telugu » Tamil