॥ Sri Krishnashtakam 9 Gujarati Lyrics ॥
॥ શ્રીકૃષ્ણાષ્ટકમ્ 9 ॥
ત્રિભુવનાલિસરોજસરોવરં પરમમોદપયઃસુપયોનિધિમ્ ।
વિમલયોગિમનોઽલિકુશેશયં યદુકુલૈકમણિન્તમહમ્ભજે ॥ ૧ ॥
જલજપીઠમુખામરદેશિકં ભવવિરિઞ્ચિસુરેન્દ્રકૃતસ્તવમ્ ।
નિખિલકામિતશીકરતોયદં યદુકુલૈકમણિન્તમહમ્ભજે ॥ ૨ ॥
અદિતિજામ્બુજપુઞ્જદિવાકરં દિતિજકઞ્જતુષારજવોપમમ્ ।
વિગતમોહમજઞ્જનનાન્તકં યદુકુલૈકમણિન્તમહમ્ભજે ॥ ૩ ॥
ત્રિજગદમ્બુરુહોદિતભાસ્કરં સકલસત્ત્વહૃદબ્જકૃતાલયમ્ ।
સ્વજનમોહમહાર્ણવપોતકં યદુકુલૈકમણિન્તમહમ્ભજે ॥ ૪ ॥
શ્રુતિમયોજ્જ્વલકૌસ્તુભમાલિકં રવમુકભૂતમયાસ્ત્રચતુષ્ટયમ્ ।
સભુવનાણ્ડકદમ્બકમેખલં યદુકુલૈકમણિન્તમહમ્ભજે ॥ ૫ ॥
દિનકરાદિવિભાસકભાસકં શ્રુતિમુખાક્ષગણાક્ષમનક્ષકમ્ ।
જ્વલનમારુતશ્ક્રમદાપહં યદુકુલૈકમણિન્તમહમ્ભજે ॥ ૬ ॥
જલધિજાનનકઞ્જમધુવ્રતં રુચિરરૂપવિકૃષ્ટવરાઙ્ગનમ્ ।
યતિવરાદરગીતચરિત્રકં યદુકુલૈકમણિન્તમહમ્ભજે ॥ ૭ ॥
ક્રતુપતિઙ્કુપતિઞ્જગતામ્પતિં પતિપતિંવિપતિઙ્કમલાપતિમ્ ।
ફણિપતિઙ્ગજગોકુલગોપતિં યદુકુલૈકમણિન્તમહમ્ભજે ॥ ૮ ॥
યદુપતેરિદમષ્ટકમદ્ભુતં વૃજિનશુષ્કવનોગ્રદવાનલમ્ ।
પઠતિયસ્તુસમાહિતચેતસા સલભતેઽખિલયોગફલન્દ્રુતમ્ ॥ ૯ ॥
॥ ઇતિ શ્રીસ્વામિબ્રહ્માનન્દવિરચિતં શ્રીકૃષ્ણાષ્ટકં સમ્પૂર્ણમ્ ॥
(દ્રુતવિલમ્બિતં વૃત્તં)
સમાનાર્થી શબ્દાઃ
જ – બ્રહ્મા, યતિવર – શુકાદયઃ, કુ – પૃથિવી, વિગતઃ પતિર્યસ્માત્,
વિપતિં – ગરુડાસ્યવા, ફણિપતી – શેષઃ, ગજ – ગજેન્દ્રઃ
– Chant Stotra in Other Languages –
Sri Krishna Mantra » Sri Krishnashtakam 9 Lyrics in Sanskrit » English » Bengali » Kannada » Malayalam » Odia » Telugu » Tamil