॥ Sri Krishna Ashtottarashatanama Stotram Odia Lyrics ॥
॥ ଶ୍ରୀକୃଷ୍ଣାଷ୍ଟୋତ୍ତରଶତନାମସ୍ତୋତ୍ରମ୍ ॥
ଅଗସ୍ତ୍ୟ ଉଵାଚ
ସ୍ତୋତ୍ରଂ ତତ୍ତେ ପ୍ରଵକ୍ଷ୍ୟାମି ୟସ୍ୟାର୍ଥଂ ତ୍ଵମିହାଗତଃ ।
ଵାରାହାଦ୍ୟଵତାରାଣାଂ ଚରିତଂ ପାପନାଶନମ୍ ॥ ୨.୩୬.୧୧ ॥
ସୁଖଦଂ ମୋକ୍ଷଦଂ ଚୈଵ ଜ୍ଞାନଵିଜ୍ଞାନକାରଣମ୍ ।
ଶ୍ରୁତ୍ଵା ସର୍ଵଂ ଧରା ଵତ୍ସ ପ୍ରହୃଷ୍ଟା ତଂ ଧରାଧରମ୍ ॥ ୨.୩୬.୧୨ ॥
ଉଵାଚ ପ୍ରଣତା ଭୂୟୋ ଜ୍ଞାତୁଂ କୃଷ୍ଣଵିଚେଷ୍ଟିତମ୍ ।
ଧରଣ୍ୟୁଵାଚ
ଅଲଙ୍କୃତଂ ଜନ୍ମ ପୁଂସାମପି ନନ୍ଦଵ୍ରଜୌକସାମ୍ ॥ ୨.୩୬.୧୩ ॥
ତସ୍ୟ ଦେଵସ୍ୟ କୃଷ୍ଣସ୍ୟ ଲୀଲାଵିଗ୍ରହଧାରିଣଃ ।
ଜୟୋପାଧିନିୟୁକ୍ତାନି ସନ୍ତି ନାମାନ୍ୟନେକଶଃ ॥ ୨.୩୬.୧୪ ॥
ତେଷୁ ନାମାନି ମୁଖ୍ୟାନି ଶ୍ରୋତୁକାମା ଚିରାଦହମ୍ ।
ତତ୍ତାନି ବ୍ରୂହି ନାମାନି ଵାସୁଦେଵସ୍ୟ ଵାସୁକେ ॥ ୨.୩୬.୧୫ ॥
ନାତଃ ପରତରଂ ପୁଣ୍ୟଂ ତ୍ରିଷୁ ଲୋକେଷୁ ଵିଦ୍ୟତେ ।
ଶେଷ ଉଵାଚ
ଵସୁନ୍ଧରେ ଵରାରୋହେ ଜନାନାମସ୍ତି ମୁକ୍ତିଦମ୍ ॥ ୨.୩୬.୧୬ ॥
ସର୍ଵମଙ୍ଗଲମୂର୍ଦ୍ଧନ୍ୟମଣିମାଦ୍ୟଷ୍ଟସିଦ୍ଧିଦମ୍ ।
ମହାପାତକକୋଟିଘ୍ନଂ ସର୍ଵତୀର୍ଥଫଲପ୍ରଦମ୍ ॥ ୨.୩୬.୧୭ ॥
ସମସ୍ତଜପୟଜ୍ଞାନାଂ ଫଲଦଂ ପାପନାଶନମ୍ ।
ଶୃଣୁ ଦେଵି ପ୍ରଵକ୍ଷ୍ୟାମି ନାମ୍ନାମଷ୍ଟୋତ୍ତରଂ ଶତମ୍ ॥ ୨.୩୬.୧୮ ॥
ସହସ୍ରନାମ୍ନାଂ ପୁଣ୍ୟାନାଂ ତ୍ରିରାଵୃତ୍ତ୍ୟା ତୁ ୟତ୍ଫଲମ୍ ।
ଏକାଵୃତ୍ତ୍ୟା ତୁ କୃଷ୍ଣସ୍ୟ ନାମୈକଂ ତତ୍ପ୍ରୟଚ୍ଛତି ॥ ୨.୩୬.୧୯ ॥
ତସ୍ମାତ୍ପୁଣ୍ୟତରଂ ଚୈତତ୍ସ୍ତୋତ୍ରଂ ପାତକନାଶନମ୍ ।
ନାମ୍ନାମଷ୍ଟୋତ୍ତରଶତସ୍ୟାହମେଵ ଋଷିଃ ପ୍ରିୟେ ॥ ୨.୩୬.୨୦ ॥
