॥ Sri Krishna Namashtakam Bengali Lyrics ॥
নিখিলশ্রুতিমৌলিরত্নমালা
দ্যুতিনীরাজিতপাদপঙ্কজান্ত ।
অয়ি মুক্তকুলৈরুপাস্যমানং
পরিতস্ত্বাং হরিনাম সংশ্রয়ামি ॥ ১ ॥
জয় নামধেয় মুনিবৃন্দগেয় হে
জনরঞ্জনায় পরমাক্ষরাকৃতে ।
ত্বমনাদরাদপি মনাগ্ উদীরিতং
নিখিলোগ্রতাপপটলীং বিলুম্পসি ॥ ২ ॥
য়দাভাসোঽপ্যুদ্যন্ কবলিতভবধ্বান্তবিভবো
দৃশং তত্ত্বান্ধানামপি দিশতি ভক্তিপ্রণয়িনীম্ ।
জনস্তস্যোদাত্তং জগতি ভগবন্নামতরণে
কৃতী তে নির্বক্তুং ক ইহ মহিমানং প্রভবতি ॥ ৩ ॥
য়দ্ ব্রহ্মসাক্ষাত্কৃতিনিষ্ঠয়াপি
বিনাশমায়াতি বিনা ন ভোগৈঃ ।
অপৈতি নাম স্ফুরণেন তত্ তে
প্রারব্ধকর্মেতি বিরৌতি বেদঃ ॥ ৪ ॥
অঘদমনয়শোদানন্দনৌ নন্দসূনো
কমলনয়নগোপীচন্দ্রবৃন্দাবনেন্দ্রাঃ ।
প্রণতকরুণকৃষ্ণাবিত্যনেকস্বরূপে
ত্বয়ি মম রতিরুচ্চৈর্বর্ধতাং নামধেয় ॥ ৫ ॥
বাচ্যো বাচকমিত্যুদেতি ভবতো নাম স্বরূপদ্বয়ং
পূর্বস্মাত্ পরমেব হন্ত করুণা তত্রাপি জানীমহে ।
য়স্তস্মিন্ বিহিতাপরাধনিবহঃ প্রাণী সমন্তাদ্ ভবেদ্
আস্যেনেদমুপাস্য সোঽপি হি সদানন্দাম্বুধৌ মজ্জতি ॥ ৬ ॥
সূদিতাশ্রিতজনার্তিরাশয়ে
রম্যচিদ্ঘনসুখস্বরূপিণে ।
নাম গোকুলমহোত্সবায় তে
কৃষ্ণপূর্ণবপুষে নমো নমঃ ॥ ৭ ॥
নারদবীণোজ্জীবনসুধোর্মিনির্যাসমাধুরীপূর ।
ত্বং কৃষ্ণনাম কামং স্ফুর মে রসনে রসেন সদা ॥ ৮ ॥
ইতি শ্রীরূপগোস্বামিবিরচিতস্তবমালায়াং শ্রীনামাষ্টকং সম্পূর্ণম্ ।
– Chant Stotra in Other Languages –
Sri Krishna Mantra » Sri Krishna Namashtakam Lyrics in Sanskrit » English » Gujarati » Kannada » Malayalam » Odia » Telugu » Tamil