॥ Sri Kamalajadayitashtakam Malayalam Lyrics ॥
॥ ശ്രീകമലജദയിതാഷ്ടകം ॥
ശൃങ്ഗക്ഷ്മാഭൃന്നിവാസേ ശുകമുഖമുനിഭിഃ സേവ്യമാനാങ്ഘ്രിപദ്മേ
സ്വാങ്ഗച്ഛായാവിധൂതാമൃതകരസുരരാഡ്വാഹനേ വാക്സവിത്രി ।
ശംഭുശ്രീനാഥമുഖ്യാമരവരനികരൈര്‍മോദതഃ പൂജ്യമാനേ
വിദ്യാം ശുദ്ധാം ച ബുദ്ധിം കമലജദയിതേ സത്വരം ദേഹി മഹ്യം ॥ 1 ॥
കല്‍പാദൌ പാര്‍വതീശഃ പ്രവരസുരഗണപ്രാര്‍ഥിതഃ ശ്രൌതവര്‍ത്മ
പ്രാബല്യം നേതുകാമോ യതിവരവപുഷാഗത്യ യാം ശൃങഗശൈലേ ।
സംസ്ഥാപ്യാര്‍ചാം പ്രചക്രേ ബഹുവിധനതിഭിഃ സാ ത്വമിന്ദ്വര്‍ധചൂഡാ
വിദ്യാം ശുദ്ധാം ച ബുദ്ധിം കമലജദയിതേ സത്വരം ദേഹി മഹ്യം ॥ 2 ॥
പാപൌഘം ധ്വംസയിത്വാ ബഹുജനിരചിതം കിം ച പുണ്യാലിമാരാ-
ത്സമ്പാദ്യാസ്തിക്യബുദ്ധിം ശ്രുതിഗുരുവചനേഷ്വാദരം ഭക്തിദാര്‍ഢ്യം ।
ദേവാചാര്യദ്വിജാദിഷ്വപി മനുനിവഹേ താവകീനേ നിതാന്തം
വിദ്യാം ശുദ്ധാം ച ബുദ്ധിം കമലജദയിതേ സത്വരം ദേഹി മഹ്യം ॥ 3 ॥
വിദ്യാമുദ്രാക്ഷമാലാമൃതഘടവിലസത്പാണിപാഥോജജാലേ
വിദ്യാദാനപ്രവീണേ ജഡബധിരമുഖേഭ്യോഽപി ശീഘ്രം നതേഭ്യഃ ।
കാമാദീനാന്തരാന്‍മത്സഹജരിപുവരാന്ദേവി നിര്‍മൂല്യ വേഗാത്
വിദ്യാം ശുദ്ധാം ച ബുദ്ധിം കമലജദയിതേ സത്വരം ദേഹി മഹ്യം ॥ 4 ॥
കര്‍മസ്വാത്മോചിതേഷു സ്ഥിരതരധിഷണാം ദേഹദാര്‍ഢ്യം തദര്‍ഥം
ദീര്‍ഘം ചായുര്യശശ്ച ത്രിഭുവനവിദിതം പാപമാര്‍ഗാദ്വിരക്തിം ।
സത്സങ്ഗം സത്കഥായാഃ ശ്രവണമപി സദാ ദേവി ദത്വാ കൃപാബ്ധേ
വിദ്യാം ശുദ്ധാം ച ബുദ്ധിം കമലജദയിതേ സത്വരം ദേഹി മഹ്യം ॥ 5 ॥
മാതസ്ത്വത്പാദപദ്മം ന വിവിധകുസുമൈഃ പൂജിതം ജാതു ഭക്ത്യാ
ഗാതും നൈവാഹമീശേ ജഡമതിരലസസ്ത്വദ്ഗുണാന്ദിവ്യപദ്യൈഃ ।
മൂകേ സേവാവിഹീനേഽപ്യനുപമകരുണാമര്‍ഭകേഽംബേവ കൃത്വാ
വിദ്യാം ശുദ്ധാം ച ബുദ്ധിം കമലജദയിതേ സത്വരം ദേഹി മഹ്യം ॥ 6 ॥
ശാന്ത്യാദ്യാഃ സമ്പദോ വിതര ശുഭകരീര്‍നിത്യതദ്ഭിന്നബോധം
വൈരാഗ്യം മോക്ഷവാഞ്ഛാമപി ലഘു കലയ ശ്രീശിവാസേവ്യമാനേ ।
വിദ്യാതീര്‍ഥാദിയോഗിപ്രവരകരസരോജാതസമ്പൂജിതാങ്ഘ്രേ
വിദ്യാം ശുദ്ധാം ച ബുദ്ധിം കമലജദയിതേ സത്വരം ദേഹി മഹ്യം ॥ 7 ॥
സച്ചിദ്രൂപാത്മനോ മേ ശ്രുതിമനനനിദിധ്യാസനാന്യാശു മാതഃ
സമ്പാദ്യ സ്വാന്തമേതദ്രുചിയുതമനിശം നിര്‍വികല്‍പേ സമാധൌ ।
തുങ്ഗാതീരാങ്കരാജദ്വരഗൃഹവിലസച്ചക്രരാജാസനസ്ഥേ
വിദ്യാം ശുദ്ധാം ച ബുദ്ധിം കമലജദയിതേ സത്വരം ദേഹി മഹ്യം ॥ 8 ॥
ഇതി ശൃങ്ഗേരി ശ്രീജഗദ്ഗുരു ശ്രീസച്ചിദാനന്ദശിവാഭിനവനൃസിംഹ-
ഭാരതീസ്വാമിഭിഃ വിരചിതം ശ്രീകമലജദയിതാഷ്ടകം സമ്പൂര്‍ണം ।
– Chant Stotra in Other Languages –
Sri Kamalaja Dayita Ashtakam Lyrics in Sanskrit » English » Bengali » Gujarati » Kannada » Odia » Telugu » Tamil