Sri Krishna Stotram (Vasudeva Krutam) In Telugu

॥ Sri Krishna Stotram (Vasudeva krutam) Telugu Lyrics ॥

॥  శ్రీ కృష్ణస్తోత్రం / వసుదేవ కృతం ॥

వసుదేవ ఉవాచ –
త్వామతీంద్రియమవ్యక్తమక్షరం నిర్గుణం విభుమ్ ।
ధ్యానాసాధ్యం చ సర్వేషాం పరమాత్మానమీశ్వరమ్ ॥ ౧ ॥

స్వేచ్ఛామయం సర్వరూపం స్వేచ్ఛారూపధరం పరమ్ ।
నిర్లిప్తం పరమం బ్రహ్మ బీజరూపం సనాతనమ్ ॥ ౨ ॥

స్థూలాత్ స్థూలతరం ప్రాప్తమతిసూక్ష్మమదర్శనమ్ ।
స్థితం సర్వశరీరేషు సాక్షిరూపమదృశ్యకమ్ ॥ ౩ ॥

శరీరవంతం సగుణమశరీరం గుణోత్కరం ।
ప్రకృతిం ప్రకృతీశం చ ప్రాకృతం ప్రకృతేః పరమ్ ॥ ౪ ॥

సర్వేశం సర్వరూపం చ సర్వాంతకరమవ్యయమ్ ।
సర్వాధారం నిరాధారం నిర్వ్యూహం స్తౌమి కిం విభుమ్ ॥ ౫ ॥

అనంతః స్తవనేఽశక్తోఽశక్తా దేవీ సరస్వతీ ।
యం వా స్తోతుమశక్తశ్చ పంచవక్త్రః షడాననః ॥ ౬ ॥

చతుర్ముఖో వేదకర్తా యం స్తోతుమక్షమః సదా ।
గణేశో న సమర్థశ్చ యోగీంద్రాణాం గురోర్గురుః ॥ ౭ ॥

ఋషయో దేవతాశ్చైవ మునీంద్రమనుమానవాః ।
స్వప్నే తేషామదృశ్యం చ త్వామేవం కిం స్తువంతి తే ॥ ౮ ॥

శ్రుతయః స్తవనేఽశక్తాః కిం స్తువంతి విపశ్చితః ।
విహాయైవం శరీరం చ బాలో భవితుమర్హసి ॥ ౯ ॥

వసుదేవకృతం స్తోత్రం త్రిసంధ్యం యః పఠేన్నరః ।
భక్తిం దాస్యమవాప్నోతి శ్రీకృష్ణచరణాంబుజే ॥ ౧౦ ॥

విశిష్టపుత్రం లభతే హరిదాసం గుణాన్వితమ్ ।
సంకటం నిస్తరేత్తూర్ణం శత్రుభీతేః ప్రముచ్యతే ॥ ౧౧ ॥

See Also  Mooka Panchasati-Mandasmitha Satakam (5) In Telugu

॥ – Chant Stotras in other Languages –


Sri Krsna Stotram (Vasudeva krutam) in SanskritEnglish –  Kannada – Telugu – Tamil