॥ Sri Krishnashtakam Telugu Lyrics ॥
శ్రీకృష్ణాష్టకం శ్రీకృష్ణతాణ్డవస్తోత్రం చ
శ్రీ కృశ్న జన్మాష్టమీ
నిత్యానన్దైకరసం సచ్చిన్మాత్రం స్వయఞ్జ్యోతిః ।
పురుషోత్తమమజమీశం వన్దే శ్రీయాదవాధీశమ్ ॥
శ్రీ కృష్ణాష్టకమ్
భజే వ్రజైకమణ్డనం సమస్తపాపఖణ్డనం
స్వభక్తచిత్తరంజనం సదైవ నన్దనన్దనమ్ ।
సుపిచ్ఛగుచ్ఛమస్తకం సునాదవేణుహస్తకం
అనంగరంగసాగరం నమామి కృష్ణనాగరమ్ ॥ ౧ ॥
మనోజగర్వమోచనం విశాలలోలలోచనం
విధూతగోపశోచనం నమామి పద్మలోచనమ్ ।
కరారవిన్దభూధరం స్మితావలోకసున్దరం
మహేన్ద్రమానదారణం నమామి కృష్ణావారణమ్ ॥ ౨ ॥
కదమ్బసూనకుణ్డలం సుచారుగణ్డమణ్డలం
వ్రజాంగనైకవల్లభం నమామి కృష్ణదుర్లభమ్ ।
యశోదయా సమోదయా సగోపయా సనన్దయా
యుతం సుఖైకదాయకం నమామి గోపనాయకమ్ ॥ ౩ ॥
సదైవ పాదపంకజం మదీయ మానసే నిజం
దధానముక్తమాలకం నమామి నన్దబాలకమ్ ।
సమస్తదోషశోషణం సమస్తలోకపోషణం
సమస్తగోపమానసం నమామి నన్దలాలసమ్ ॥ ౪ ॥
భువో భరావతారకం భవాబ్ధికర్ణధారకం
యశోమతీకిశోరకం నమామి చిత్తచోరకమ్ ।
దృగన్తకాన్తభంగినం సదా సదాలిసంగినం
దినే దినే నవం నవం నమామి నన్దసమ్భవమ్ ॥ ౫ ॥
గుణాకరం సుఖాకరం కృపాకరం కృపాపరం
సురద్విషన్నికన్దనం నమామి గోపనన్దనమ్ ।
నవీనగోపనాగరం నవీనకేలిలమ్పటం
నమామి మేఘసున్దరం తడిత్ప్రభాలసత్పటమ్ ॥ ౬ ॥
సమస్తగోపనన్దనం హృదమ్బుజైకమోదనం
నమామి కుంజమధ్యగం ప్రసన్నభానుశోభనమ్ ।
నికామకామదాయకం దృగన్తచారుసాయకం
రసాలవేణుగాయకం నమామి కుంజనాయకమ్ ॥ ౭ ॥
విదగ్ధగోపికామనోమనోజ్ఞతల్పశాయినం
నమామి కుంజకాననే ప్రవ్రద్ధవన్హిపాయినమ్ ।
కిశోరకాన్తిరంజితం దృఅగంజనం సుశోభితం
గజేన్ద్రమోక్షకారిణం నమామి శ్రీవిహారిణమ్ ॥ ౮ ॥
యదా తదా యథా తథా తథైవ కృష్ణసత్కథా
మయా సదైవ గీయతాం తథా కృపా విధీయతామ్ ।
ప్రమాణికాష్టకద్వయం జపత్యధీత్య యః పుమాన
భవేత్స నన్దనన్దనే భవే భవే సుభక్తిమాన ॥ ౯ ॥
ఇతి శ్రీమచ్ఛంకరాచార్యకృతం శ్రీకృష్ణాష్టకం
కృష్ణకృపాకటాక్షస్తోత్రం చ సమ్పూర్ణమ్ ॥
శ్రీ కృష్ణార్పణమస్తు ॥
– Chant Stotra in Other Languages –
Sri Krishna Mantra » Sri Krishna Ashtakam Lyrics in Sanskrit » English » Bengali » Gujarati » Kannada » Malayalam » Odia » Tamil