ଛନ୍ଦୋଽନୁଷ୍ଟୁବ୍ଦେଵତା ତୁ ୟୋଗଃ କୃଷ୍ଣପ୍ରିୟାଵହଃ ।
ଶ୍ରୀକୃଷ୍ଣଃ କମଲାନାଥୋ ଵାସୁଦେଵଃ ସନାତନଃ ॥ ୨.୩୬.୨୧ ॥
ଵସୁଦେଵାତ୍ମଜଃ ପୁଣ୍ୟୋ ଲୀଲାମାନୁଷଵିଗ୍ରହଃ ।
ଶ୍ରୀଵତ୍ସକୌସ୍ତଭଧରୋ ୟଶୋଦାଵତ୍ସଲୋ ହରିଃ ॥ ୨.୩୬.୨୨ ॥
ଚତୁର୍ଭୁଜାତ୍ତଚକ୍ରାସିଗଦାଶଙ୍ଖାଦ୍ୟୁଦାୟୁଧଃ ।
ଦେଵକୀନନ୍ଦନଃ ଶ୍ରୀଶୋ ନନ୍ଦଗୋପପ୍ରିୟାତ୍ମଜଃ ॥ ୨.୩୬.୨୩ ॥
ୟମୁନାଵେଗସଂହାରୀ ବଲଭଦ୍ରପ୍ରିୟାନୁଜଃ ।
ପୂତନାଜୀଵିତହରଃ ଶକଟାସୁରଭଞ୍ଜନଃ ॥ ୨.୩୬.୨୪ ॥
ନନ୍ଦପ୍ରଜଜନାନନ୍ଦୀ ସଚ୍ଚିଦାନନ୍ଦଵିଗ୍ରହଃ ।
ନଵନୀତଵିଲିପ୍ତାଙ୍ଗୋ ନଵନୀତନଟୋଽନଘଃ ॥ ୨.୩୬.୨୫ ॥
ନଵନୀତଲଵାହାରୀ ମୁଚୁକୁନ୍ଦପ୍ରସାଦକୃତ୍ ।
ଷୋଡଶସ୍ତ୍ରୀସହସ୍ରେଶସ୍ତ୍ରିଭଙ୍ଗୀ ମଧୁରାକୃତିଃ ॥ ୨.୩୬.୨୬ ॥
ଶୁକଵାଗମୃତାବ୍ଧୀନ୍ଦୁର୍ଗୋଵିନ୍ଦୋ ଗୋଵିଦାମ୍ପତିଃ ।
ଵତ୍ସପାଲନସଞ୍ଚାରୀ ଧେନୁକାସୁରମର୍ଦ୍ଦନଃ ॥ ୨.୩୬.୨୭ ॥
ତୃଣୀକୃତତୃଣାଵର୍ତ୍ତୋ ୟମଲାର୍ଜୁନଭଞ୍ଜନଃ ।
ଉତ୍ତାଲତାଲଭେତ୍ତା ଚ ତମାଲଶ୍ୟାମଲା କୃତିଃ ॥ ୨.୩୬.୨୮ ॥
ଗୋପଗୋପୀଶ୍ଵରୋ ୟୋଗୀ ସୂର୍ୟକୋଟିସମପ୍ରଭଃ ।
ଇଲାପତିଃ ପରଞ୍ଜ୍ୟୋତିର୍ୟାଦଵେନ୍ଦ୍ରୋ ୟଦୂଦ୍ଵହଃ ॥ ୨.୩୬.୨୯ ॥
ଵନମାଲୀ ପୀତଵାସାଃ ପାରିଜାତାପହରକଃ ।
ଗୋଵର୍ଦ୍ଧନାଚଲୋଦ୍ଧର୍ତ୍ତା ଗୋପାଲଃ ସର୍ଵପାଲକଃ ॥ ୨.୩୬.୩୦ ॥
ଅଜୋ ନିରଞ୍ଜନଃ କାମଜନକଃ କଞ୍ଜଲୋଚନଃ ।
ମଧୁହା ମଥୁରାନାଥୋ ଦ୍ଵାରକାନାଥକୋ ବଲୀ ॥ ୨.୩୬.୩୧ ॥
ଵୃନ୍ଦାଵନାନ୍ତସଞ୍ଚାରୀ ତୁଲସୀଦାମଭୂଷଣଃ ।
ସ୍ୟମନ୍ତକମଣେର୍ହର୍ତ୍ତା ନରନାରାୟଣାତ୍ମକଃ ॥ ୨.୩୬.୩୨ ॥
କୁବ୍ଜାକୃଷ୍ଟାମ୍ବରଧରୋ ମାୟୀ ପରମପୂରୁଷଃ ।
ମୁଷ୍ଟିକାସୁରଚାଣୂରମଲ୍ଲୟୁଦ୍ଧଵିଶାରଦଃ ॥ ୨.୩୬.୩୩ ॥
