॥ Sri Jaganmohana Ashtakam Bengali Lyrics ॥
॥ শ্রীজগন্মোহনাষ্টকম্ ॥
শ্রীবিশ্বনাথচক্রবর্তিবিরচিতং
গুঞ্জাবলীবেষ্টিতচিত্রপুষ্পচূডাবলন্মঞ্জুলনব্যপিচ্ছম্ ।
গোরোচনাচারুতমালপত্রং বন্দে জগন্মোহনমিষ্টদেবম্ ॥ ১ ॥
ভ্রূবল্গনোন্মাদিতগোপনারীকটাক্ষবাণাবলিবিদ্ধনেত্রম্ ।
নাসাগ্ররাজন্মণিচারুমুক্তং বন্দে জগন্মোহনমিষ্টদেবম্ ॥ ২ ॥
আলোলবক্রালককান্তিচুম্বিগণ্ডস্থলপ্রোন্নতচারহাস্যম্ ।
বামপ্রগণ্ডোচ্চলকুণ্ডলান্তং বন্দে জগন্মোহনভিষ্টদেবম্ ॥ ৩ ॥
বন্ধূকবিম্বদ্যুতিনিন্দিকুঞ্চত্প্রান্তাধরভ্রাজিতবেণুবক্ত্রম্ ।
কিঞ্চিত্তিরশ্চীনশিরোধিভাতং বন্দে জগন্মোহনমিষ্টদেবম্ ॥ ৪ ॥
অকুণ্ঠরেখাত্রয়রাজিকণ্ঠখেলত্স্বরালিশ্রুতিরাগরাজিম্ ।
বক্ষঃস্ফুরত্কৌস্তুভমুন্নতাংসং বন্দে জগন্মোহনমিষ্টদেবম্ ॥ ৫ ॥
আজানুরাজদ্বলয়াঙ্গদাঞ্চিস্মরার্গলাকারসুবৃত্তবাহুম্ ।
অনর্ঘমুক্তামণিপুষ্পমালং বন্দে জগন্মোহনমিষ্টদেবম্ ॥ ৬ ॥
শ্বাসৈজদশ্বত্থদলাভতুন্দমধ্যস্থরোমাবলিরম্যরেখম্ ।
পীতাম্বরং মঞ্জুলকিঙ্কিণীকং বন্দে জগন্মোহনমিষ্টদেবম্ ॥ ৭ ॥
ব্যত্যস্তপাদং মণিনূপুরাঢ্যং শ্যামং ত্রিভঙ্গং সুরশাখিমূলে ।
শ্রীরাধয়া সার্ধমুদারলীলং বন্দে জগন্মোহনমিষ্টদেবম্ ॥ ৮ ॥
শ্রীমজ্জগন্মোহনদেবমেতত্পদ্যাষ্টকেন স্মরতো জনস্য ।
প্রেমা ভবেদ্যেন তদঙ্ঘ্রিসাক্ষাত্সেবামৃতেনৈব নিমজ্জনং স্যাত্ ॥ ৯ ॥
ইতি শ্রীবিশ্বনাথচক্রবর্তিবিরচিতং শ্রীজগন্মোহনাষ্টকং সম্পূর্ণম্ ।
– Chant Stotra in Other Languages –
Sri Krishna Stotram » Sri Jaganmohana Ashtakam Lyrics in Sanskrit » English » Gujarati » Kannada » Malayalam » Odia » Telugu » Tamil