॥ Sri Krishna Kavacham Telugu Lyrics ॥
॥ శ్రీ కృష్ణ కవచం ॥
ప్రణమ్య దేవం విప్రేశం ప్రణమ్య చ సరస్వతీమ్ ।
ప్రణమ్య చ మునీన్ సర్వాన్ సర్వశాస్త్ర విశారదాన్ ॥ ౧ ॥
శ్రీకృష్ణ కవచం వక్ష్యే శ్రీకీర్తివిజయప్రదమ్ ।
కాంతారే పథి దుర్గే చ సదా రక్షాకరం నృణామ్ ॥ ౨ ॥
స్మృత్వా నీలాంబుదశ్యామం నీలకుంచిత కుంతలమ్ ।
బర్హిపింఛలసన్మౌళిం శరచ్చంద్రనిభాననమ్ ॥ ౩ ॥
రాజీవలోచనం రాజద్వేణునాభూషితాధరమ్ ।
దీర్ఘపీనమహాబాహుం శ్రీవత్సాంకితవక్షసమ్ ॥ ౪ ॥
భూభారహరణోద్యుక్తం కృష్ణం గీర్వాణవందితమ్ ।
నిష్కలం దేవదేవేశం నారదాదిభిరర్చితమ్ ॥ ౫ ॥
నారాయణం జగన్నాథం మందస్మిత విరాజితమ్ ।
జపేదేవమిమం భక్త్యా మంత్రం సర్వార్థసిద్ధయే ॥ ౬ ॥
సర్వదోషహరం పుణ్యం సకలవ్యాధినాశనమ్ ।
వసుదేవసుతః పాతు మూర్ధానం మమ సర్వదా ॥ ౭ ॥
లలాటం దేవకీసూనుః భ్రూయుగ్మం నందనందనః ।
నయనౌ పూతనాహంతా నాసాం శకటమర్దనః ॥ ౮ ॥
యమలార్జునహృత్కర్ణౌ కపోలౌ నగమర్దనః ।
దంతాన్ గోపాలకః పాతు జిహ్వాం హయ్యంగవీణధృత్ ॥ ౯ ॥ [*భుక్*]
ఓష్ఠం ధేనుకజిత్పాయాదధరం కేశినాశనః ।
చిబుకం పాతు గోవిందో బలదేవానుజో ముఖమ్ ॥ ౧౦ ॥
అక్రూరసహితః కంఠం కక్షౌ దంతివరాంతకః ।
భుజౌ చాణూరహారిర్మే కరౌ కంసనిషూదనః ॥ ౧౧ ॥
వక్షో లక్ష్మీపతిః పాతు హృదయం జగదీశ్వరః ।
ఉదరం మధురానాథో నాభిం ద్వారవతీపతిః ॥ ౧౨ ॥
రుక్మిణీవల్లభః పృష్ఠం జఘనం శిశుపాలహా ।
ఊరూ పాండవదూతో మే జానునీ పార్థసారథిః ॥ ౧౩ ॥
విశ్వరూపధరో జంఘే ప్రపదే భూమిభారహృత్ ।
చరణౌ యాదవః పాతు పాతు కృష్ణోఽఖిలం వపుః ॥ ౧౪ ॥
దివా పాయాజ్జగన్నాథో రాత్రౌ నారాయణః స్వయమ్ ।
సర్వకాలముపాసీనః సర్వకామార్థసిద్ధయే ॥ ౧౫ ॥
ఇదం కృష్ణబలోపేతం యః పఠేత్ కవచం నరః ।
సర్వదాఽఽర్తిభయాన్ముక్తః కృష్ణభక్తిం సమాప్నుయాత్ ॥ ౧౬ ॥
ఇతి శ్రీ కృష్ణ కవచం ।