ସଂସାରଵୈରୀ କଂସାରିର୍ମୁରାରିର୍ନରକାନ୍ତକଃ ।
ଅନାଦିର୍ବ୍ରହ୍ମଚାରୀ ଚ କୃଷ୍ଣାଵ୍ୟସନକର୍ଷକଃ ॥ ୨.୩୬.୩୪ ॥
ଶିଶୁପାଲଶିରସ୍ଛେତ୍ତା ଦୁର୍ୟୋଧନକୁଲାନ୍ତକୃତ୍ ।
ଵିଦୁରାକ୍ରୂରଵରଦୋ ଵିଶ୍ଵରୂପପ୍ରଦର୍ଶକଃ ॥ ୨.୩୬.୩୫ ॥
ସତ୍ୟଵାକ୍ସତ୍ୟସଂକଲ୍ପଃ ସତ୍ୟଭାମାରତୋ ଜୟୀ ।
ସୁଭଦ୍ରାପୂର୍ଵଜୋ ଵିଷ୍ଣୁର୍ଭୀଷ୍ମମୁକ୍ତିପ୍ରଦାୟକଃ ॥ ୨.୩୬.୩୬ ॥
ଜଗଦ୍ଗୁରୁର୍ଜଗନ୍ନାଥୋ ଵେଣୁଵାଦ୍ୟଵିଶାରଦଃ ।
ଵୃଷଭାସୁରଵିଧ୍ଵଂସୀ ବକାରିର୍ବାଣବାହୁକୃତ୍ ॥ ୨.୩୬.୩୭ ॥
ୟୁଧିଷ୍ଟିରପ୍ରତିଷ୍ଠାତା ବର୍ହିବର୍ହାଵତଂସକଃ ।
ପାର୍ଥସାରଥିରଵ୍ୟକ୍ତୋ ଗୀତାମୃତମହୋଦଧିଃ ॥ ୨.୩୬.୩୮ ॥
କାଲୀୟଫଣିମାଣିକ୍ୟରଞ୍ଜିତଃ ଶ୍ରୀପଦାଂବୁଜଃ ।
ଦାମୋଦରୋ ୟଜ୍ଞଭୋକ୍ତା ଦାନଵେଦ୍ରଵିନାଶନଃ ॥ ୨.୩୬.୩୯ ॥
ନାରାୟଣଃ ପରଂ ବ୍ରହ୍ମ ପନ୍ନଗାଶନଵାହନଃ ।
ଜଲକ୍ରୀଡାସମାସକ୍ତଗୋପୀଵସ୍ତ୍ରାପହାରକଃ ॥ ୨.୩୬.୪୦ ॥
ପୁଣ୍ୟଶ୍ଲୋକସ୍ତୀର୍ଥପାଦୋ ଵେଦଵେଦ୍ୟୋ ଦୟାନିଧିଃ ।
ସର୍ଵତୀର୍ଥାନ୍ମକଃ ସର୍ଵଗ୍ରହରୂପୀ ପରାତ୍ପରଃ ॥ ୨.୩୬.୪୧ ॥
ଇତ୍ୟେଵଂ କୃଷ୍ଣଦେଵସ୍ୟ ନାମ୍ନାମଷ୍ଟୋତ୍ତରଂ ଶତମ୍ ।
କୃଷ୍ଣୋନ କୃଷ୍ଣଭକ୍ତେନ ଶ୍ରୁତ୍ଵା ଗୀତାମୃତଂ ପୁରା ॥ ୨.୩୬.୪୨ ॥
ସ୍ତୋତ୍ରଂ କୃଷ୍ଣପ୍ରିୟକରଂ କୃତଂ ତସ୍ମାନ୍ମୟା ଶ୍ରୁତମ୍ ।
କୃଷ୍ଣପ୍ରେମାମୃତଂ ନାମ ପରମାନନ୍ଦଦାୟକମ୍ ॥ ୨.୩୬.୪୩ ॥
ଅତ୍ୟୁପଦ୍ରଵଦୁଃଖଘ୍ନଂ ପରମାୟୁଷ୍ୟଵର୍ଧନମ୍ ।
ଦାନଂ ଵ୍ରତଂ ତପସ୍ତୀର୍ଥଂ ୟତ୍କୃତଂ ତ୍ଵିହ ଜନ୍ମନି ॥ ୨.୩୬.୪୪ ॥
ପଠତାଂ ଶୃଣ୍ଵତାଂ ଚୈଵ କୋଟିକୋଟିଗୁଣଂ ଭଵେତ୍ ।
ପୁତ୍ରପ୍ରଦମପୁତ୍ରାଣାମଗତୀନାଂ ଗତିପ୍ରଦମ୍ ॥ ୨.୩୬.୪୫ ॥
