॥ Sri Kalabhairava Ashtakam Odia Lyrics ॥
॥ ଶ୍ରୀକାଲଭୈରଵାଷ୍ଟକଂ ॥
ଦେଵରାଜସେଵ୍ୟମାନପାଵନାଂଘ୍ରିପଙ୍କଜଂ
ଵ୍ୟାଲୟଜ୍ଞସୂତ୍ରମିନ୍ଦୁଶେଖରଂ କୃପାକରମ୍ । var ବିନ୍ଦୁ
ନାରଦାଦିୟୋଗିଵୃନ୍ଦଵନ୍ଦିତଂ ଦିଗଂବରଂ
କାଶିକାପୁରାଧିନାଥକାଲଭୈରଵଂ ଭଜେ ॥ ୧ ॥
ଭାନୁକୋଟିଭାସ୍ଵରଂ ଭଵାବ୍ଧିତାରକଂ ପରଂ
ନୀଲକଣ୍ଠମୀପ୍ସିତାର୍ଥଦାୟକଂ ତ୍ରିଲୋଚନମ୍ ।
କାଲକାଲମଂବୁଜାକ୍ଷମକ୍ଷଶୂଲମକ୍ଷରଂ
କାଶିକାପୁରାଧିନାଥକାଲଭୈରଵଂ ଭଜେ ॥ ୨ ॥
ଶୂଲଟଂକପାଶଦଣ୍ଡପାଣିମାଦିକାରଣଂ
ଶ୍ୟାମକାୟମାଦିଦେଵମକ୍ଷରଂ ନିରାମୟମ୍ ।
ଭୀମଵିକ୍ରମଂ ପ୍ରଭୁଂ ଵିଚିତ୍ରତାଣ୍ଡଵପ୍ରିୟଂ
କାଶିକାପୁରାଧିନାଥକାଲଭୈରଵଂ ଭଜେ ॥ ୩ ॥
ଭୁକ୍ତିମୁକ୍ତିଦାୟକଂ ପ୍ରଶସ୍ତଚାରୁଵିଗ୍ରହଂ
ଭକ୍ତଵତ୍ସଲଂ ସ୍ଥିତଂ ସମସ୍ତଲୋକଵିଗ୍ରହମ୍ । var ସ୍ଥିରମ୍
ଵିନିକ୍ଵଣନ୍ମନୋଜ୍ଞହେମକିଙ୍କିଣୀଲସତ୍କଟିଂ var ନିକ୍ଵଣନ୍
କାଶିକାପୁରାଧିନାଥକାଲଭୈରଵଂ ଭଜେ ॥ ୪ ॥
ଧର୍ମସେତୁପାଲକଂ ତ୍ଵଧର୍ମମାର୍ଗନାଶକଂ var ନାଶନଂ
କର୍ମପାଶମୋଚକଂ ସୁଶର୍ମଦାୟକଂ ଵିଭୁମ୍ ।
ସ୍ଵର୍ଣଵର୍ଣଶେଷପାଶଶୋଭିତାଂଗମଣ୍ଡଲଂ var କେଶପାଶ, ନିର୍ମଲଂ
କାଶିକାପୁରାଧିନାଥକାଲଭୈରଵଂ ଭଜେ ॥ ୫ ॥
ରତ୍ନପାଦୁକାପ୍ରଭାଭିରାମପାଦୟୁଗ୍ମକଂ
ନିତ୍ୟମଦ୍ଵିତୀୟମିଷ୍ଟଦୈଵତଂ ନିରଂଜନମ୍ ।
ମୃତ୍ୟୁଦର୍ପନାଶନଂ କରାଲଦଂଷ୍ଟ୍ରମୋକ୍ଷଦଂ var ଭୂଷଣଂ
କାଶିକାପୁରାଧିନାଥକାଲଭୈରଵଂ ଭଜେ ॥ ୬ ॥
ଅଟ୍ଟହାସଭିନ୍ନପଦ୍ମଜାଣ୍ଡକୋଶସଂତତିଂ
ଦୃଷ୍ଟିପାତନଷ୍ଟପାପଜାଲମୁଗ୍ରଶାସନମ୍ ।
ଅଷ୍ଟସିଦ୍ଧିଦାୟକଂ କପାଲମାଲିକାଧରଂ
କାଶିକାପୁରାଧିନାଥକାଲଭୈରଵଂ ଭଜେ ॥ ୭ ॥
ଭୂତସଂଘନାୟକଂ ଵିଶାଲକୀର୍ତିଦାୟକଂ
କାଶିଵାସଲୋକପୁଣ୍ୟପାପଶୋଧକଂ ଵିଭୁମ୍ । var କାଶିଵାସି
ନୀତିମାର୍ଗକୋଵିଦଂ ପୁରାତନଂ ଜଗତ୍ପତିଂ
କାଶିକାପୁରାଧିନାଥକାଲଭୈରଵଂ ଭଜେ ॥ ୮ ॥
॥ ଫଲ ଶ୍ରୁତି ॥
କାଲଭୈରଵାଷ୍ଟକଂ ପଠଂତି ୟେ ମନୋହରଂ
ଜ୍ଞାନମୁକ୍ତିସାଧନଂ ଵିଚିତ୍ରପୁଣ୍ୟଵର୍ଧନମ୍ ।
ଶୋକମୋହଦୈନ୍ୟଲୋଭକୋପତାପନାଶନଂ var ଲୋଭଦୈନ୍ୟ
ପ୍ରୟାନ୍ତି କାଲଭୈରଵାଂଘ୍ରିସନ୍ନିଧିଂ ନରା ଧ୍ରୁଵମ୍ ॥
var ତେ ପ୍ରୟାନ୍ତି କାଲଭୈରଵାଂଘ୍ରିସନ୍ନିଧିଂ ଧ୍ରୁଵମ୍ ॥
॥ ଇତି ଶ୍ରୀମତ୍ପରମହଂସପରିଵ୍ରାଜକାଚର୍ୟସ୍ୟ
ଶ୍ରୀଗୋଵିନ୍ଦଭଗଵତ୍ପୂଜ୍ୟପାଦଶିଷ୍ୟସ୍ୟ
ଶ୍ରୀମଚ୍ଛଙ୍କରଭଗଵତଃ କୃତୌ
ଶ୍ରୀ କାଲଭୈରଵାଷ୍ଟକଂ ସମ୍ପୂର୍ଣମ୍ ॥
– Chant Stotra in Other Languages –
Lord Shiva Sloka » Sri Kalabhairava Ashtakam Lyrics in Sanskrit » English » Bengali » Gujarati » Kannada » Malayalam » Telugu » Tamil