॥ Sri Krishna Stavaraja 2 Kannada Lyrics ॥
॥ ಶ್ರೀ ಕೃಷ್ಣ ಸ್ತವರಾಜಃ – ೨ ॥
ಅನಂತಕಂದರ್ಪಕಲಾವಿಲಾಸಂ
ಕಿಶೋರಚಂದ್ರಂ ರಸಿಕೇಂದ್ರಶೇಖರಮ್ ।
ಶ್ಯಾಮಂ ಮಹಾಸುಂದರತಾನಿಧಾನಂ
ಶ್ರೀಕೃಷ್ಣಚಂದ್ರಂ ಶರಣಂ ಗತೋಽಸ್ಮಿ ॥ ೧ ॥
ಅನಂತವಿದ್ಯುದ್ದ್ಯುತಿಚಾರುಪೀತಂ
ಕೌಶೇಯಸಂವೀತನಿತಂಬಬಿಂಬಮ್ ।
ಅನಂತಮೇಘಚ್ಛವಿದಿವ್ಯಮೂರ್ತಿಂ
ಶ್ರೀಕೃಷ್ಣಚಂದ್ರಂ ಶರಣಂ ಗತೋಽಸ್ಮಿ ॥ ೨ ॥
ಮಹೇಂದ್ರಚಾಪಚ್ಛವಿಪಿಂಛಚೂಢಂ
ಕಸ್ತೂರಿಕಾಚಿತ್ರಕಶೋಭಿಮಾಲಮ್ ।
ಮಂದಾದರೋದ್ಘೂರ್ಣವಿಶಾಲನೇತ್ರಂ
ಶ್ರೀಕೃಷ್ಣಚಂದ್ರಂ ಶರಣಂ ಗತೋಽಸ್ಮಿ ॥ ೩ ॥
ಭ್ರಾಜಿಷ್ಣುಗಲ್ಲಂ ಮಕರಾಂಕಿತೇನ
ವಿಚಿತ್ರರತ್ನೋಜ್ಜ್ವಲಕುಂಡಲೇನ ।
ಕೋಟೀಂದುಲಾವಣ್ಯಮುಖಾರವಿಂದಂ
ಶ್ರೀಕೃಷ್ಣಚಂದ್ರಂ ಶರಣಂ ಗತೋಽಸ್ಮಿ ॥ ೪ ॥
ಬೃಂದಾಟವೀಮಂಜುಳಕುಂಜವಾದ್ಯಂ
ಶ್ರೀರಾಧಯಾ ಸಾರ್ಥಮುದಾರಕೇಳಿಮ್ ।
ಆನಂದಪುಂಜಂ ಲಲಿತಾದಿದೃಶ್ಯಂ
ಶ್ರೀಕೃಷ್ಣಚಂದ್ರಂ ಶರಣಂ ಗತೋಽಸ್ಮಿ ॥ ೫ ॥
ಮಹಾರ್ಹಕೇಯೂರಕಕಂಕಣಶ್ರೀ-
ಗ್ರೈವೇಯಹಾರಾವಳಿ ಮುದ್ರಿಕಾಭಿಃ ।
ವಿಭೂಷಿತಂ ಕಿಂಕಿಣಿನೂಪುರಾಭ್ಯಾಂ
ಶ್ರೀಕೃಷ್ಣಚಂದ್ರಂ ಶರಣಂ ಗತೋಽಸ್ಮಿ ॥ ೬ ॥
ವಿಚಿತ್ರರತ್ನೋಜ್ಜ್ವಲದಿವ್ಯವಾಸಾ
ಪ್ರಗೀತರಾಮಾಗುಣರೂಪಲೀಲಮ್ ।
ಮುಹುರ್ಮುಹುಃ ಪ್ರೋದಿತರೋಮಹರ್ಷಂ
ಶ್ರೀಕೃಷ್ಣಚಂದ್ರಂ ಶರಣಂ ಗತೋಽಸ್ಮಿ ॥ ೭ ॥
ಶ್ರೀರಾಧಿಕೇಯಾಧರಸೇವನೇನ
ಮಾದ್ಯಂತಮುಚ್ಚೈ ರತಿಕೇಳಿಲೋಲಮ್ ।
ಸ್ಮರೋನ್ಮದಾಂಧಂ ರಸಿಕೇಂದ್ರಮೌಳಿಂ
ಶ್ರೀಕೃಷ್ಣಚಂದ್ರಂ ಶರಣಂ ಗತೋಽಸ್ಮಿ ॥ ೮ ॥
ಅಂಕೇ ನಿಧಾಯ ಪ್ರಣಯೇನ ರಾಧಾಂ
ಮುಹುರ್ಮುಹುಶ್ಚುಂಬಿತತನ್ಮುಖೇಂದುಃ ।
ವಿಚಿತ್ರವೇಷೈಃ ಕೃತತದ್ವಿಭೂಷಣಂ
ಶ್ರೀಕೃಷ್ಣಚಂದ್ರಂ ಶರಣ ಗತೋಽಸ್ಮಿ ॥ ೯ ॥
ಇತಿ ಶ್ರೀಕೃಷ್ಣದಾಸವಿರಚಿತಃ ಶ್ರೀಕೃಷ್ಣಸ್ತವರಾಜಃ ।