॥ Sri Kalishatanama Stotra Bengali Lyrics ॥
॥ শ্রীকালীশতনামস্তোত্রম্ ॥
ভৈরব উবাচ –
শতনাম প্রবক্ষ্যামি কালিকায়া বরাননে ।
য়স্য প্রপঠনাদ্বাগ্মী সর্বত্র বিজয়ী ভবেত্ ॥ ১ ॥
কালী কপালিনী কান্তা কামদা কামসুন্দরী ।
কালরাত্রিঃ কালিকা চ কালভৈরবপূজিতা ॥ ২ ॥
কুরুকুল্লা কামিনী চ কমনীয়স্বভাবিনী ।
কুলীনা কুলকর্ত্রী চ কুলবর্ত্মপ্রকাশিনী ॥ ৩ ॥
কস্তূরীরসনীলা চ কাম্যা কামস্বরূপিণী ।
ককারবর্ণনিলয়া কামধেনুঃ করালিকা ॥ ৪ ॥
কুলকান্তা করালাস্যা কামার্তা চ কলাবতী ।
কৃশোদরী চ কামাখ্যা কৌমারী কুলপালিনী ॥ ৫ ॥
কুলজা কুলকন্যা চ কুলহা কুলপূজিতা ।
কামেশ্বরী কামকান্তা কুঞ্জরেশ্বরগামিনী ॥ ৬ ॥
কামদাত্রী কামহর্ত্রী কৃষ্ণা চৈব কপর্দিনী ।
কুমুদা কৃষ্ণদেহা চ কালিন্দী কুলপূজিতা ॥ ৭ ॥
কাশ্যপী কৃষ্ণমাতা চ কুলিশাঙ্গী কলা তথা ।
ক্রীংরূপা কুলগম্যা চ কমলা কৃষ্ণপূজিতা ॥ ৮ ॥
কৃশাঙ্গী কিন্নরী কর্ত্রী কলকণ্ঠী চ কার্তিকী ।
কম্বুকণ্ঠী কৌলিনী চ কুমুদা কামজীবিনী ॥ ৯ ॥
কুলস্ত্রী কীর্ত্তিকা কৃত্যা কীর্তিশ্চ কুলপালিকা ।
কামদেবকলা কল্পলতা কামাঙ্গবর্ধিনী ॥ ১০ ॥
কুন্তা চ কুমুদপ্রীতা কদম্বকুসুমোত্সুকা ।
কাদম্বিনী কমলিনী কৃষ্ণানন্দপ্রদায়িনী ॥ ১১ ॥
কুমারীপূজনরতা কুমারীগণশোভিতা ।
কুমারীরঞ্জনরতা কুমারীব্রতধারিণী ॥ ১২ ॥
কঙ্কালী কমনীয়া চ কামশাস্ত্রবিশারদা ।
কপালখট্বাঙ্গধরা কালভৈরবরূপিণী ॥ ১৩ ॥
কোটরী কোটরাক্ষী চ কাশী কৈলাসবাসিনী ।
কাত্যায়নী কার্যকরী কাব্যশাস্ত্রপ্রমোদিনী ॥ ১৪ ॥
কামাকর্ষণরূপা চ কামপীঠনিবাসিনী ।
কঙ্কিনী কাকিনী ক্রীডা কুত্সিতা কলহপ্রিয়া ॥ ১৫ ॥
কুণ্ডগোলোদ্ভবপ্রাণা কৌশিকী কীর্তিবর্ধিনী ।
কুম্ভস্তনী কটাক্ষা চ কাব্যা কোকনদপ্রিয়া ॥ ১৬ ॥
কান্তারবাসিনী কান্তিঃ কঠিনা কৃষ্ণবল্লভা ।
ইতি তে কথিতং দেবি গুহ্যাদ্গুহ্যতরং পরম্ ॥ ১৭ ॥
প্রপঠেদ্য ইদং নিত্যং কালীনামশতাষ্টকম্ ।
ত্রিষু লোকেষু দেবেশি তস্যাসাধ্যং ন বিদ্যতে ॥ ১৮ ॥
প্রাতঃকালে চ মধ্যাহ্নে সায়াহ্নে চ সদা নিশি ।
য়ঃ পঠেত্পরয়া ভক্ত্যা কালীনামশতাষ্টকম্ ॥ ১৯ ॥
কালিকা তস্য গেহে চ সংস্থানং কুরুতে সদা ।
শূন্যাগারে শ্মশানে বা প্রান্তরে জলমধ্যতঃ ॥ ২০ ॥
বহ্নিমধ্যে চ সঙ্গ্রামে তথা প্রাণস্য সংশয়ে ।
শতাষ্টকং জপন্মন্ত্রী লভতে ক্ষেমমুত্তমম্ ॥ ২১ ॥
কালীং সংস্থাপ্য বিধিবত্ স্তুত্বা নামশতাষ্টকৈঃ ।
সাধকস্সিদ্ধিমাপ্নোতি কালিকায়াঃ প্রসাদতঃ ॥ ২২ ॥
ইতি শ্রীকালীশতনামস্তোত্রং সম্পূর্ণম্ ॥
– Chant Stotra in Other Languages –
Goddess Durga Slokam » Sri Kali Shatanama Stotram Lyrics in Sanskrit » English » Gujarati » Kannada » Malayalam » Odia » Telugu » Tamil