॥ Kiratashastuh Ashtottara Shatanama Stotram Odia Lyrics ॥
॥ ଶ୍ରୀକିରାତଶାସ୍ତୁଃ ଅଷ୍ଟୋତ୍ତରଶତନାମସ୍ତୋତ୍ରମ୍ ॥
କିରାତାତ୍ମା ଶିଵଃ ଶାନ୍ତ ଶିଵାତ୍ମା ଶିଵନନ୍ଦନଃ ।
ପୁରାଣପୁରୁଷୋଧନ୍ଵୀ ପୁରୁହୁତ ସହାୟକୃତ୍ ॥ ୧ ॥
ନୀଲାମ୍ବରୋ ମହାବାହୁର୍ଵୀର୍ୟଵାନ୍ ଵିଜୟପ୍ରଦଃ ।
ଵିଧୁମୌଲି ର୍ଵିରାଡାତ୍ମା ଵିଶ୍ଵାତ୍ମା ଵୀର୍ୟମୋହନଃ ॥ ୨ ॥
ଵରଦୋ ଵାମଦେଵଶ୍ଚ ଵାସୁଦେଵପ୍ରିୟୋ ଵିଭୁଃ ।
କେୟୂରଵାନ୍ ପିଞ୍ଛମୌଲିଃ ପିଙ୍ଗଲାକ୍ଷଃ କୃପାଣଵାନ୍ ॥ ୩ ॥
ଶାସ୍ଵତଃ ଶରକୋଦଣ୍ଡୀ ଶରଣାଗତଵତ୍ସଲଃ ।
ଶ୍ୟାମଲାଙ୍ଗଃ ଶରଧୀମାନ୍ ଶରଦିନ୍ଦୁ ନିଭାନନଃ ॥ ୪ ॥
ପୀନକଣ୍ଠୋ ଵିରୂପାକ୍ଷଃ କ୍ଷୁଦ୍ରହା କ୍ଷୁରିକାୟୁଧଃ ।
ଧାରାଧର ଵପୁର୍ଧୀମାନ୍ ସତ୍ୟସନ୍ଧଃ ପ୍ରତାପଵାନ୍ ॥ ୫ ॥
କୈରାତପତିରାଖେଟପ୍ରିୟଃ ପ୍ରୀତିପ୍ରଦଃ ପ୍ରଭୁଃ ।
ରେଣୁକାତ୍ମଜ ଶ୍ରୀରାମ ଚିତ୍ତପତ୍ମାଲୟୋ ବଲୀ ॥ ୬ ॥
ଵ୍ୟାଧରୂପଧରୋ ଵ୍ୟାଧିନାଶନଃ କାଲଶାସନଃ ।
କାମଦେଵସମୋ ଦେଵଃ କାମିତାର୍ଥ ଫଲପ୍ରଦଃ ॥ ୭ ॥
ଅଭୃତଃ ସ୍ଵଭୃତୋ ଧୀରଃ ସାରଃ ସାତ୍ଵିକସତ୍ତମଃ ।
ସାମଵେଦପ୍ରିୟୋ ଵେଧାଃ ଵେଦୋ ଵେଦଵିଦାଂଵରଃ ॥ ୮ ॥
ତ୍ର୍ୟକ୍ଷରାତ୍ମା ତ୍ରିଲୋକେଶଃ ତ୍ରିସ୍ଵରାତ୍ମା ତ୍ରିଲୋଚନଃ ।
ତ୍ରିଗୁଣାତ୍ମା ତ୍ରିକାଲଜ୍ଞଃ ତ୍ରିମୂର୍ତ୍ୟାତ୍ମା ତ୍ରିଵର୍ଗଦଃ ॥ ୯ ॥
ପାର୍ଵତୀନନ୍ଦନଃ ଶ୍ରୀମାନ୍ ପାଵନଃ ପାପନାଶନଃ ।
ପାରାଵାରଗଭୀରାତ୍ମା ପରମାତ୍ମା ପରାତ୍ପରଃ ॥ ୧୦ ॥
ଗୀତପ୍ରିୟୋ ଗୀତକୀର୍ତିଃ କାର୍ତିକେୟସହୋଦରଃ ।
କାରୁଣ୍ୟସାଗରୋ ହଂସଃ ସିଦ୍ଧ ସିମ୍ହପରାକ୍ରମଃ ॥ ୧୧ ॥
ସୁଶ୍ଲୋକଃ ସୁମୁଖୋ ଵୀରଃ ସୁନ୍ଦରଃ ସୁରଵନ୍ଦିତଃ ।
ସୁରଵୈରିକୁଲଧ୍ଵଂସୀ ସ୍ଥୂଲଶ୍ମଶ୍ରୁରମିତ୍ରହା ॥ ୧୨ ॥
ଅମୃତଃ ସର୍ଵଗଃ ସୂକ୍ଷ୍ମ ସ୍ଥୂଲସ୍ତୁରଗଵାହନଃ ।
ଅମଲୋ ଵିମଲୋ ଦକ୍ଷୋ ଵସୁମାନ୍ ଵନଗୋ ଗୁରୁଃ ॥ ୧୩ ॥
ସର୍ଵପ୍ରିୟଃ ସର୍ଵସାକ୍ଷୀ ସର୍ଵୟୋଗୀଶ୍ଵରେଶ୍ଵରଃ
ତାରକ ବ୍ରହ୍ମରୂପୀ ଚ ଚନ୍ଦ୍ରିକାଵିଶଦସ୍ମିତଃ
କିରାତ ଵପୁରାରାମସଞ୍ଚାରୀ ପରମେଶ୍ଵରଃ ॥ ୧୪ ॥
ଇତି ଶ୍ରୀ କିରାତଶାସ୍ତୁଃ ଅଷ୍ଟୋତ୍ତରଶତନାମସ୍ତୋତ୍ରଂ ସମ୍ପୂର୍ଣଂ ॥
– Chant Stotra in Other Languages –
Sri Kiratashastuh Ashtottara Shatanama Stotram Lyrics in Sanskrit » English » Bengali » Gujarati » Kannada » Malayalam » Telugu » Tamil