॥ Sri Krishnashtakam Kannada Lyrics ॥
ಶ್ರೀಕೃಷ್ಣಾಷ್ಟಕಂ ಶ್ರೀಕೃಷ್ಣತಾಂಡವಸ್ತೋತ್ರಂ ಚ
ಶ್ರೀ ಕೃಶ್ನ ಜನ್ಮಾಷ್ಟಮೀ
ನಿತ್ಯಾನನ್ದೈಕರಸಂ ಸಚ್ಚಿನ್ಮಾತ್ರಂ ಸ್ವಯಂಜ್ಯೋತಿಃ ।
ಪುರುಷೋತ್ತಮಮಜಮೀಶಂ ವನ್ದೇ ಶ್ರೀಯಾದವಾಧೀಶಮ್ ॥
ಯತ್ರ ಗಾಯನ್ತಿ ಮದ್ಭಕ್ತಾಃ ತತ್ರ ತಿಷ್ಠಾಮಿ ನಾರದ ।
ಶ್ರೀ ಕೃಷ್ಣಾಷ್ಟಕಮ್
ಭಜೇ ವ್ರಜೈಕಮಂಡನಂ ಸಮಸ್ತಪಾಪಖಂಡನಂ
ಸ್ವಭಕ್ತಚಿತ್ತರಂಜನಂ ಸದೈವ ನನ್ದನನ್ದನಮ್ ।
ಸುಪಿಚ್ಛಗುಚ್ಛಮಸ್ತಕಂ ಸುನಾದವೇಣುಹಸ್ತಕಂ
ಅನಂಗರಂಗಸಾಗರಂ ನಮಾಮಿ ಕೃಷ್ಣನಾಗರಮ್ ॥ 1 ॥
ಮನೋಜಗರ್ವಮೋಚನಂ ವಿಶಾಲಲೋಲಲೋಚನಂ
ವಿಧೂತಗೋಪಶೋಚನಂ ನಮಾಮಿ ಪದ್ಮಲೋಚನಮ್ ।
ಕರಾರವಿನ್ದಭೂಧರಂ ಸ್ಮಿತಾವಲೋಕಸುನ್ದರಂ
ಮಹೇನ್ದ್ರಮಾನದಾರಣಂ ನಮಾಮಿ ಕೃಷ್ಣಾವಾರಣಮ್ ॥ 2 ॥
ಕದಮ್ಬಸೂನಕುಂಡಲಂ ಸುಚಾರುಗಂಡಮಂಡಲಂ
ವ್ರಜಾಂಗನೈಕವಲ್ಲಭಂ ನಮಾಮಿ ಕೃಷ್ಣದುರ್ಲಭಮ್ ।
ಯಶೋದಯಾ ಸಮೋದಯಾ ಸಗೋಪಯಾ ಸನನ್ದಯಾ
ಯುತಂ ಸುಖೈಕದಾಯಕಂ ನಮಾಮಿ ಗೋಪನಾಯಕಮ್ ॥ 3 ॥
ಸದೈವ ಪಾದಪಂಕಜಂ ಮದೀಯ ಮಾನಸೇ ನಿಜಂ
ದಧಾನಮುಕ್ತಮಾಲಕಂ ನಮಾಮಿ ನನ್ದಬಾಲಕಮ್ ।
ಸಮಸ್ತದೋಷಶೋಷಣಂ ಸಮಸ್ತಲೋಕಪೋಷಣಂ
ಸಮಸ್ತಗೋಪಮಾನಸಂ ನಮಾಮಿ ನನ್ದಲಾಲಸಮ್ ॥ 4 ॥
ಭುವೋ ಭರಾವತಾರಕಂ ಭವಾಬ್ಧಿಕರ್ಣಧಾರಕಂ
ಯಶೋಮತೀಕಿಶೋರಕಂ ನಮಾಮಿ ಚಿತ್ತಚೋರಕಮ್ ।
ದೃಗನ್ತಕಾನ್ತಭಂಗಿನಂ ಸದಾ ಸದಾಲಿಸಂಗಿನಂ
ದಿನೇ ದಿನೇ ನವಂ ನವಂ ನಮಾಮಿ ನನ್ದಸಮ್ಭವಮ್ ॥ 5 ॥
ಗುಣಾಕರಂ ಸುಖಾಕರಂ ಕೃಪಾಕರಂ ಕೃಪಾಪರಂ
ಸುರದ್ವಿಷನ್ನಿಕನ್ದನಂ ನಮಾಮಿ ಗೋಪನನ್ದನಮ್ ।
ನವೀನಗೋಪನಾಗರಂ ನವೀನಕೇಲಿಲಮ್ಪಟಂ
ನಮಾಮಿ ಮೇಘಸುನ್ದರಂ ತಡಿತ್ಪ್ರಭಾಲಸತ್ಪಟಮ್ ॥ 6 ॥
ಸಮಸ್ತಗೋಪನನ್ದನಂ ಹೃದಮ್ಬುಜೈಕಮೋದನಂ
ನಮಾಮಿ ಕುಂಜಮಧ್ಯಗಂ ಪ್ರಸನ್ನಭಾನುಶೋಭನಮ್ ।
ನಿಕಾಮಕಾಮದಾಯಕಂ ದೃಗನ್ತಚಾರುಸಾಯಕಂ
ರಸಾಲವೇಣುಗಾಯಕಂ ನಮಾಮಿ ಕುಂಜನಾಯಕಮ್ ॥ 7 ॥
ವಿದಗ್ಧಗೋಪಿಕಾಮನೋಮನೋಜ್ಞತಲ್ಪಶಾಯಿನಂ
ನಮಾಮಿ ಕುಂಜಕಾನನೇ ಪ್ರವ್ರದ್ಧವನ್ಹಿಪಾಯಿನಮ್ ।
ಕಿಶೋರಕಾನ್ತಿರಂಜಿತಂ ದೃಅಗಂಜನಂ ಸುಶೋಭಿತಂ
ಗಜೇನ್ದ್ರಮೋಕ್ಷಕಾರಿಣಂ ನಮಾಮಿ ಶ್ರೀವಿಹಾರಿಣಮ್ ॥ 8 ॥
ಯದಾ ತದಾ ಯಥಾ ತಥಾ ತಥೈವ ಕೃಷ್ಣಸತ್ಕಥಾ
ಮಯಾ ಸದೈವ ಗೀಯತಾಂ ತಥಾ ಕೃಪಾ ವಿಧೀಯತಾಮ್ ।
ಪ್ರಮಾಣಿಕಾಷ್ಟಕದ್ವಯಂ ಜಪತ್ಯಧೀತ್ಯ ಯಃ ಪುಮಾನ
ಭವೇತ್ಸ ನನ್ದನನ್ದನೇ ಭವೇ ಭವೇ ಸುಭಕ್ತಿಮಾನ ॥ 9 ॥
ಇತಿ ಶ್ರೀಮಚ್ಛಂಕರಾಚಾರ್ಯಕೃತಂ ಶ್ರೀಕೃಷ್ಣಾಷ್ಟಕಂ
ಕೃಷ್ಣಕೃಪಾಕಟಾಕ್ಷಸ್ತೋತ್ರಂ ಚ ಸಮ್ಪೂರ್ಣಮ್ ॥
ಶ್ರೀ ಕೃಷ್ಣಾರ್ಪಣಮಸ್ತು ॥
– Chant Stotra in Other Languages –
Sri Krishna Mantra » Sri Krishna Ashtakam Lyrics in Sanskrit » English » Bengali » Gujarati » Malayalam » Odia » Telugu » Tamil