Sri Krishna Jananam (Bhagavatam) In Telugu

॥ Sri Krishna Jananam (Bhagavatam) Telugu Lyrics ॥

॥ శ్రీ కృష్ణ జననం (శ్రీమద్భాగవతం) ॥

శ్రీశుక ఉవాచ ।
అథ సర్వగుణోపేతః కాలః పరమశోభనః ।
యర్హ్యేవాజనజన్మర్క్షం శాంతర్క్షగ్రహతారకమ్ ॥ ౧ ॥

దిశః ప్రసేదుర్గగనం నిర్మలోడుగణోదయమ్ ।
మహీమంగళభూయిష్ఠపురగ్రామవ్రజాకరా ॥ ౨ ॥

నద్యః ప్రసన్నసలిలా హ్రదా జలరుహశ్రియః ।
ద్విజాలికుల సన్నాద స్తబకా వనరాజయః ॥ ౩ ॥

వవౌ వాయుః సుఖస్పర్శః పుణ్యగన్ధవహః శుచిః ।
అగ్నయశ్చ ద్విజాతీనాం శాంతాస్తత్ర సమిన్ధత ॥ ౪ ॥

మనాంస్యాసన్ ప్రసన్నాని సాధూనామసురద్రుహామ్ ।
జాయమానేఽజనే తస్మిన్ నేదుర్దుందుభయో దివి ॥ ౫ ॥

జగుః కిన్నరగంధర్వాస్తుష్టువుః సిద్ధచారణాః ।
విద్యాధర్యశ్చ ననృతురప్సరోభిః సమం తదా ॥ ౬ ॥

ముముచుర్మునయో దేవాః సుమనాంసి ముదాన్వితాః ।
మందం మందం జలధరా జగర్జురనుసాగరమ్ ॥ ౭ ॥

నిశీథే తమ ఉద్భూతే జాయమానే జనర్దనే ।
దేవక్యాం దేవరూపిణ్యాం విష్ణుః సర్వగుహాశయః ।
ఆవిరాసీద్యథా ప్రాచ్యాం దిశీందురివ పుష్కలః ॥ ౮ ॥

తమద్భుతం బాలకమమ్బుజేక్షణం
చతుర్భుజం శంఖగదార్యుదాయుధమ్ ।
శ్రీవత్సలక్షం గలశోభి కౌస్తుభం
పీతామ్బరం సాంద్రపయోదసౌభగమ్ ॥ ౯ ॥

మహార్హవైదూర్యకిరీటకుండల-
త్విషా పరిష్వక్తసహస్రకుంతలమ్ ।
ఉద్దామ కాంచ్యంగద కంకాణాదిభిః
విరోచమానం వసుదేవ ఐక్షత ॥ ౧౦ ॥

స విస్మయోత్ఫుల్ల విలోచనో హరిం
సుతం విలోక్యానకదుందుభిస్తదా ।
కృష్ణావతారోత్సవ సంభ్రమోఽస్పృశన్
ముదా ద్బిజేభ్యోఽయుతమాప్లుతో గవామ్ ॥ ౧౧ ॥

See Also  Bhrigupanchakastotra In Telugu

అథైనమస్తౌదవధార్య పూరుషం
పరం నతాంగః కృతధీః కృతాంజలిః ।
సర్వోచిషా భారత సూతికాగృహం
విరోచయంతం గతభీః ప్రభావవిత్ ॥ ౧౨ ॥

ఇతి శ్రీమద్భాగవతే దశమస్కంధే తృతీయాధ్యాయే శ్రీకృష్ణజననం నామ ద్వాదశశ్లోకాః ।

॥ – Chant Stotras in other Languages –


Sri Krishna Jananam (Bhagavatam) in SanskritEnglish –  Kannada – Telugu – Tamil