॥ Sri Kartikeya Ashtakam Bengali Lyrics ॥
॥ শ্রীকার্তিকেয়াষ্টকম্ ॥
ওঁ শ্রীগণেশায় নমঃ ।
অগস্ত্য উবাচ-
নমোঽস্তু বৃন্দারকবৃন্দবন্দ্যপাদারবিন্দায় সুধাকরায় ।
ষডাননায়ামিতবিক্রমায় গৌরীহৃদানন্দসমুদ্ভবায় ॥ ১ ॥
নমোঽস্তু তুভ্যং প্রণতার্তিহন্ত্রে কর্ত্রে সমস্তস্য মনোরথানাম্ ।
দাত্রে রথানাং পরতারকস্য হন্ত্রে প্রচণ্ডাসুরতারকস্য ॥ ২ ॥
অমূর্তমূর্তায় সহস্রমূর্তয়ে গুণায় গণ্যায় পরাত্পরায় ।
অপারপারায় পরাপরায় নমোঽস্তু তুভ্যং শিখিবাহনায় ॥ ৩ ॥
নমোঽস্তু তে ব্রহ্মবিদাং বরায় দিগম্বরায়াম্বরসংস্থিতায় ।
হিরণ্যবর্ণায় হিরণ্যবাহবে নমো হিরণ্যায় হিরণ্যরেতসে ॥ ৪ ॥
তপঃ স্বরূপায় তপোধনায় তপঃ ফলানাং প্রতিপাদকায় ।
সদা কুমারায় হি মারমারিণে তৃণীকৃতৈশ্বর্যবিরাগিণে নমঃ ॥ ৫ ॥
নমোঽস্তু তুভ্যং শরজন্মনে বিভো প্রভাতসূর্যারুণদন্তপঙ্ক্তয়ে ।
বালায় চাবালপরাক্রমায় ষাণ্মাতুরায়ালমনাতুরায় ॥ ৬ ॥
মীঢুষ্টমায়োত্তরমীঢুষে নমো নমো গণানাং পতয়ে গণায় ।
নমোঽস্তু তে জন্মজরাতিগায় নমো বিশাখায় সুশক্তিপাণয়ে ॥ ৭ ॥
সর্বস্য নাথস্য কুমারকায় ক্রৌঞ্চারয়ে তারকমারকায় ।
স্বাহেয় গাঙ্গেয় চ কার্তিকেয় শৈবেয় তুভ্যং সততং নমোঽস্তু ॥ ৮ ॥
ইতি স্কান্দে কাশীখণ্ডতঃ শ্রীকার্তিকেয়াষ্টকং সম্পূর্ণম্ ॥
– Chant Stotra in Other Languages –
Sri Subrahmanya / Kartikeya / Muruga Sahasranamani » Sri Kartikeya Ashtakam Lyrics in Sanskrit » English » Gujarati » Kannada » Malayalam » Odia » Telugu » Tamil