॥ Sree Lalitha Devi Ashtakam Bengali Lyrics ॥
॥ শ্রীললিতাষ্টকম্ ॥
শ্রীললিতাপ্রণামস্তোত্রম্
শ্রীললিতায় নমঃ ।
রাধামুকুন্দ পদসম্ভবঘর্মবিন্দু
নির্মঞ্ছনোপকরণীকৃত দেহলক্ষাম্ ।
উত্তুঙ্গসৌহৃদবিশেষবশাত্ প্রগল্ভাং
দেবীং গুণৈঃ সুললিতাং ললিতাং নমামি ॥ ১ ॥
রাকাসুধাকিরণমণ্ডলকান্তিদণ্ডি
বক্ত্রশ্রিয়ং চকিতচারূ চমূরুনেত্রাম্ ।
রাধাপ্রসাধনবিধানকলাপ্রসিদ্ধাং
দেবীং গুণৈঃ সুললিতাং ললিতাং নমামি ॥ ২ ॥
লাস্যোল্লসদ্ভুজগশত্রুপতত্রচিত্র
পট্টাংশুকাভরণকঞ্চুলিকাঞ্চিতাঙ্গীম্ ।
গোরোচনারুচিবিগর্হণ গৌরিমাণং
দেবীং গুণৈঃ সুললিতাং ললিতাং নমামি ॥ ৩ ॥
ধূর্তে ব্রজেন্দ্রতনয়ে তনু সুষ্ঠুবাম্যং
মা দক্ষিণা ভাব কলঙ্কিনি লাঘবায় ।
রাধে গিরং শৃণু হিতামিতি শিক্ষয়ন্তীং
দেবীং গুণৈঃ সুললিতাং ললিতাং নমামি ॥ ৪ ॥
রাধামভিব্রজপতেঃ কৃতমাত্মজেন
কূটং মনাগপি বিলোক্য বিলোহিতাক্ষীম্ ।
বাগ্ভঙ্গিভিস্তমচিরেণ বিলজ্জয়ন্তীং
দেবীং গুণৈঃ সুললিতাং ললিতাং নমামি ॥ ৫ ॥
বাত্সল্যবৃন্দবসতিং পশুপালরাজ্ঞ্যাঃ
সখ্যানুশিক্ষণকলাসু গুরুং সখীনাম্ ।
রাধাবলাবরজ জীবিতনির্বিশেষাং
দেবীং গুণৈঃ সুললিতাং ললিতাং নমামি ॥ ৬ ॥
য়াং কামপি ব্রজকুলে বৃষভানুজায়াঃ
প্রেক্ষ্য স্বপক্ষপদবীমনুরুদ্ধ্যমানাম্ ।
সদ্যস্তদিষ্টঘটনেন কৃতার্থয়ন্তীং
দেবীং গুণৈঃ সুললিতাং ললিতাং নমামি ॥ ৭ ॥
রাধাব্রজেন্দ্রসুতসঙ্গমরঙ্গচর্যাং
বর্যাং বিনিশ্চিতবতীমখিলোত্সবেভ্যঃ ।
তাং গোকুলপ্রিয়সখীনিকুরম্বমুখ্যাং
দেবীং গুণৈঃ সুললিতাং ললিতাং নমামি ॥ ৮ ॥
নন্দনমূনি ললিতাগুণলালিতানি
পদ্যানি য়ঃ পঠতি নির্মলদৃষ্টিরষ্টৌ ।
প্রীত্যা বিকর্ষতি জনং নিজবৃন্দমধ্যে
তং কীর্তিদাপতিকুলোজ্জ্বলকল্পবল্লী ॥ ৯ ॥
ইতি শ্রীরূপগোস্বামিবিরচিতস্তবমালায়াং শ্রীললিতাষ্টকং
শ্রীললিতাপ্রণামস্তোত্রং সম্পূর্ণম্ ।
– Chant Stotra in Other Languages –
Sri Durga Slokam » Sri Lalita Ashtakam Lyrics in Sanskrit » English » Gujarati » Kannada » Malayalam » Odia » Telugu » Tamil