॥ Sri Krishnashtakam 8 Gujarati Lyrics ॥
॥ શ્રીકૃષ્ણાષ્ટકમ્ 8 ॥
શ્રીગોપગોકુલવિવર્ધન નન્દસૂનો
રાધાપતે વ્રજજનાર્તિહરાવતાર ।
મિત્રાત્મજાતટવિહારણ દીનબન્ધો
દામોદરાચ્યુત વિભો મમ દેહિ દાસ્યમ્ ॥ ૧ ॥
શ્રીરાધિકારમણ માધવ ગોકુલેન્દ્ર-
સૂનો યદૂત્તમ રમાર્ચિતપાદપદ્મ ।
શ્રીશ્રીનિવાસ પુરુષોત્તમ વિશ્વમૂર્ત્તે
ગોવિન્દ યાદવપતે મમ દેહિ દાસ્યમ્ ॥ ૨ ॥
ગોવર્ધનોદ્ધરણ ગોકુલવલ્લભાદ્ય
વંશોદ્ભટાલય હરેઽખિલલોકનાથ ।
શ્રીવાસુદેવ મધુસૂદન વિશ્વનાથ
વિશ્વેશ ગોકુલપતે મમ દેહિ દાસ્યમ્ ॥ ૩ ॥
રાસોત્સવપ્રિય બલાનુજ સત્ત્વરાશે
ભક્તાનુકમ્પિતભવાર્તિહરાધિનાથ ।
વિજ્ઞાનધામ ગુણધામ કિશોરમૃર્તે
સર્વેશ મઙ્ગલતનો મમ દેહિ દાસ્યમ્ ॥ ૪ ॥
સદ્ધર્મપાલ ગરુડાસન યાદવેન્દ્ર
બ્રહ્મણ્યદેવ યદુનન્દન ભક્તિદાન
સઙ્કર્ષણપ્રિય કૃપાલય દેવ વિષ્ણો
સત્યપ્રતિજ્ઞ ભગવન્ મમ દેહિ દાસ્યમ્ ॥ ૫ ॥
ગોપીજનપ્રિયતમ ક્રિયયૈકલભ્ય
રાધાવરપ્રિય વરેણ્ય શરણ્યનાથા ।
આશ્ચર્યબાલ વરદેશ્વર પૂર્ણકામ
વિદ્વત્તમાશ્રય વિભો મમ દેહિ દાસ્યમ્ ॥ ૬ ॥
કન્દર્પકોટિમદહારણ તીર્થકીર્ત્તે
વિશ્વૈકવન્દ્ય કરુણાર્ણવતીર્થપાદ ।
સર્વજ્ઞ સર્વવરદાશ્રયકલ્પવૃક્ષ
નારાયણાખિલગુરો મમ દેહિ દાસ્યમ્ ॥ ૭ ॥
વૃન્દાવનેશ્વર મુકુન્દ મનોજ્ઞવેષ
વંશીવિભૂષિતકરામ્બુજ પદ્મનેત્ર ।
વિશ્વેશ કેશવ વ્રજોત્સવ ભક્તિવશ્ય
દેવેશ પાણ્ડવપતે મમ દેહિ દાસ્યમ્ ॥ ૮ ॥
શ્રીકૃષ્ણસ્તવરત્નમષ્ટકમિદં સર્વાર્થદં શૃણ્વતાં
ભક્તાનાં ચ પ્રિયં હરેશ્ચ નિતરાં યો વૈ પઠેત્પાવનમ્ ।
તસ્યાસૌ વ્રજરાજસૂનુરતુલાં ભક્તિં સ્વપાદામ્બુજે
સત્સેવ્યે પ્રદદાતિ ગોકુલપતિઃ શ્રીરાધિકાવલ્લભઃ ॥ ૯ ॥
॥ ઇતિ શ્રીમદ્વલ્લભાચાર્યવિરચિતં શ્રીકૃષ્ણાષ્ટકં સમ્પૂર્ણમ્ ॥
– Chant Stotra in Other Languages –
Sri Krishna Mantra » Sri Krishnashtakam 8 Lyrics in Sanskrit » English » Bengali » Kannada » Malayalam » Odia » Telugu » Tamil