ଧନାଵହଂ ଦରିଦ୍ରାଣାଂ ଜୟେଚ୍ଛୂନାଂ ଜୟାଵହମ୍ ।
ଶିଶୂନାଂ ଗୋକୁଲାନାଂ ଚ ପୁଷ୍ଟିଦଂ ପୁଣ୍ୟଵର୍ଦ୍ଧନମ୍ ॥ ୨.୩୬.୪୬ ॥
ବାଲରୋଗଗ୍ରହାଦୀନାଂ ଶମନଂ ଶାନ୍ତିକାରକମ୍ ।
ଅନ୍ତେ କୃଷ୍ଣସ୍ମରଣଦଂ ଭଵତାପତ୍ରୟାପହମ୍ ॥ ୨.୩୬.୪୭ ॥
ଅସିଦ୍ଧସାଧକଂ ଭଦ୍ରେ ଜପାଦିକରମାତ୍ମନାମ୍ ।
କୃଷ୍ଣାୟ ୟାଦଵେନ୍ଦ୍ରାୟ ଜ୍ଞାନମୁଦ୍ରାୟ ୟୋଗିନେ ॥ ୨.୩୬.୪୮ ॥
ନାଥାୟ ରୁକ୍ମିଣୀଶାୟ ନମୋ ଵେଦାନ୍ତଵେଦିନେ ।
ଇମଂ ମନ୍ତ୍ରଂ ମହାଦେଵି ଜପନ୍ନେଵ ଦିଵା ନିଶମ୍ ॥ ୨.୩୬.୪୯ ॥
ସର୍ଵଗ୍ରହାନୁଗ୍ରହଭାକ୍ସର୍ଵପ୍ରିୟତମୋ ଭଵେତ୍ ।
ପୁତ୍ରପୌତ୍ରୈଃ ପରିଵୃତଃ ସର୍ଵସିଦ୍ଧିସମୃଦ୍ଧିମାନ୍ ॥ ୨.୩୬.୫୦ ॥
ନିଷେଵ୍ୟ ଭୋଗାନନ୍ତେଽପି କୃଷ୍ଣାସାୟୁଜ୍ୟମାପ୍ନୁୟାତ୍ ।
verses 21 through 50 also appear in NaradapancharAtra
ଅଗସ୍ତ୍ୟ ଉଵାଚ
ଏତାଵଦୁକ୍ତୋ ଭାଗଵାନନନ୍ତୋ ମୂର୍ତ୍ତିସ୍ତୁ ସଂକର୍ଷଣସଂଜ୍ଞିତା ଵିଭୋ ॥ ୨.୩୬.୫୧ ॥
ଧରାଧରୋଽଲଂ ଜଗତାଂ ଧରାୟୈ ନିର୍ଦିଶ୍ୟ ଭୂୟୋ ଵିରରାମ ମାନଦଃ ।
ତତସ୍ତୁ ସର୍ଵେ ସନକାଦୟୋ ୟେ ସମାସ୍ଥିତାସ୍ତତ୍ପରିତଃ କଥାଦୃତାଃ ।
ଆନନ୍ଦପୂର୍ଣାମ୍ବୁନିଧୌ ନିମଗ୍ନାଃ ସଭାଜୟାମାସୁରହୀଶ୍ଵରଂ ତମ୍ ॥ ୨.୩୬.୫୨ ॥
ଋଷୟ ଊଚୁଃ
ନମୋ ନମସ୍ତେଽଖିଲଵିଶ୍ଵାଭାଵନ ପ୍ରପନ୍ନଭକ୍ତାର୍ତ୍ତିହରାଵ୍ୟୟାତ୍ମନ୍ ।
ଧରାଧରାୟାପି କୃପାର୍ଣଵାୟ ଶେଷାୟ ଵିଶ୍ଵପ୍ରଭଵେ ନମସ୍ତେ ॥ ୨.୩୬.୫୩ ॥
କୃଷ୍ଣାମୃତଂ ନଃ ପରିପାୟିତଂ ଵିଭୋ ଵିଧୂତପାପା ଭଵତା କୃତା ଵୟମ୍ ।
ଭଵାଦୃଶା ଦୀନଦୟାଲଵୋ ଵିଭୋ ସମୁଦ୍ଧରନ୍ତ୍ୟେଵ ନିଜାନ୍ହି ସଂନତାନ୍ ॥ ୨.୩୬.୫୪ ॥
