॥ Sri Krishna Stavaraja 2 Telugu Lyrics ॥
॥ శ్రీ కృష్ణ స్తవరాజః – ౨ ॥
అనంతకందర్పకలావిలాసం
కిశోరచంద్రం రసికేంద్రశేఖరమ్ ।
శ్యామం మహాసుందరతానిధానం
శ్రీకృష్ణచంద్రం శరణం గతోఽస్మి ॥ ౧ ॥
అనంతవిద్యుద్ద్యుతిచారుపీతం
కౌశేయసంవీతనితంబబింబమ్ ।
అనంతమేఘచ్ఛవిదివ్యమూర్తిం
శ్రీకృష్ణచంద్రం శరణం గతోఽస్మి ॥ ౨ ॥
మహేంద్రచాపచ్ఛవిపింఛచూఢం
కస్తూరికాచిత్రకశోభిమాలమ్ ।
మందాదరోద్ఘూర్ణవిశాలనేత్రం
శ్రీకృష్ణచంద్రం శరణం గతోఽస్మి ॥ ౩ ॥
భ్రాజిష్ణుగల్లం మకరాంకితేన
విచిత్రరత్నోజ్జ్వలకుండలేన ।
కోటీందులావణ్యముఖారవిందం
శ్రీకృష్ణచంద్రం శరణం గతోఽస్మి ॥ ౪ ॥
బృందాటవీమంజుళకుంజవాద్యం
శ్రీరాధయా సార్థముదారకేళిమ్ ।
ఆనందపుంజం లలితాదిదృశ్యం
శ్రీకృష్ణచంద్రం శరణం గతోఽస్మి ॥ ౫ ॥
మహార్హకేయూరకకంకణశ్రీ-
గ్రైవేయహారావళి ముద్రికాభిః ।
విభూషితం కింకిణినూపురాభ్యాం
శ్రీకృష్ణచంద్రం శరణం గతోఽస్మి ॥ ౬ ॥
విచిత్రరత్నోజ్జ్వలదివ్యవాసా
ప్రగీతరామాగుణరూపలీలమ్ ।
ముహుర్ముహుః ప్రోదితరోమహర్షం
శ్రీకృష్ణచంద్రం శరణం గతోఽస్మి ॥ ౭ ॥
శ్రీరాధికేయాధరసేవనేన
మాద్యంతముచ్చై రతికేళిలోలమ్ ।
స్మరోన్మదాంధం రసికేంద్రమౌళిం
శ్రీకృష్ణచంద్రం శరణం గతోఽస్మి ॥ ౮ ॥
అంకే నిధాయ ప్రణయేన రాధాం
ముహుర్ముహుశ్చుంబితతన్ముఖేందుః ।
విచిత్రవేషైః కృతతద్విభూషణం
శ్రీకృష్ణచంద్రం శరణ గతోఽస్మి ॥ ౯ ॥
ఇతి శ్రీకృష్ణదాసవిరచితః శ్రీకృష్ణస్తవరాజః ।