ଏଵଂ ନମସ୍କୃତ୍ୟ ଫଣୀଶପାଦୟୋର୍ମନୋ ଵିଧାୟାଖିଲକାମପୂରୟୋଃ ।
ପ୍ରଦକ୍ଷିଣୀକୃତ୍ୟ ଧରାଧରାଧରଂ ସର୍ଵେ ଵୟଂ ସ୍ଵାଵସଥାନୁପାଗତାଃ ॥ ୨.୩୬.୫୫ ॥
ଇତି ତେଽଭିହିତଂ ରାମ ସ୍ତୋତ୍ରଂ ପ୍ରେମାମୃତାଭିଧମ୍ ।
କୃଷ୍ଣସ୍ୟ ରାଧାକାନ୍ତସ୍ୟ ସିଦ୍ଧିଦମ୍ ॥ ୨.୩୬.୫୬ ॥ incomplete metrically
ଇଦଂ ରାମ ମହାଭାଗ ସ୍ତୋତ୍ରଂ ପରମଦୁର୍ଲଭମ୍ ।
ଶ୍ରୁତଂ ସାକ୍ଷାଦ୍ଭଗଵତଃ ଶେଷାତ୍କଥୟତଃ କଥାଃ ॥ ୨.୩୬.୫୭ ॥
ୟାଵନ୍ତି ମନ୍ତ୍ରଜାଲାନି ସ୍ତୋତ୍ରାଣି କଵଚାନି ଚ ॥ ୨.୩୬.୫୮ ॥
ତ୍ରୈଲୋକ୍ୟେ ତାନି ସର୍ଵାଣି ସିଦ୍ଧ୍ୟନ୍ତ୍ୟେଵାସ୍ୟ ଶୀଲନାତ୍ ।
ଵସିଷ୍ଠ ଉଵାଚ
ଏଵମୁକ୍ତ୍ଵା ମହାରାଜ କୃଷ୍ଣପ୍ରେମାମୃତଂ ସ୍ତଵମ୍ ।
ୟାଵଦ୍ଵ୍ୟରଂସୀତ୍ସ ମୁନିସ୍ତାଵତ୍ସ୍ଵର୍ୟାନମାଗତମ୍ ॥ ୨.୩୬.୫୯ ॥
ଚତୁର୍ଭିରଦ୍ଭୁତୈଃ ସିଦ୍ଧୈଃ କାମରୂପୈର୍ମନୋଜଵୈଃ ।
ଅନୁୟାତମଥୋତ୍ପ୍ଲୁତ୍ୟ ସ୍ତ୍ରୀପୁଂସୌ ହରିଣୌ ତଦା ।
ଅଗସ୍ତ୍ୟଚରଣୌ ନତ୍ଵା ସମାରୁରୁହତୁର୍ମୁଦା ॥ ୨.୩୬.୬୦ ॥
ଦିଵ୍ୟଦେହଧରୌ ଭୂତ୍ଵା ଶଙ୍ଖଚକ୍ରାଦିଚିହ୍ନିତୌ ।
ଗତୌ ଚ ଵୈଷ୍ଣଵଂ ଲୋକଂ ସର୍ଵଦେଵନମସ୍କୃତମ୍ ।
ପଶ୍ୟତାଂ ସର୍ଵଭୂତାନାଂ ଭାର୍ଗଵାଗସ୍ତ୍ୟୟୋସ୍ତଥା ॥ ୨.୩୬.୬୧ ॥
ଇତି ଶ୍ରୀବ୍ରହ୍ମାଣ୍ଡେ ମହାପୁରାଣେ ଵାୟୁପ୍ରୋକ୍ତେ ମଧ୍ୟଭାଗେ ତୃତୀୟ ଉପୋଦ୍ଧାତପାଦେ
ଭାର୍ଗଵଚରିତେ ଷଟ୍ତ୍ରିଂଶତ୍ତମୋଽଧ୍ୟାୟଃ ॥ ୩୬ ॥
– Chant Stotra in Other Languages –
Sri Vishnu Slokam » Sri Krishna Ashtottara Shatanama Stotram Lyrics in Sanskrit » English » Bengali » Gujarati » Kannada » Malayalam » Telugu » Tamil